يصير هالشي معقوله للببغاء

[فكتوري]

السلام عليكم اخواني اخواتي سمعت موضوع بس موضوع غريب ويدعو للدهشه كثير تكلمو عنه بس انا مادري هل هو حقيقه ام شي من نسج الخيال الا وهو جنس الببغاء ومن تحب فسالت شخص قديم في تربية الببغاء عن هالموضوع لاني سمعت انه اذا كان الببغاء ذكر يتعلق في البنت اكثر من الرجال واذا كانت الببغاء انثى تتعلق في الرجال اكثر من البنات وهذا انا تابعته في برنامج اجنبي لما وحده كانت تبغي تتزوج لاحظت ان الببغاء الي عندها يرفض دخول خطيبها للبيت حتا لو يقرب قريب يجلس جنب البنت الببغاء كان يهجم عليه وفيما بعد الببغاء هذا كره البنت لدرجة انه جاته حالة نتف الريش فهل هذا يعقل وانا كان عندي صديق عنده كاسكو لاحظ انه لما تكون زوجته قريبه منه كان يعصب ويحاول يخليهم بعاد عن بعض وفيما بعد تاكد انه الببغاء انثى سبحان الله حتا الببغوات تغار وارجو التفاعل وتقبلو تحياتي

[fawzi]

يشرفني اني اول واحد يرد عليك والله كل شيء يجوز كما الانسان له احاسيس الببغاوات نفس الشيء من ناحيه الغيره والحب الشديد والتعلق بمربيها سواء كان رجل او انثي .الله يعطيك العافيه ياأحمد تقبل مروري

[فكتوري]

تسلم ياعزيزي الغالي فواز اسعدني وفرحني مرورك تقبل تحياتي

[أحبك توتو]

يــجوز ليــش لا بــس أول مرة أسمع عنـه

[فكتوري]

مشكوره على المرور احبك توتو وتقبلي تحياتي

[هاااايز]

سحبان الله حركات هالطاير هذا كل يوم اكتشف شي عجيب فيه

[المحب للدرة]

سمعت عن الموضوع واتاكدت منه بنفسي صراحة عندي جوز كاسكو لمن اجي من العمل الانثى تخرج من صندوق العش ولا تسوي شي عكس الذكر يدخل على العش ولا يطلع طول ما انا في البيت ولا مااخرج من البيت على طول يخرج ويصفر ويكون مبسوط سبحان الله

[S7R]

انا اللي عندي .. يصفر لما اكون موجوده

وكل شي يسويه

ولما يشوف اي رجال بالغرفه بنجن بالقفص

خخخخخ .. يمكن المقوله صحيحه ..


تقبل مروري

[abu shooq]

اليوم جالس مع شباب راعين طيور ببغانات
وتكلمنا عن الموضوع هذا
وانا اتوقع الشي ذا
انثى الببغاء تحب الرجل
وذكر الببغاء يحب البنت
انا اللي عندي ببغاء انثى
وان شاءالله تحبني << وناسه

[shummos]

والله شيء غير واايد أول مرّة اسمع فيه و اذا كان صدق الله يعينّي على طيري
هههههه