اشترك في نشرتنا البريدية ليصلك كل جديد

Seattle · 10-10-2013, 04:56 AM

بسم الله الرحمن الرحيم
السلام عليكم
انا اول مره امتلك ببغاء في حياتي كنت احسب الموضوع سهل ومجرد تغير اكل ، في البدايه تعبت معاه لانني مبتدا واشتريت ببغاء (صيد) وكانت اول تجربه له مع البشر تقريبا لانه كان خواف ويجعر مره ويعض وعنيد لابعد درجه ، لكن بعد 5 اشهر من المحاولات وقراءة التجارب والخبرات واتباع التوجيهات في المنتدى استطعت ان اروضه بنسبة 90% الحمدلله وبس باقي الكلام ، بصراحه في البدايه فكرت ابيعه اكثر من مره بس كل مره اشوفه يتحسن اتمسك فيه اكثر ،،
وبحكم اني مبتدأ فيه حالات او سلوك لمن اشوفه ما اعرف انه يحتاج علاج او لا !! قبل شهرين وديته عشان اقص اظافره وابرد منقاره العياده ..... قالي انه يعاني من اسهال مع انه من زمان كان يعاني من اسهال بس كنت احسبه طبيعي ، وصفلي دوا لمدة 5 ايام ، ورحت بعدها عيادة ...لان العياده السابقة ماعندهم جهاز البرد ، قابلت الدكتور هناك وقلتله عن مشكلة الاسهال ، شافه واداه حبه وابره ،،
الببغاء الحين صحته ممتازه ماشاءالله واتوقع دخل بمرحلة تبديل الريش قبل اسبوع ،،

بصراحه حبيت الببغاء واتعودت على وجوده و ما ابغا افقده بسبب قلة خبرتي

ابي منكم بحسب تجاربكم و خبرتكم ان تخبرونا بأسماء واماكن العيادات العامه او الخاصه في مدينة جده اللي عندها الخبره والامكانيات في مجال الطيور ،،،

اعتذر عن الاطاله وشكرا ،،
تحياتي ،،،

the_gostman · 10-10-2013, 07:00 AM

وعليكم السلام..

أخي الكريم أكبر خطأ ان تعطي الببغاء إبره !! الابره تعطى للببغاء في الحالات الحرجه جداً جداً..

على العموم ألف سلامه على الطائر..اهتم في التنويع الغذائي في هذه المرحله..وانشالله الاخوه الافاضل يفيدوك عبر الخاص بأسماء عيادات.

بالتوفيق
أخوك رمزي

Seattle · 10-10-2013, 07:23 AM

للاسف ما عندي الخبره الكافيه في التشخيص ومعرفة العلاج ،،
بالنسبة للاكل مايقبل اللا انواع قليله ( بذور مشكله ، تفاح ، بطيخ ، ذره ، قصب سكر ، بلح )
وباقي الاكل يرميه ،،
وبصراحة ماحاولت انوع كثير لاني خايف يضره نوع الاكل ،،،

عالعموم مشكور اخوي رمزي
تحياتي،،

monybat · 10-10-2013, 02:12 PM

برجاء مساعدة العضو عن طريق الخاص

فيوزي · 10-10-2013, 03:29 PM

ما طلبت شئ يجيك الوصف هواء وانا اخوك

اذا عند الطير اسهال وقف الفواكه

واذا الاسهال راح نوع له فالاكل عشان تبديل الريش والفتمنه

تحياتي
ابو سدران

the_gostman · 10-10-2013, 06:33 PM

التنويع الغذائي مهم جداً.. على العموم هذا الموضوع ممكن يفيدك بكيفية ادخال نوع جديد في طعام الببغاء.

http://www.2zoo.com/vb/showthread.php?t=310338

بالتوفيق