اشترك في نشرتنا البريدية ليصلك كل جديد

خلخول · 11-01-2011, 07:37 AM

بسم الله الرحمن الرحيم ....

قبل ما ابدأ موضوعي احب اشكر عضو رائع هنا اسمه محمد ابراهيم .. جزاه الله كل خير وقف معايه وكان نعم العضو والمحترفين هنا .. ولا انسى الاعضاء الاخرين فشكرا لهم .

احب اوريكم واحد من طيور الروز اللي عندي .. لمن جبتهم كان عمرهم اسبوعين ونص او ثلاثه اسابيع يمكن .. والآن وبعد اسبوع تقريباً .. صارت بيننا علاقه قوبة ..

جبت لكم فيديو صورته امس وتفاجأت فيه .. لأن الطيور كانت تخاف مني وتهرب لما اجي اشيلهم .. لكن الان لا ..

انا عوّدتهم لمن ارجع من الدوام وادخل البيت .. اطلع صوت معين وقت ما يكونوا هما جوعانين .. فأنا اطلع هذا الصوت وانا شايل الاكل في يدي .. وعلى هذا الموال استمريت اسبوع متواصل .. شوفوا المقطع ..

" لا تدققون في صوتي .. لأن فمي كان مليان وقتها / : "

تحياتي واشواقي لكم

http://www.youtube.com/watch_popup?v=4L0aPnBivPY&vq=medium#t=17

وعندي سؤال لك يا اخي محمد .. ولأهل الخبرة كمان ..

( أنا لاحظت ملاحظة وااااضحة .. بأن واحد منهم نشييييييييييييييييييييييييييييييييييييط جدا ماشاء الله تبارك الله .. وله محاولات جريييئة للطيران ودااااااااائما يرفرف بجناحية كأنه هيلوكابتر خخخ لا اله الا الله ..وفضوولي والفيديو اللي فوق هو له .

والثاني هاااديء وشهيته حلوه للأكل لكنه خجول وما احس انه يبادلني اية مشاعر ولا يلعب معايه مثل اخوه .

ولاحظت إني لما آخذ واحد منهم لبعيد .. صح إنهم ينادون بعض ويظل يدور يمين وشمال ... لكن الأول " النشيط " أحس إنه مجتهد من جد في البحث .. حتى لو كلفه الأمر إنه يطير بجنحانه المقصوصه علشان يرجع للثاني " الخجول "

أما لو شلت الخجول .. يقعد منطوي ومايحاول يرجع لصاحبه الا لو قربته للأول فــــ ينط علشان ينضم اليه .

هل ظني صحيح ... بأن الأول النشيط والجريء هو ذكر ؟ والثاني الهاديء هو انثى ؟

جورجي · 11-01-2011, 04:58 PM

ماشاء الله .. تبارك الله
فرخ جميل ونشيط ..
أخوي رفرفة الاجنحة .. الفرخ وهو واقف على الارض يرفرف بقوة وهو واقف مكانه من دون مايطير صح ؟؟
يسمونه تمرين الاجنحة او اختبار الاجنحة ... والفراخ تسويه استعداداً لاكتمال نمو الجناحين .. علشان لما يكتمل يطير الفرخ

<<< فراخي لما كانت صغيرة .. قبل لايكتمل ريش الجناح كانت تسويه

وبالنسبة الى النشيط الذكر والهادىء الانثى مااعرف

fotoo · 11-01-2011, 05:39 PM

ماشاء الله
ماشاء الله
ماشاء الله
الله يخليه لك
ويحفظه

خلخول · 11-01-2011, 06:18 PM

اقتباس:

المشاركة الأصلية كتبت بواسطة جورجي

ماشاء الله .. تبارك الله
فرخ جميل ونشيط ..
أخوي رفرفة الاجنحة .. الفرخ وهو واقف على الارض يرفرف بقوة وهو واقف مكانه من دون مايطير صح ؟؟
يسمونه تمرين الاجنحة او اختبار الاجنحة ... والفراخ تسويه استعداداً لاكتمال نمو الجناحين .. علشان لما يكتمل يطير الفرخ

<<< فراخي لما كانت صغيرة .. قبل لايكتمل ريش الجناح كانت تسويه

وبالنسبة الى النشيط الذكر والهادىء الانثى مااعرف

/ :

شكراً لك ولتواجدك العطر