الافريقي مو راضي يصفر ؟؟؟

[سمكاويه]

السلام عليكم ...
انا عندي ببغاء افريقي عمره تقريبن سنه وخمسه شهور شريته قبل اسبوعين او اقل المهم هوه مو اليف وانا حطيته فوق الاستاند ومشاء الله بدا يتأقلم وصار شبه اليف بس مشكلته ولا تصفيره سمعتها منه فرجعت لصاحب المحل وقال الطير متعود على القفص يعني بيصفر اذا كان جوا القفص وقالي ارفعي القفص في مكان مرتفع وبيصفر وسويت زي ماقال حطيته في القفص ورفعته حطيته فوق الثلاجه في المطبخ عشان المطبخ مشاء الله مايفضى من الحركه ويولف اكثر بس هل عليه ضرر من المطبخ واثار الطبخ والى مكانه ممتاز وكمان عشان التالقين يكون افضل ابعده عن الطيور الثانيه ؟؟؟
هل الي سويته صح والى لا اي ملاحضه ؟؟؟

[ٌابوعمر]

اختي انا اشوف افضل تولفينه وبعدين تفكرين بصوت الطير لان اهم شي هو ولافت الطير ولفيه وبعدين حطيه بصاله او بغرفه لان روايح الطبخ مو زينه عليه وخصوصا القلي احنا البشر مانتحمله وبتوفيق انا رايي تسمعنيه اصوات طيور ثانيه على الانترنت

[سمكاويه]

هل اخوي ابو عمر والله انا حاولت اني اولفه يعني تقبل شي بسيط مو اليف مره المهم الطيور الثانيه الي معاه مشاء الله عليهم يصفرو وهم قدامه وهو مايصفر ولا شي وسمعته كمان من الانترنت وبرضو ماصفر يعني وش اسوي معااااه تعبني ؟؟؟

[ٌابوعمر]

اصبري فتره ويبدا يصفر لا تستعجلين

[سمكاويه]

معليش اخوي ابو عمر على كثرت اسالتي بس لو ابي القنه القنه برا القفص والى جوا وقدام الطيور والى وحده ...
ويعطيك العافيه اخوي ابو عمر ...

[ٌابوعمر]

كله واحد انتي حاولي معه بجميع الطرق وشوفي اي وحده يتفاعل معها بس احس افضل شي بل حاله تحطينه بقفص تغطينه من جميع الجهات الا من قدام وتبدين تتكلمني معه بكلمه سهله مثلا بابا او ماما او كوكي اي كلمه سهله عشان يقدر ينطقها بسهوله

[سمكاويه]

يعطيك العافيه والله تعبت معي مشكوووووور ...

[نوني..]

انا قبل سنه او سنتين كان عندي كاسكو غير اليف توهـ مصيود يعني مو تربيهـ

بس كان عندهـ ماشاءالله تشكيله اصوات انذهلت فيهآ مرا غراب ومرا عصافير ومرا مدري ايش ( مجمعهآ من الغابه )

كان يصفر اذا طلعته برآ وشاف الشمس وايضا وهو بقفصه واذا شاف المرايه ( كل الببغاوات ينجنننون

اذا شافوا المرايه ويصفرون بقوهـ يحسبونه ببغاء ثاني )

بس على الاستاند مااذكر هو يصفر او لا

علشان كذا حبيت اللي مصيودهـ اكثر من اللي انتاج

بس ماطول عندي يمكن شهر او اقل ومات لاني جبته بالشتاء ودخله برد

الزبدهـ الاصوات مالهآ دخل بولافه الطير ابد ابد له علاقه بنشاطه وجرئته وحراره لسانه

[سمكاويه]

الله يعوضك خيراً منه والي عندي نفس الحكايه افريقي مصيود مو محجل بس انا الي مستغرب منه انه يوم كان في المحل صراحه لفت انتباهي وخلاني اشتريه بتصفيره مشاء الله ومتحرك في القفص بشكل حمااااسي وقالي صاحب المحل هذا حاااار بس يوم رحت البيت انقلب ميه وثمانين درجه لا تصفير ولا شي بس اول يوم جبته طلعته فوق السطح عشان اشمسه ومشاء الله صفر وبعدها خلاص Silent بس انا اخاااف اني يوم قصيت جناحه وبردت اضافره ومنقاره اخااااف انه جنه حاله ومصار يصفر تتوقع هذا السبب ؟؟؟

[بحر الكلام]

اختي يالغاليه اولاا مبروك الطير الجديد ويتربي بعزك ثانيا طيور الصيد افضل من تربيه المزارع من ناحيه الكلام والمناعه خصوصا وصوتها جهوري وقوي وحركاتها داخل القفص كثيره الطير الصيد دايما تلاقيه يلعب داخل القفص ويدور من ناحيه التصفير اختي انا عندي طير صيد مربيه من عمر 6 شهور والحين ماشاء الله عمره يمكن سنه و8 شهور طبعا اول ماحبته الطير ماكان يصفر تصفيره وحده الا لما ارتاح للبيت واخذ مده والله ووقت يمكن شهرين حتي بدا يصفر اما من ناحيه الكلام طيري ماتكلم الا بعد مرور 7 شهور تقريبا بدا يتكلم فلازم الصبر اولاا وثانيا لازم يرتاح لاهل البيت ويحس في طمئنينه بالبيت عقبها بياخذ راحته معكم وشكرا