اشترك في نشرتنا البريدية ليصلك كل جديد

هامسترة1 · 15-06-2012, 09:22 PM

الام الحامل

خالتو الهمسترة حامل ,

وئدرنا نلاحظ هالشي من بطنها اللي صار نافخ اكتر من اول ,

وصارت تصرفاتها عصبية كتيرر , لأنو الهامسترة لما تحمل بتكون متوترة كتير ,

ورح تلاحظو انها بتركد بالقفص متل المجنونة , عشان هيك لازم نبعد جوزها عنها ,

لأنو من شدة توترها ممكت تضربو حتى الموت ,

مدة حمل الهامستر من 15 يوم لـ 20 يوم

هلأ لاخر 10 ايام لازم نكون حذرين كتير كتير لما نمسك الهامسترة ,
وباخر اربع ايام ممنوع نحملها نهائيا , cry

يفضل انا نشيل العجلة من الئفص , حتى لا تئدي الهمسترات الاطافيل ,

ويفضل عدم الاقتراب من الهمسترة والاطفال حتى يبلغو اسبوعين من العمر , az3ar

العناية بالام الحامل

عشان ماما همسترة حامل , لازم ندير بالنا على اكلها منيح ,

لازم نوفرلها اكل بيحكتوي على بروتين متل بياض البيض المسلوء او المئلي و الجبن
وحليب خالي الدسم , وما نعطيها حليب بقري لأنو صعب تهضمو ,

قبل الولادة

الاطفال حيـGــو الاطفال حيــGــو ,

ئبل ما تولد الهامسترة لازم نحطلها شوية مناديل , اي ئطع ئماش ما بنحتاجها ,

حتى تعمل عش ناعم تولد فيه الاطفال

واهم شي تبعد الئفص عن ضو الشمس لأنو ممكن يئتل البيبيات ,

بدء الولادة

رح تولد الماما همسترة بفترت نشاطها باخر الليل ئبل الفجر ,

رح تئعد عند العش اللي عملتو وتبدأ تولد البيبيات , بالعادة بتولد من 8 الى 15 هامستر

بين كل هامستر وهامستر رح تولدو من 5 دئايئ الى 10 دئايئ

اهم شي لاتزعجها وهي عم تولد , حتى لا تتوتر وتاكل ولادها ,

ولدت الماما همستر

شوفو الهمسترات الزغنونين ,

هون عمرهم يوم بس ,

http://www.q8start.com/ups/load/2274863022.jpg

رح يجو الهمسترات الزغانين عمياء صماء بدون فرو , ومش حتئدرو تميزو عيونهم تحت الجلد ,

بس رح تميزو ئديهم ورجليهم ورح يكون في الهم اسنان حتى يئدرو يرضعو ,

ممكن الماما همستر تاكل ولادها ازا تعرضت لبعض الضغوط النفسية والعصبي واحساسها بالتوتر ,
نتيجة لضوضاء والازعاج من قبل المربي ,

وممكن بسبب مرض او ضعف الاطفال او تغير الرائحه الخاصة بهم , عشان هيك الافضل لانحملهم باول اسبوعين ,

وممكن تاكل ولادها ازا نقصت الفيتامينات الاساسية في طعامها و عشان هيك لازم ندير بالنا على تغذية الماما همستر

وهادي صورة بيبي همستر عمرو 3 ايام

رعاية الاطفال

اول اسبوعين ل 3 الافضل لا تزعج الاطفال ولا الام ولا تئرب عليهم

ممكن انت ما تشوف الهمسترات البيبيات لأنو امهم رح تدفنهم وتغطيهم , وبس رح تسمع صوتهم وهمة بيرضعو من امهم

البيبيات رح ينمو بسرعة وبعد 5 او 7 ايام رح يتغير لون جلدهم , ورح تشوف صبغة الفرو بوضوح وبعدها رح يبدأ ينمو الفرو

بسن ال 10 ايام تئريبا رح يكونو الهمسترات ئادرين يسمعو والفرو تبعهم اكتمل نمو

وبسن ال 14 يوم رح يفتحو عيونهم لأول مرة , az3ar , ورح يكون فروهم اكتمل على الاخر ووئتها بتئدرو تحملو الهمسترات بئيدكم لكن بحذر ,

فطام الصغار

بعد 21 يوم الهمسترات البيبياتلازم ينفطمو عن امهم , بس همرة رح يضلو يرضعو ,

عشان هيك الافضل انا نعزلهم عن امهم ونحط الاناث بئفص والذكور بئفص , az3ar

ازا ما فصلتوهم رح تتعب الام منهم وتبلش تهاجمهم لأنها بتعرف انهم بطلو بحاجة الها ,

وبعد 6 اسابيع من الولادة لازم نحط كل هامستر بئفص لحالو ,

وهاد التسلسل الزمني للهامستر ,

يوم : بدون فرو ، جلد مغطى على الاعين لحمايتها .

يومان: يتطور لون الجلد .

5 ايام: يتطور الفرو ، يتذوق الطعام ، يبدأ بالتهيء ( تنظيف نفسه ) .

15 يوم: يختفي جلد الحماية عن العيون، تخزين الاكل في اكياس الخد .

17يوم : التخلي عن العش و اللعب مع صغار الهامستر الاخرى .

21 - 25يوم: ممكن التخلى عن الام .

35 - 42يوم : بلوغ الهامستر و يجب فصلهم .
__________________