عاجل الله يجزاكم خير الكاسكو يعطس

[عمار11]

عندي كاسكو العمر بين 7-8 شهور
حاطه بالصاله مطفي المكيف انا متحمل الحر علشانه
امس واليوم لاحظت انه يعطس
خايف عليه
عصرت له شوي ليمون ونص فص ثوم بالماي
كذا صح والا كم احط
شنو اسوي هل يحتاج بيطري
اللي يعرف بيطري شاطر بالشرقيه الدمام الخبر سيهات يبلغني
يجزاكم خير
هذا ثالث ببغاء اشتريه

[::@عـشـقـي الكـاسـكـو@::]

شيك على فتحات الانف حقت الطير

مسدوده او لا

قبل كل شيء

وهل الطير خامل ولا ياكل ولا يشرب ولا يلعب ؟

[old-alkasiko]

اخوي العطاس بشكل كثير او قليل ؟

[عمار11]

العطاس يعني كذا يجي عشر عطسات ورى بعض
الطير نشيط وياكل ويشرب
فتحات الانف مو مسدوده ومافيها افرازات


سويت له خلطة ليمون والثوم

[::@عـشـقـي الكـاسـكـو@::]

حالته ماهي صعبه الافضل استخدام تايلان يومين فقط وان شاء الله يطيب

[عمار11]

طيب منوين له الزكام وانا حارم نفسي المكيف بالصاله علشانه

[صوغة]

يمكن تجيه تيارات من ابواب غرف او حاجة

لان تغيير الجو هو الي يتعب يعني مثلا بالصالة والصالة حارة ويعرق تحت ريشه وفجأة يجيه تيااار من اي باب فيستبرد ويتغييرجووه

على العموم حاول تبعده عن اي باب لغرف فيها تكيييف وحطة بزاوية ما يتغيير جوها

وحط له نصف برتقالة مقشره جدا مفيدة للزكام

والله يحفظه لك

[old-alkasiko]

اخوي العطاس مو لازم يكون سببه البراد قد تكون اشياء ثانية ..استخدم له علاج يسمى (امبسلين) على شكل اقراص استخدام خمسة ايام اذا كان يوجد في الطير مشاكل داخلية فسوف يقضي عليها بإذن الله ...
اتمنى اكون افدتك ،،،

[فيوزي]

والله يا خوي انا كان الطير عنده عطاس وغطيته خليت القفص دافي يوم ولله الحمد راح العطاس
وانت سوي زي ما قالو الاخوان
تحياتي
ابو سدران

[nos]

الله يحميه لكاسكو انا بعرف في الخبر التاج الاخضر في السويكت اتصلت عليهم الاسبوع اللي فات قالولي الدكتور لبناني البيطري وهو مسافر وبيجي الاسبوع الي قادم جرب انتا واتصل فيهم