مشكلتين مع كتنز..كثرت مشاكلهم:(

[charm]

شلونكم عساكم بخير
كل عام وانتو بخير وعيدكم مبارك

زادت المشاكل شكلها عين ما صلت على النبي

عندي وحده عمرها شهرين ونص جيت اليوم اعطيها اكل لقيتها تعرج طبعا مبين جدا جدا انها طايحه من فوق الكات تري لان الكات تري اللي عندي مرتفعه وشكلها العسوله نقزت من فوق
فا مادري شسوي بصراحه ومثل ما قلت بموضوعي الاول انا قطاوتي لله الحمد ما كانو يمرضون ولا تصير معاهم هالامور بس يمكن مع زياده العدد او العين اللي ما صلت على النبي ههههه

الثانيه عمرها شهر ونص لقيت فيها عزكم الله وصخ ورا وباين حيل يعني براز كامل ما طاح بالرمل عزكم الله وخذيتها وديتها الحمام عشان اغسل المكان وقامت القطوه تصيح حييييييييييييييييل وترفس وتعض حسيت عاد ان يعورها فا خفت ما كملت التنظيف خفت اني قاعده اسحب شي من داخل مع اني كنت اغسل ذيلها ومكان الخروج بس صياحها الغير طبيعي خلاني اتركها وما اكمل وكأن المكان مو طبيعي طالع لي بره بس مافي احمرار لكن انا ما قدرت اركز عدل من كثر الوصخ
فا شرايكم انا مو عارفه شنو اللي صاير بالضبط
مع العلم ان اذا صار نفس هالموقف اغسلهم عادي ومايسوون شي بس هذي حسيت فيه شي يوجعها
وللعلم الماي كان دافي يعني قبل لا اغسلها لمست الماي وتأكدت انه يناسبها

منتظرتكم

[امال شاعر]

القطه الي تعرج عادي سيبيها هي ترجع ثاني لانها صغيره وعظامها لينه لاتحاول تلمسيها

في حالت تورم الارجل اولقيتي جرح لازم توديها للطبيب لاكن لو مافي هادي الاعراض لاتخافي

اما حكاية الثانيه جيبي قطعت قماش وبلليه بالماء وحاولي تمسحي المأخره عادي

يمكن معاها امساك بالعكس انتي حتريحيها وهي خوافه لانها صغيره

[امال شاعر]

ان كان في شي غريب ممكن الصوره لوسمحتي

[Sayo~nara]

الله يخليلك قططك وماتشوف شر ..
الله يشفيهم لكي ويحفظهم

بالنسبة للمشكلة الاولى ..
نفس الشيء حصل لقطنا ومرررة زعلت واكتئبت وقلت دحين يعرج طول عمره .. لكن الحمدلله انه اتعافى لوحده ...
اهم شيء اتأكدي لا يكون اتكسرت رجلها .. لانو لو انكسرت لازم توديها البيطري وتلفيها بشاش
لو كانت رضوض عادية .. لا تشيلي هم ..بس برضو انتبهي لها لا تخليها تطلع تاني اماكن مرتفعة ولا تخليها تجري
وخليها مرتاحة على بطانية او قطن .. يعني لا تخليها على الارض وريحي رجلها قد ما تقدري حتى لو تبغى تلعب العبي معاها وهيا في مكانها
كلها اسبوع بالكثير وترجع تمشي طبيعي بإذن الله

المشكلة الثانية بصراحة ما عندي خبر
لكن الوصخ لازم يتنظف ما يقعد كدا..
حاولي معاها وهيا نايمة يمكن ما تحس =)
وحاولي بالتدريج شوية شوية
ما اعرف هيا ايش اكلت !!؟؟

[charm]

القطوه اللي تعرج انا ماخفت عليها حيل لاني متأكده ان من شقاوتها طاحت ومافيها شي تاكل طبيعي وتتمشى بس برجل وحده ههههههههه ياحلوها

الثانيه يا جماعه صعب اني اصور ووضعها كان غريب يعني انا مو اول مره انظف والقماش اصعب من الغسيل
انا كنت اغسلها بماي دافي عشان ينزل الوصخ بس تفاجأت يعني اللي شفته منها مو خوف
اللي حسيته وجع وألم لاني قبل هالمره كنت منظفتها وعااادي مبسوطه بس هالمره شي غريب
وللاسف ما اقدر اصور لان البراز مغطي عالمكان يعني بالصوره ما راح يبان لكن لما انا شفت حسيت ان في شي مو طبيعي وقلبي معورني عليها

والاكل ما غيرتلها الاكل نفس الاكل اللي تاكله مع اخوانها عادي دراي فود ودجاج

مشكورين على اهتمامكم فديتكم

[امال شاعر]

طيب حطي زيت زيتون على المنطقه وخليه لان الزيت يلين الوسخ

وان كان في شعر حاولي تقصيه بالمقص وبحذر

[الدلع]

