كم سعر قفص الأرنب؟فين الاقي اقفاص؟ دلوني على طبيب بيطري في المدينة المنورة

[رامـــا]

السلام عليكم و رحمة الله و بركاته


اشتريت ارنبين من فترة و حاطتهم في كرتون كبير و فارشتو بنشارة
الخشب بس تعبت و الله و انكسر ضهري و انا كل شوية الملم في
الفضلات الله يكرمكم و طبعا الصغار كل شوية يطلعو الارانب من الكرتون و لما
أرجعهم على طول امسح الارض بالديتول لأني اخاف ان الارانب تسبب
لنا مرض لا سمح الله لأنها
اكيد تدعس على الفضلات الله يكرمكم و اخاف تعلق في رجولها جراثيم
و تنقلنا امراض و غرفتي كبيرة و صعب كل شوية اسيب اشغالي وامسح

فالحل اني اشتري قفص من اللي قاعو في شبك عشان
لما الأرانب توسخ الله يكرمكم ينزل الوسخ من فتحات الشبك

فهمتوني؟


و كمان طفشت من كتر ما تخرفش في الكرتون و تاكل فيه
الاصوات مزعجة لما اجي
انام مرة اتضايق ههههههههههههههههههههههههههه

طبعا حاطة الارانب في غرفة نومي




ابغى اشتري من هادا القفص و رحت امس تلاتة محلات ما لقيت

حابة اسـأل عن اسعار هادي الاقفاص و فين ممكن الاقيها


::::::::::::::::::::::::::::::::::::::::::::::::::


للأسف انا موسوسة لما امسك الارانب انا او اخواني لازم اغير ملابسي واخليهم يغيرو ملابسهم و يغسلو ايديهم و رجليهم بالصابون خوفا عليهم من
الجراثيم او ان الارانب تسبب لهم مرض يعني ماني خايفة على
نفسي لاكن خايفة الصغار يمرضو لا سمح الله

طيب ايش العمل؟.

فكرت اني اخدهم لطبيب بيطري يمكن يطعمهم او يسوي
شي يخفف من خوفي من الجراثيم
بس ماني عارفة فين الاقي عيادات بيطرية في المدينة


اعرف صيدلية بيطرية فهل ينفع اخدهم للصيدلي؟

"""""""""""""""""""""""""""""""""""""""""""


الله يسعد اللي يرد عليا او يرفع الموضوع و لو بدعوة

[إحساس رسام]

وعليكم السلام ورحمة الله وبركاته

ياساتر الارانب افضل بيئه لهم على رمل !! .. او تحتهم يكون نشارة خشب .. ام بالنسبه لإستفسارك عن الاقفاص ادا تبغي صغيره موجود في المحلات في (سوق الحمام والطيور) .. انا افضل انك تفصليلهم واحد من محلات تفصيل الحديد .. وعن الصيدليه اعتقد جنب سوق الطيور في وحده .. وتري الي في الصيدليه يجيها دكتور اسمو .... نسيت بس الراجل سوداني ومابقصر معاك (يجي من 9 الصباح لين 11 اعتقد) .. وفي صيديله تانيه في قربان .. اتمنى اكون افدتك
تقبلي مروري

[رامـــا]

مشكور يا احساس رسام جزاك الله خير و رزقك من حيث لا تحتسب


كنت حاطتلهم رمل بس حسيتو يوسخ الارانب لأني كل ما امسح فروهم الاقيه احمر من الرمل
عشان كدا غيرتو و حطيت نشارة الخشب

[رامـــا]

يا جماعة اللي عندو رأي آخر او اقتراح او اي شي لا يبخل علينا رجاءا

خلينا نفيد و نستفيد من بعض

[marshmallow]

وضعك لأرآنبك في كرتون هو آلي رآح يسبب لهم ولكم الأمرآض

لأن الأرآنب آذآ قضوا حآجتهم ع آلكرتون رآح يعفن ويسبب آمرآض زي الجرب والطفيليآت

آشتري بهم قفص في آقرب وقت ، وآفرشيه بآلنشآرة

ومآله دآعي هالوسآويس ، الأرآنب حيوآنآت نظيفة ومآ يحتآج تغيرين ملآبسك

يكفي آنك تغسلين يدينك بالصآبون

حتى فضلآتهآ نظيفة ، فَ هي مآ تآكل غير آلنبآتآت ، وأيضاً الأرآنب دآئماً ينظفون آنفسهم

ومآدم آلقفص نظيف وتغيرين آلنشآرة بِ آنتظآم والأرآنب سليمين وصحيين وخآلين من الأمرآض فَ مآفيه خوف آن شآء آلله

ومآيحتآج تغيرين ملآبسك وملآبس آخوآنك ولآ تمسحين الأرضية بديتول

موفقة

[رامـــا]

شكرا عزيزتي مارشمللو على النصائح

بالنسبة للكرتون خلاص لقيت قفص مناسب و حجمو مناسب و اشتريتو
و تخلصت من الكرتون و فعلا القفص اريح و افضل و انظف و اسهل في التنظيف

كل ما الاقي و ساخة الله يكرمكم انظف على طول و بكل سهولة

و لا في رطوبة و لا وساخة و لا كتمة و لا ريحة زي الكرتون


و بالنسبة لنصايحك على النظافة انتي معاكي حق
انا كنت موسوسة بس الوسوسة هادي هي اللي
خلتني ما اجيب ارانب او اي حيوان من قبل لأني كنت اخاف
من وساختهم

لكن بعد ما جبت هالارنوبات و حبيتهم و فكرت بكلامك لقيت ان كلامك
صحيح
اكلهم نظيف و هما ماشاء الله نظاف و صحيح طول الوقت الاقيهم ينظفو
نفسهم و كمان متعودين عالليتر بوكس

بالنسبة للنشارة
اكيد ان شاء الله راح انظفها اول بأول و اذا تبولت فيها الارنبة الله يكرمك
راح اغيرها فورا

انا ما ارضى اقعد على وسخ فكيف راح ارضى ان ارنبتي تقعد فيه.,.؟

الحمد لله اتبعت نصائحك المكتوبة كلها و انا الان مرتاحة جدا





شكرا عزيزتي و جزاكي الله خير

[سماري]

المشاركة الأصلية كتبت بواسطة رامـــا

شكرا عزيزتي مارشمللو على النصائح

بالنسبة للكرتون خلاص لقيت قفص مناسب و حجمو مناسب و اشتريتو
و تخلصت من الكرتون و فعلا القفص اريح و افضل و انظف و اسهل في التنظيف



ر

ممكن الله يعافيكي تصوري قفصك اشوفه انتظرك