أفيدوني بتشكيلتي الجديده

[شكراً]

السلام عليكم

كيف حالكم يا اخوان

اتمنى تعطوني رايكم بهذه الطيور 2 انثى اليوم شاريهم و2 ذكور قديمين عندي

نبدأ بالاناثي

الاول


وكما تلاحضون ان الطير رافع رجله اليمين مدري ليه مع اني فحصته مافيها شي ومرات يرفع الرجل اليسار وتراهو اليوم شاريه

وكما الاحظ عليه برازه كانه سهال اليكم الصور لتحكمون انتم وتعطوني رايكم بعد



الثاني


هذه زينه وماعليها وعاجبتني


هذه الاناثي جديده اليوم شاريهم وابي ازاوجهم مع الذكور الي عندي للعلم انا عازلهم كل طير بقفص بروحه

واللحين صور الذكور الي جننوني هههه

مرات اقول عنهم زوج ومرات اقول انهم ذكور بس متوالفين على بعض







ملاحظه يا اخوان ابي كل واحد يقولي رايه وملاحظاته

استفسار اخير الطيور الجدد الى الان لم ياكلو شي ولم يشربو ممكن تفسير !!

وشكرا لكم يا احلى منتدى

[نادر وجودي]

هلا بك وان شاء الله اقدر افيدك بلي اعرفه
تطمن برازهم مو اسهال وماعليهم شر ان شاء الله
وثاني حاجه طبيعي كون الطير يوقف على رجل وحده تعتبر فترة راحه له
ولانك توك شاريهم يكونون خايفين من المكان الجديد فماياكلون كثير
خلهم يومين او ثلاث ايام يتعودون
وبخصوص الزوج الي انت شاك فيه هو ذكر وانثى تطمن
ماشاء الله عليهم حلوين ربي يحفظهم وتورينا انتاجهم ان شاء الله

[basel7230]

انهم غير متأقلمين مع الوضع الجديد فقط لا داعي للقلق

[شكراً]

مشكور يانادر الوجود طمنتني

لكن معقوله هم زوج مع ان لون الكير اثنينهم ازرق وانا رايح لسوق وشاري لهم النثيتين ابي افرقهم وازوجهم
دقق بهذه الصوره عدل وعطني رايك الاكيد

[moad17]

هم زوج الاخضر والاناث جاهزين اشتر لهم ذكور
%100 الاخضر زوج لكن معلومه ممكن ترا الذكور يتوالفو معبعض وقد يلقحو بعض لكن مايبيضو
لكن الاخضر جووز
و
الاناث الي شريتهم جاهزين 100%
وشكرا

[شكراً]

شكرا لك اخوي moad17
لكن بصراحه لي 4 شهوروانا محتار هل هم زوجين ولا ذكور متوالفين

وانا رايح وشاري لهم اناثي وقفص جديد وسلاكات عاد اللحين بعد اروح واشتري ذكرين للاناثي الجدد هههه

ابي رايك الاكيد وراي الخبراء بعد قبل لا اسوي اي شي لهم

وانتظر والصبر مفتاح الفرج

[حمضيات ميريندا]

الانثى الي بأول صورة غريب شكلها ومميز بس صراحه احترت فيها انجليزي ولا هولندي؟ والشي الثاني اذا كانو كلهم من نوع واحد افضلك يعني عشان الانتاج ,,وبخصوص رفع الرجل عاااادي لما ينامون يرفعونها مافي مشاكل

[شكراً]

افيدوونا يا اهل الخبره وينك يادكتور خالد محتاج رايك

للرفع

[شكراً]

المشاركة الأصلية كتبت بواسطة حمضيات ميريندا

الانثى الي بأول صورة غريب شكلها ومميز بس صراحه احترت فيها انجليزي ولا هولندي؟ والشي الثاني اذا كانو كلهم من نوع واحد افضلك يعني عشان الانتاج ,,وبخصوص رفع الرجل عاااادي لما ينامون يرفعونها مافي مشاكل

مشكوره اختي على مشاركتج ولكن ماريحتيني بحيرتي بصور البادجي الخضر الي كانو عندي من زمان وانا محتار فيهم هل هم زوجين ولا اثنينهم ذكور والله احترت فيهم مع العلم اني اشوفهم مع بعضهم دايم حتى اذا طلعتهم من القفص يروحون ورى بعض ويصفون بجنب بعض ولكن عند الاكل يتهاوشون عليه ولو انهم زوجين كان ولكو بعضهم وماصارت مهاوش على الاكل صح

انتظر اجابتج

[MR.F]

ماشاء الله زوجين جميلين

الخضران ذكور و الجدد اناث