اشترك في نشرتنا البريدية ليصلك كل جديد

خبيرهـ الحيوانات · 27-12-2009, 02:48 PM

السلام عليكم ..
يوم الجمعهـ رحت انا وامي واخوي نتمشى ورحنا سوق الحيوانات ,, كنا نتفرج عالطيور وانا تفرجت عالقطط اللي هنآآكـ ,, لقيت قطاوة صغار يجننون ,, فـ ماكان عندي فلوس اشتري وحدة وان شاء الله يوم ثاني باروح اشتري ,, بس ابي منكم استشارة من الخبراء ..

قالت مشرفتنا العزيزة آنـــــو ان زيت كبد السمك مفيد في موضوعها الاهتمام بالقطط بالشتاء ’’ انا عندي حبوب كبد السمك شريتة من الصيدلية البشرية وهاذا هو :

وهاذي حباتة :

- وماهي فوائدة ..؟
- و هل هي تنفع في فصل الشتاء .. وهل استعملها للقط فقط في فصل الشتاء ..؟

___

بالنسبة للقطة اللي ابي اشتريهاحجمها كـ هاذي القطة بالضبط :

فـ كم عمرها .. ؟

___

وبالنسبة للطعام متى اعطي القطة اكلها ..؟ (( يعني جدول الطعام للقط .. (( وعلى فكرة القطة اللي ابي اشتريها صغيرة فـ ممكن تعطوني انواع اكلات تناسب سنها ..؟

___

ومع الاسف امي قالت اخليها برا .. وانا قلت لها لا .. باخليها في غرفتي والمسئولية مسئوليتي وغرفتي تناسبها ومريحة لها .. يعني عادي اخلي الليتر بوكس والاكل في نفس الغرفهـ ..؟

___

انا اعرف اتأكد من القطهـ قبل شرائها .. بس لو شفت قطة جالسة ومقمضة عينها هل هي مريضة ؟ ..

___

انا آسفة اني ازعجتكم بأسئلتي المتكررة .. بس شاسوي انا أول مرة اربي قط .. فـ لازم اتعلم تربية القطط عشان ماطيح في ورطهـ ..
اتمنى المساعدة ..
دمتم بخير ..
..
..
..

ميمي584 · 27-12-2009, 05:09 PM

فـ كم عمرها

شهرين الى 3 شهور

وبالنسبة للطعام متى اعطي القطة اكلها ..؟

مافي مشكله اذا كان دراي فود تخلينه 24 ساعه بس يفضل انك تحطين لها من 3 الى 5 وجبات يومياً

(( يعني جدول الطعام للقط .. (( وعلى فكرة القطة اللي ابي اشتريها صغيرة فـ ممكن تعطوني انواع اكلات تناسب سنها ..؟

احسن شي اكل البيت وعندك الرويال كانين منيح واذا تبين اكل للصغار تلقين مكتوب عليه كيتين والادولت للكبار (البالغين)

ومع الاسف امي قالت اخليها برا .. وانا قلت لها لا .. باخليها في غرفتي والمسئولية مسئوليتي وغرفتي تناسبها ومريحة لها .. يعني عادي اخلي الليتر بوكس والاكل في نفس الغرفهـ ..؟

عادي بس ابعدي مكان الاكل عن الليتر بما لا يقل عن مترين

انا اعرف اتأكد من القطهـ قبل شرائها .. بس لو شفت قطة جالسة ومقمضة عينها هل هي مريضة ؟ ..

لا , مو شرط ان القطه الصاحيه مو مريضه يمكن نايمه وافضل وقت لشراء القطط الظهر وقت لعبتهم

جاوبتك على الي اعرفه واسمحيلي على القصور وان شاء الله الاخت آنـو توضح زيت كبد السمك

والله يوفقك

خبيرهـ الحيوانات · 28-12-2009, 09:42 PM

لا لا مافي مشكلة اختي ..
يعطيكـ العافيهـ عالمعلومات .. و بصراحة افدتيني ..
تسلمين اختي ..
..
..
..

آنـــــو · 28-12-2009, 10:16 PM

مرحبا حبوبه

اقتباس:

- وماهي فوائدة ..؟

زيت كبد الحوت ممتاز

الكبسولات ماجربتها على قطاوتي آعطيهم زيت سايل خاص للحيوانات ,, بس قالوا بالمواقع آن ننفع نعطي لقططنا الكبسولات

المقدار المخصص لزيت كبد الحوت مرتين الى 3 مرات بالأسبوع بمقدار ملعقه صغيرره

وفوائده كثيره لصحة القط بشكل عام ويعطيهم طاقه ,, ولصحة الشعر بشكل خاص يقلل من التساقط ويعطيه لمعه

وحتى للعيون يعطيها لمعه وصفاوه / ومفيد لمشاكل الهير بول

وشفت نتايجه على قطاوتي قلل من تساقط شعرهم كثيررر ,, وآعطاه ملمس نااعم ..

اقتباس:

- و هل هي تنفع في فصل الشتاء .. وهل استعملها للقط فقط في فصل الشتاء ..؟

بآي وقت شتا وصيف

اقتباس:

بالنسبة للقطة اللي ابي اشتريهاحجمها كـ هاذي القطة بالضبط :

شهرين تقريباً

اقتباس:

وبالنسبة للطعام متى اعطي القطة اكلها ..؟ (( يعني جدول الطعام للقط .. (( وعلى فكرة القطة اللي ابي اشتريها صغيرة فـ ممكن تعطوني انواع اكلات تناسب سنها ..؟

عدد الوجبات على حسب العمر كل ماكان صغير كل مازادات آحتياجاته للأكل لأنه يحتاجه ويستهلكه في فترة النمو

عـ العموم لو كان آقل من 6 شهور عدد الوجبات يكون من 3 الى 4

ولو آكبر من 6 شهور 3 وجبات

دجاج مسلوق مع خضروات ودراي فود .. وبين الوجبات توست مع جبن وبيض حاجات كذا خفيفه

اقتباس:

ومع الاسف امي قالت اخليها برا .. وانا قلت لها لا .. باخليها في غرفتي والمسئولية مسئوليتي وغرفتي تناسبها ومريحة لها .. يعني عادي اخلي الليتر بوكس والاكل في نفس الغرفهـ ..؟

آي عاادي دايم قطاوتي بغرفتي والرمل موجود وآكلهم ومويتهم بس مثل ماقال ميمي آقل شي بين آكلها ومويتها مترر آو مترين

ولو آمك ماسمحت لك تحتفظين فيها داخل البيت نصيحه لاتشترين وتحطين بذمتك شي ,, والقطط حلات تربيتها معاك داخل البيت

اقتباس:

انا اعرف اتأكد من القطهـ قبل شرائها .. بس لو شفت قطة جالسة ومقمضة عينها هل هي مريضة ؟ ..

آيوه غالباً أذا مغمصه تكون مريضه سواء مرض بالعين آو مرض داخلي ,,

آما لو هي هاف بيكي آو بيكي بتكون معها آفرازات بنيه طبيعيه بس العيون لازم تكون مفتوحه ونظييفه وصافيه ..

وعادي حبيبتي آسألتك عسل علي قلوبنا خذي راحتك .. والله يوفقك وتشترين آحلى ئطئوطه