اتمنى انكم تساعدوني ,, جناح الافريقي مايل على تحت وش السبب

[joooooodi2]

السلام عليكم

اولا : احب اشكر ادارة المنتدى ومشرفيه على هذا المنتدى الموسوعة والناجح والمفيد وبصراحة انا استفدت كثير من هذا المنتدى الرائع والشكر موصول لأعضاءه المتفاعلين واقول للكل الله يجزاكم عنا الف خير .

ثانياً : عندي مشكلة

المشكلة هي :

هذا الاسبوع اشتريت ببغاء افريقي ,, وتحريت كل ما تعلمته من هذا المنتدى الرائع وعن نصائحكم عند شراء ببغاء والله يجزاكم خير ,,, هو عمره صغير وصحته جيده وحجمه كبير وسعره طيب .

بس المشكلة اني اكتشفت بعد يومين بأنه فيه مشكلة في جناحه ,, يعني اشوف ان جناحه الايسر دايم مايل على تحت كأنه طايح شوي ,, مع العلم انه يفرد جناحيه بدون مشاكل ويطير من يدي الى الأسفل ولاحظت اني اول ما شريته كان مايبغاني امسك جناحه ,, لكن امس صرت امسح عليه وعلى جناحه ,, لكن ما زال جناحه الايسر مايل على تحت ولاحظت ايضاً انه ماهو نشيط وحركته بسيطه ولما يخرج من القفص يمشي ببطئ ,, وهذي صورته :



ارجوا منكم مساعدتي في الحل ,, وش اسوي ,, هل له علاج ,, ولا امشي حالي وخلاص ارضابه بعيبه ,,,

ومشكورين على تقبلكم .

[بلاك بيري]

اهلا بك اخي الفاضل الطير نوعه افريقي ولا هولندي

[joooooodi2]

افريقي

[كاسكـــو]

مع اني ماشوف شي بالصوره واضح

لكن اتوقع انه طبيعي جداً هي كذا الفروخ

تجي بعضها اجنحتها منسدله الى تحت بسبب الاسترخاء

على العموم ننتظر صور اوضح للمشكلة

[joooooodi2]

اخوي كاسكو

مشكور على الرد

لاحظ اخوي جناح الطير اللي على يميننا نازل شوي ماهو زي اليسار وهذا مالاحظته في صور الافريقي على النت سواء فروخ ولا كبار

اتمنى يكون ما في مشكلة لانه الطير عجبني ولف علي في خلال يومين وكمان ولف على اطفالي

[joooooodi2]

اخوي كاسكو

مشكور على الرد

لاحظ اخوي جناح الطير اللي على يميننا نازل شوي ماهو زي اليسار وهذا مالاحظته في صور الافريقي على النت سواء فروخ ولا كبار

اتمنى يكون ما في مشكلة لانه الطير عجبني ولف علي في خلال يومين وكمان ولف على اطفالي

[بلاك بيري]

والله يا اخي الفاضل انا اشوف انه طبيعي ومافيه مشكله

انصحك بأخراج الطير وخليه يرفرف يزيد من قوة الطير ومن قدرته على التحكم بجناحه واحنا عموما يهمنا ان الطير سليم من الكسور ومن الخلع المفصلي

عفوا على تأخري في الرد

موفق

[joooooodi2]

اشكرك يابلاك بيري على اهتمامك

طمنتني الله يجزاك خير انت واخونا كاسكو

[بلاك بيري]

لا شكر على واجب اخوي وياهلا ومرحبا بك دائما وابدا

موفق

[ضوء الحب]

طبيعي انه ف مرحلة نمو وايضا لاتنسى تشميسه ووضعه ف الشمس
ايضاء نوع له الغذاء المفيد ولا تقص جناحه عشان يطير لاكن اذا كان وقت طيرانه يصدم بجدا او باب قص جناحه على طول