منتديات تو زوو متخصصون في عالم الحيوان وتربية المخلوقات الجميلة ويضم منتدانا أكبر وأروع تجمع لهواة تربية الحيوانات والطيور والأسماك والأحياء المائية والزواحف والبرمائيات ولمتابعي تحركات الحشرات والمفصليات ولمحبي الزراعة والعناية بالنباتات كما نوفر لكم من خلال سوق تو زوو الالكتروني الكبير عرض سلعكم بالمجان وبعد ذلك كله تستريحون في استراحة الهواة متمنين لكم طيب الاقامة لدينا


تابعنا على تويتر تابعونا على فيسبوك العضو المميز
تحميل تطبيق توزوو على Ios تحميل تطبيق توزوو على Android

اشترك في نشرتنا البريدية ليصلك كل جديد


العودة   منتديات تو زوو > :::: منتدى هواة الطيور :::: > قسم هواة الببغاوات > سؤال وجواب لقسم هواة الببغاوات

موضوع مغلق
 
أدوات الموضوع إبحث في الموضوع طرق مشاهدة الموضوع
قديم 21-09-2012, 11:42 PM   #1
ببغاء هولنديه
هاوي جديد







ابوي فاجئنا ببغاء هولنديه وتورطنـــــــا *_*


السلام عليكم ورحمة الله وبركـــــــــــــــــــــــــــاته ...

ما توقعت في يوم اشترك في منتدى تربية حيوانات او طيور لكن الزمن جابني

ابوي الله يطول بعمره طلع يتسوق ورجع لنا وبايده قفص فيه ببغاء

قال شريته دخل مزاجي وشريته

وخبركم احنا ماعندنا خلفيه بتاتا عن الاعتناء فيها

وقلت مالي الا ادور وطحت على منتداكم المصون

وياليت القى مساعده


ببغاوتنا الحلوه

هولنديه عمرها 3 شهور ومن خلال قراءتي وبحثي عرفت انه هذا النوع مناعته ضعيفه وما يقاوم شي

بس انا قلت بحاول وبقرأ كان ربي يكتب لها عمر معناااااا


استفساراتي :
هي :

- وضعنا الببغاء في المطبخ فوق الثلاجه في مكان مرتفع والمطبخ مفتوح على الصاله والصاله فيها مكيف بارد لكن الببغاء مكانها بعيد شوي وحرارة المكان اللي هي فيه كويس نوعا ما ( ومن خلال قراءتي ما يتحملوا هالنوع التغيرات الجويه ) فانصحوني .. اللس سويناه صح او غلط


- الاستفسار الثاني :
الطعام نوعه لعمر ببغائنا شنو نعطيها شنو ما نعطيها ياريت بالتفصيل الممل
؟؟؟(واذا في فيتامينات واشياء بعد ياليت والله )
واذا في جدول معين نتبعه (خايفين تمرض علينا)
ابوي حاط لها حب شمسي !!! (كذا زين )؟؟
كم مره نغير الماء لها ؟؟؟

وقلت بوي لها بطاطس مسلوقه وجزر وحطه لها بكره ( قريتها من العم قوقل)


- الاستفسار الثالث :
نقدر نسبحها هل لها صابون معين او طريقه معينه للترويشها ؟؟


- الاستفسار الرابع :
نقدر نطلعها برا القفص ونلعب معها اخاف تمرض علينا ونعديها وتعدينا؟؟


- الاستفسار الخامس

القفص كم مره ننظفه ؟؟


- الاستفسار السادس

النوم قرأت انه نغطي قفصها بشي ونطفي النور وتكون في مكان هاديء عشان تشخر على كيفها .

ياليت توضحون لي شنسوي

- الا ستفسار السابع

من جت لها كم ساعه في بيتنا واخواني عند القفص وانا احسها مخترعه وخايفه شوي واسمي عليها واقرا عليها المعوذات والله تعور القلب كانها غريبه

كيف نتعامل معها قلت بصحى الصبح وبجيب كرسي واتكلم معها والاعبها ...