أهلين اختي
خنت حيلي ما يشوفون شر
اللهم صل على محمد وعلى آله وأزواجه الطيبين الطاهرين وأصحابه الغر الميامين ماشاء الله الله يخليهم لك
بالنسبة للمشكلة الاولى لا تشيلين هم لأنها أكيد نزلت على الارض بقوة من مكان عالي ومن عادة البسس في ذا السن الشقاوة والمخاطرة والنط من اماكن عالية الله يصلحهم أنا حصلت معي ذا المشكلة وطرت مباشرة للبيطري وبما ان البسة ما تحب الاقفاص صارت تصارخ وصكت روسنا في السيارة وقعدت تحاول بيديها تفتح الباب ولما وصلنا صارت تمشي طبيعي والصراحة تفشلنا فشرحنا له الوضع فقال ما فيها شي هي نازلة من مكان مرتفع على يدها بس عندها بداية رشح يعني رب ضارة نافعة فأعطاها ابره وبيتاموكس وكتب لها مضاد ومسكن من الصيدلية البشرية ولما جينا نصرفه طحنا في فشيلة ثانية لما عرف الصيدلي ان الدواء لبسة
وبالنسبة للمشكلة الثانية أنا ما أشوف تحممينها في ذا الوقت لان الجو صار بارد فاقتراح شخصي لتنظيفها خذي المناديل الرطبة الخاصة بتنظيف الاطفال ونظفي جسمها بعكس اتجاه الشعر وكمان نظفي به البراز اكرمكم الله وان كان الشعر عند المنطقة كثير فقصيه أو احلقيه وبعدين صوريها وان شاء الله يفيدونك اهل الخبرة
الله يحفظهم لك وشيلي من بالك سالفة العين مع ايماننا بها الا انه من الصعب تعليق كل شي بالعين وربي يحفظك وياهم

[charm]

المشاركة الأصلية كتبت بواسطة امال شاعر

طيب حطي زيت زيتون على المنطقه وخليه لان الزيت يلين الوسخ

وان كان في شعر حاولي تقصيه بالمقص وبحذر

مشكوره حبيبتي على ردك بس الشعر انا مخففته بمكينه من اسبوعين كذا
والزيت ما اقدر احط لان المكان وصخ ويابس من بره لكن من داخل لين الوصخ عادي وانا شلت كل اليابس والناشف لما غسلتها
انا قلت بشوف لو امها تنظفها او اخوانها ممكن يكون اسهل
وبحاول اتأكد من المكان مره ثانيه اشوف هل فعلا اللي انا شفته شي غريب او طبيعي
تسلمين

[charm]

المشاركة الأصلية كتبت بواسطة الدلع

أهلين اختي
خنت حيلي ما يشوفون شر
اللهم صل على محمد وعلى آله وأزواجه الطيبين الطاهرين وأصحابه الغر الميامين ماشاء الله الله يخليهم لك
بالنسبة للمشكلة الاولى لا تشيلين هم لأنها أكيد نزلت على الارض بقوة من مكان عالي ومن عادة البسس في ذا السن الشقاوة والمخاطرة والنط من اماكن عالية الله يصلحهم أنا حصلت معي ذا المشكلة وطرت مباشرة للبيطري وبما ان البسة ما تحب الاقفاص صارت تصارخ وصكت روسنا في السيارة وقعدت تحاول بيديها تفتح الباب ولما وصلنا صارت تمشي طبيعي والصراحة تفشلنا فشرحنا له الوضع فقال ما فيها شي هي نازلة من مكان مرتفع على يدها بس عندها بداية رشح يعني رب ضارة نافعة فأعطاها ابره وبيتاموكس وكتب لها مضاد ومسكن من الصيدلية البشرية ولما جينا نصرفه طحنا في فشيلة ثانية لما عرف الصيدلي ان الدواء لبسة
وبالنسبة للمشكلة الثانية أنا ما أشوف تحممينها في ذا الوقت لان الجو صار بارد فاقتراح شخصي لتنظيفها خذي المناديل الرطبة الخاصة بتنظيف الاطفال ونظفي جسمها بعكس اتجاه الشعر وكمان نظفي به البراز اكرمكم الله وان كان الشعر عند المنطقة كثير فقصيه أو احلقيه وبعدين صوريها وان شاء الله يفيدونك اهل الخبرة
الله يحفظهم لك وشيلي من بالك سالفة العين مع ايماننا بها الا انه من الصعب تعليق كل شي بالعين وربي يحفظك وياهم

هههههههههههههههههه يا قلبي اللي فشلتكم فديت شطانتهم انا
ايه انا قلت كذا بعد ان مافي خوف عليها حيل لاني متأكده انها نقزت من فوق الكات تري والكات تري مرتفعه بس قلت يمكن تحتاج مضاد او شي
والتنظيف انا نظفت مره بمناديل عندي مناديل خاصه فيهم بس طبعا ما تشيل الوصخ وانا ما سبحتها بس كنت اغسل المكان لانه وصخ حيل ولما سمعت صياحها خفت لان انا اعرف اذا كانت خايفه او لأ وقبل هالمره انا مغسلتها ومبسوووطه ومستمتعه
والمشكله اني محلقه المكان حتى بنتي تقولي ماما يمكن عورتي شعرها وانا ما مسكته اساسا كنت اخلي الماي ينزل على المكان عشان يلين وحطيت شامبو خاص فيهم ونفس الشي تصييييييح يعني تخيلي قطوه في هالعمر تعفر وتعض وتشمخ
فا وانا امسك الوصخ بشيله تصيح زياده ولما اترك المكان تسكت ولما احط ايدي مره ثانيه تصيييييح فا قلت قطعاً شي يوجعها<<متعوب عليها ههههه
وتسلمين على اهتمامج

[norh]

اختي العزيزه ان كان البس عنده صعوبه في التبرز يعني امساك فالحل بسيط جدا تاخدين ا رز وتحمسينه متل القهوه لين يصير اشقر تم تبردينه وتطحنينه وبعدين تدوبين كميه ملعقه ملعقتين مافي مشكله في مويه كوب متلا وتخلي البس يشربه وعلى فكره الوصفه هدي مجربه مع الناس والحيوانات وان مانفع فشتري دوا الامساك حق الاطفال من الصيدليه او قولي للصيدلي عندي طفل عمره كدا ومشكلته كدا وكدا ولاتروحي تعلمينه انه قطو هههه واكيد بيعطيك دوا مناسب لحالته وانتي تعرفين ان جميع الادويه مجربه على الحيوان قبل الانسان -وسلامتك بس ادعيلي