طيري عيونه سهادي

[سنايديه]

السلام عليكم ورحمة الله وبركاته

من يومين تقريبا لاحظت على طيري تغيرت طريقة نومه لانه بالعاده يرجع رقبته للخلف وينام بس من يومين صار مايرجع راسه للخلف

وكل مالتفت عليه القاه يفتح ويغمض

وش السالفه

عسا ماشر

هقوتكم الحق قرب

على فكره ما تغير عليه شي ابد نفس السستم كل يوم

في إنتظاركم

[طلع لي قرون]

ان شاء الله مافيه الا العافيه ..

وربي يخليه لك ..

بس انتي قايله نفس السستم ما تغير ..

يعني الطير نشيط ان شاء الله واكله ممتاز ..

اذا هيك .. ان شاء الله كل شي بخير ..


والي عندهم خبره يفيدوك اكثر مني

[كاسكـــو]

من كلامك مافي شي يدل على وجود مرض او بدايه اعراض

ان شاء الله مافيه شي

[سنايديه]

الف شكر لكم ولتجاوبكم الكريم

أعتقد أن هناك حاجه مقلقته او مخوفته لاني يوم صحيت نام طيري

بنفس الطريقه المعتاده ورجع راسه للخلف

أنا ابخليه اليوم يكمل نومه وماراح اخليه يجلس معنا

بس المشكله لما نروح عنه يرفض النوم ولما يجلس معنا ينام

ابتلشنا تقل بزر

[امطرت؟]

هههههههه موفقه

[أحبك شيراز]

السلام عليكم ورحمة الله وبركاته

سنايديه

كنت ابي موضوع في عالم النت وكتبته في قوقل فدخلني على منتداكم العسل و انا اقرى شفتلك موضوع طيورك الهبلا وجلست اضحك عليك وعلى اسلوبك الحلو وهذا اللي خلاني انضم لكم

واما بالنسبه لتنظيف اسنان ببغائك الحبيب << وش يبي ذا جاي يتفلسف الغبي يبي يتفقع وجهه ويقول اسنان مو منقار >> بينشات مو الموقع بكبره شلوتي على قوقل

انتي وربطتك المتهوره عشان مايطير ومع كذا طار والله يخلي امك بنت الرجال ويحفظها لك واخوك اللي رحمك يالخبله والله انه رجال

اللي تبينه وينظف منقاره ويشيل الزوايد منه بعد ويحافظ عليه وعلى نظافته انا اقولك وينه يا طويلة العمر والسلامه

تلاقينه يا ست الكل في ( واحة الحيوان ) حي الملز - دوار الأحساء - مقابل شركة نيسان

سعره حوالي الأربعين أتذكر لأني نسيت بكم اشتريته بالضبط لكن مايتجاوز اربعه واربعين ريال

وسلامتك

أخوك :- آ لــرعــــد

[عشقي البلوفرنتد]

مافيه شئ
بالتوفيق

[فيصل المبارك]

هلابك

طيرك مافيه الا العافيه

انا طيري الكاسكو ينام مثل طريقة طيرك

يعني لاتوسوسين ولا تخافين

ولا قدامه انشاءلله الا العافيه

موفقه

[بلاك بيري]

ماشاءالله ما قصروا الأخوان واضم صوتي لهم

[سنايديه]

السلام عليكم

حيالله الجميع وبارك الله فيكم

رغم ان الموضوع قديم بعض الشيء والطير الأن بصحه وعافيه ولله الحمد وصدفه دخولي اليوم للمنتدى بعد غيبه طويله

لكن أشكر لكم جزيل الشكر والامتنان على مروركم وتعقيبكم

جعله الله في ميزان حسناتكم

وايضا الشكر موصول للأخ الكريم أحبك شيراز على مشاركتك و على

إفادتك لي بالنسبه لتنظيف المنقار

جزاك الله كل خير