الله يخليكم محتاجه اجوووووووبه

ما نبيها تموت مانبيها تمرض نبيها تعيش معززه مكرمه

ببغاء هولنديه غير متصل  
قديم 21-09-2012, 11:55 PM   #2
Octopus
عضوية فخرية
عضو ماسي
 
الصورة الرمزية Octopus







رد: ابوي فاجئنا ببغاء هولنديه وتورطنـــــــا *_*

بالنسبة ل سوال السابع ف اكيد ان الببغاء توها جديدة عندكم في البيت خاليها تتعود عليكم انتي و اخواتك و فقط هذا الذي عندي
__________________
🇦🇪 احاول اكون موجود في المنتدى في اي وقت واعتذر عندما اكون غير موجود بسب الظروف الخاصة واسال الله ان يحفظكم اينما كنتم
Octopus غير متصل  
قديم 21-09-2012, 11:58 PM   #3
ببغاء هولنديه
هاوي جديد







رد: ابوي فاجئنا ببغاء هولنديه وتورطنـــــــا *_*

اقتباس:
المشاركة الأصلية كتبت بواسطة Octopus مشاهدة المشاركة
بالنسبة ل سوال السابع ف اكيد ان الببغاء توها جديدة عندكم في البيت خاليها تتعود عليكم انتي و اخواتك و فقط هذا الذي عندي
مشكور أخوي على التفاعل السريـــــــــــــــــــــع


ياليت احد عنده اي خلفيه يدخل ويدلي بدلوه
ببغاء هولنديه غير متصل  
قديم 22-09-2012, 12:20 AM   #4
waleed11
هاوي نشيط







رد: ابوي فاجئنا ببغاء هولنديه وتورطنـــــــا *_*

اول شغله اذا الببغاء على قولتك عمره 3 شهور وماهو مفطوم يعني راعيه قال انفطم ولا باقي !!

اذا انفطم نوعي له خضار مسلوفه ذره رمان بس في الاسبوع مرتين او ثلاث مرات على شان الاسهال

اذا ماانفطم عليك بالسيريلاك الغر فيه نوع خاص يغرون فيه الطيور يعني زي الاطفال يوم يعطونهم مضاد وشلون بالفم

المطبخ اسوأ مكان للطير لان فيه طبخ ونفخ وريحة وحر حطوه في مكان ماهور بارد مره ولايتعرض للتيارات الهوائية

القفص كل ثلاث ايام لازم يتنظف يعني ارضيته تكون نظيفه

المويه انا كل يوم اغيرها له وافتح له القفص ماعمري قفلت عليه على شان ياخذ راحته

وفيه بودره وقايه يبيعونها الاخوان هنا تنفع للي في عمره


ومن الاخير اذا رد عليك اخوي بلاك بيري فاانتي محظوظه جداً

هذا والله اعلم ارجو من الاخوه اذا اخطيت في شي يصححون خطأي
__________________
التوقيع مخالف يرجى قراءة شروط التوقيع بقسم الدعم الفني *
waleed11 غير متصل  
قديم 22-09-2012, 01:37 AM   #5
muneer434
هاوي







رد: ابوي فاجئنا ببغاء هولنديه وتورطنـــــــا *_*

اختي ببغاء هولندية اول شي الله يحيكي بالمنتدى الاكثر من رائع اللي الكل مستفيد منه واولهم انا وثاني شي الف مبروك طيركم الجديد بالبيت وكلامك صح هذا النوع بهذا العمر ماعنده مناعة ويجب المحافظة عليه عشان لا يموت ويتأثر بالتغيرات الهوائية بسرعة

بالنسبة للاستفسار الاول
المكان جدا غير مناسب حتى لو ماكان فيه هواء بارد لان روائح الطبخ قد تؤثر على الجهاز التنفسي


بالنسبة للاستفسار الثاني
يعتمد على الببغاء نفسه اذا كان ياكل بنفسه ولا ينغر يعني احد لازم ياكله
اذا ينغر اعطيه سيريلاك واذا ياكل بنفسه اعطيه ذره معلبات يعني لينة وفيه كمان معلبات خضار جاهزة وبالنسبة للحب الشمسي يعتمد هو يقدر ياكله ولا لا والموية غيريها مرتين او ثلاثة في اليوم احسن عشان الموية ممكن تصير باردة وتجيب اسهال للطير


