نداااااء الى اهل الخير

[Rana]

بسم الله الرحمن الرحيم

نداااء انساني لكل الاعضااء ياريت التفاعل ..

كنت قبل شوي داخلة موقع paws kuwait وهو ملجا للحيوانات في الكويت تابع لسلسلة ملاجئ حول العالم.. وللي ما يعرفه هذي مقدمة بسيطة:

من نحن؟


نحن فريق نشيط من المتطوعين المحليين والعالميين ملتزمين بالحفاظ على الحيوان والرفق به في الكويت. وقد تشكلت جمعية PAWS في أوائل عام 2003، ومنذ ذلك الوقت، قمنا بإنقاذ وتوفير مأوى لأكثر من 400 حيوان أليف في الكويت وبقية أنحاء العالم. وهدفنا في تشكيل الجمعية هو إفتتاح أول مركز أيواء رسمي مصرح به في الكويت للحيوانات المصابة والضالة والمفقودة. وقد أفتتحت أول مرحلة من هذا المشروع المهم في يوليو 2005. ومقر الإيواء التابع لجماعة PAWS يقع في عيادة بيطرية كاملة التجهيزات. وهدفنا هو محاولة توفير المساعدة للحيوانات الضالة والمهملة من خلال توفير العناية البيطرية والإنقاذ والتبني للكلاب والقطط في الكويت بالشراكة مع الأفراد الراغبين في توفير المأوى لهم. ونحن دائماً نرحب بالأعضاء الجدد!
وجمعية الرفق بالحيوان بالكويت عضوة بالجمعية الكويتية لحماية البيئة، والجمعية العالمية للرفق بالحيوان وجمعية الرفق بالحيوان "آر إس بي سي إيه" العالمية.
إشترك معنا وإلتحق بفريق المتطوعين لدينا وشارك في العناية بالحيوانات الضعيفة والضالة بالكويت..

وصراحة الموقع روووعه فيه كل صور الحيوانات المعروضه للتبني الموجودة في الملجا نفسه وصور للحيوانات المفقودة ...
الملجا فيه قسم للكلاب وقسم للقطط وقسم لكل الحيوانات الاخرى ..

وكيف تساعد الملجا ؟؟

التبني يكون بسعر رمزي يساهم في الملجا (اي انه خيري ليس فيه ربح لصاحبه) وكل الحيوانات صحية وسليمة وكثير من القطط والكلاب اصيله اي ليست مهجنة (يعني حنا هنا نشتري الكلب والقطوة ب1500-2000 ريال وبالملجا تلاقونها بسعر رمزي وعن كل ريال اجر مضاعف!!) وتم اخصائها او ازاله ارحامها ومدربة ومطعمة ومعتنى فيها عناية كاااااملة (عكس بعض محلات الحيوانات)..

وهذي بعض صور الحيوانات المعروضه للتبني(الحيوانات المعروضه كثييييرة تناسب كل الناس وهذي ماهي الا شريحة بسيطة):

وفيه خاصية الــfostering يعني يجي عندك الحيوان لفترة بسيطة حتى يلاقي بيته الدائم (وهذي طريقة ممتازة للناس اللي ما يضمنون بقائهم في البلد او مو متاكدين اذا يبون حيوان او لا -يجربون اذا نفعهم او لا - او للاهل للتاكد من ان اطفالهم سيعتنون بالحيوان او لا ) ...

وتقدر تشتري منهم كثير من مستلزمات القطط والكلاب (وخاصة عواميد الخدش اللي يسونها حسب الطلب ) وبعض التي شيرتات وبعض البطاقات والروزنامات وطبعا الفلوس بتروح لدعم الملجا..

وتقدر تتبرع بوقتك لتمشيه الكلاب واللعب معهم وتمشيطهم ونفس الشيء للقطط ..

وفي دروس يلقيها الدكتور المقيم في الملجأ عن كيفية العناية بكل الحيوانات و طرق تدريبها وكل ما تحتاجه..

والملجا يستقبل الرحلات المدرسية وكل من يريد تمضية بعض الوقت مع الحيوانات..

واذا كنت تبي تصدر او تستورد حيوان ممكن الملجا يسويلك كل المعاملات الورقية بسعر رمزي..

وتقدر تتبرع بفلوس لدعم عمليات الاخصاء وازالة الارحام واللي يسونها بالملجأ للحد من ظاهرة القطط الضالة..

ياريت كل الاعضاء اللي من الكويت يساهم الملجأ وهذا الموقع: www.paws-kuwait.org

وفي منظمة هنا في الشرقية تشبه paws بس ماعندها مقر يعني بس تقدر تتبني الحيوانات الموجودة وصراحة في قطط روووووووووووووووووووووووعة واحلاهم قط وقطة بيض وعيونهم زرق عمرهم شهرين ياريت احد يتبناهم .. وهذا الموقع : www.saudipaws.com

وفيه شيء تقدر تسويه لاي ملجا .. وهو انك تجمع الجواريب (الشرابات) القديمة و تعبيها بقطن وبعض الكات نب وتتبرع فيها لملاجئ القطط .. وفايدتها ان لما القطة تجي للملجأ تكون خايفة ومريضة وما ترضى تاكل او تطلع من القفص والكات نيب يساعدها على الاسترخاء..

اي مساعدة تقدمها للملاجئ لك الاجر ان شاء الله .. قال رسول الله صلى الله عليه وسلم"في كل ذات كبد رطبة اجر"

[Rana]

وين الردود ؟؟

[love kitty]

مشكووووورة أختى على الموضوع

بس لو تعرفى فى من هالجمعية فى مصر و لا؟؟؟

و يكون لك جزيل الشكر

[rakon]

مشكوووووووووووووووووووووووووره وايد وانا من الحين عضو فيها وبحاول اساعد على كثر ما اقدر

[Rana]

اخي/اختي love kitty ..

انا ما اتوقع انو فيه لاني دورت .. بس ياريت تسئل احد الاعضاء اللي من مصر ممكن يفيدونك .. وشكرا على مرورك..

========================================================

اخي rakon ..
جزاك الله خير في افعالك .. وياريت تكتب لنا موضوع تصف تجربتك هناك .. ومشكووور على الرد .

[DANA AL SAYDALI]

هاي RANA الموضوع كتير حلو مشكووووووووووووووووووووووووورررررررررة

[pink cat]

واو انا بصراحة كان حلمي اني افتح منظمة لرعاية الحيوانات الضالة
شكرا عالموضوع الحلو

[فاطمه الزهراء]

ايوه فى بمصر جمعيه اصدقاء الحيوان بشبرا منت وممكن تستفسر من الدليل
وانا اتصلت بيهم مره وعندهم مجموعه الحيوانات للتبنى

وارجو ان اكون افدتكم

0233817681

[Rana]

DANA AL SAYDALI

مشكووورة اختي على مرورك الحلو

============================================

pink cat

والله حتى انا حلمي افتح ملجا ومحل حيوانات .. بس انتي من وين ؟؟عشان نفتح ملجا انا وياك .. شرايك ؟ لوووووووووووووووووووووووووووووووول ترا امزح

============================================

فاطمه الزهراء

مشكووورة اختي على افادتنا بمعلومة حلوة وياريت الاعضاء اللي في مصر يزورون الملجا ..

============================================

[قطو_Q8te]

مشكوره رنا
انا تكلمت عن الملجا بمواضيع قديمه بها كل شيء
مشكوره عالاضافه الحلوه