بالنسبة للاستفسار الثالث ماانصح ابدا بالترويش في هذا السن من عمره لمناعته الضعيفة

بالنسبة للاستفسار الرابع تقدري تطلعيها برا القفص بس بشرط الجناح يكون مقصوص قصة احترافية بحيث انه الطير لو طاح ممكن جناحه يساعده انه يوزن نفسه وقت السقوط ولو مهو مقصوص الجناح ممكن يطير ويعور نفسه في نجفة او مكيف او مروحة او اي شي

بالنسبة للاستفسار الخامس افضل تنظفي القفص كل يوم عشان مايتأذى الطير بالروائح وغيره

بالنسبة للاستفسار السادس نعم افضل تغطي الطير وقت النوم وياليت ياخذ كفايته من النوم يعني بعد ماياكل في الليل تغطي الطير ويكون ظلام عليه ومافي ازعاج عشان يصحى مروق

بالنسبة للاستفسار السابع عادي خليهم يلعبوا معاها بس لايخوفوها لانه ممكن تاخذ موقف
وتصير خايفة على طول وصعب يفك الخوف منها بعدين
واخر شي الاعمار بيد الله بس لازم ناخذ بالاسباب
والله يبارك لكم الطير الجديد وحاولي تمسدي عليه تراه انشالله مايعرف العض ولا حيعرف العض ابدا بل بالعكس حيحس براحة في التمسيد والضحك والكلام قدامه
وانشالله اكون افدتك والاخوان ماراح يقصروا معاكي يمكن يكون عندهم نصايح اكثر
وبالتوفيق انشالله
بس ياليت نشوف صورة لعين الطير والحجل اللي عليه عشان نعطيكي تقريبا كم عمر الطير
muneer434 غير متصل  
قديم 22-09-2012, 08:22 AM   #6
بلاك بيري
عضو ماسي
 
الصورة الرمزية بلاك بيري







رد: ابوي فاجئنا ببغاء هولنديه وتورطنـــــــا *_*

اهلا بكم ومرحبا

بخصوص ما تفضلتم نقول فيه ما يلي \\

الطير ان شاء الله بيكون جدا ممتاز وجميل خصوصا انك انتبهتي لأهم الأمور مثل التيارات الهوائيه والأكل وغيرها

بخصوص الاكل ينصح بالحب الشمسي ان كان ياكله بشكل ممتاز ينصح به لغنائه بماده البروتين الهام لنمو جسم الطير

لا تلخبطو بأكل الطير لا تعطوا الطير فواكه بكثره يكفي كل اسبوع مرة

لا تخلوا الطير قبال المكيف

لازم الطير يتشمس بشكل يومي

لا ينصح بتسبيح الطير حاليا خلوه يكبر شوي وبعدها سبحوه والطريقه هي استخدام بخاخ الماء العادي ورش الرذاذ عليه مافي داعي لصابون وغيره

ممكن تخرجوه برا الشبك نص ساعه يرفرف ويحرك نفسه شوي لا ينصح باللعب بشده مع الطير لأنه توه فرخ ما يتحمل

لابد ان ينام 12 ساعه على الأقل

انتبهوا عليه من رائحه الغاز لأنه قاتل بشكل فوري

ان انتبهتي لما قد ذكر اعلاه ان شاء الله انك بتشوفي عياله وعيال عياله بعد


__________________
بلاك بيري غير متصل  
قديم 22-09-2012, 06:11 PM   #7
ببغاء هولنديه
هاوي جديد







رد: ابوي فاجئنا ببغاء هولنديه وتورطنـــــــا *_*

اقتباس:
المشاركة الأصلية كتبت بواسطة waleed11 مشاهدة المشاركة
اول شغله اذا الببغاء على قولتك عمره 3 شهور وماهو مفطوم يعني راعيه قال انفطم ولا باقي !!

اذا انفطم نوعي له خضار مسلوفه ذره رمان بس في الاسبوع مرتين او ثلاث مرات على شان الاسهال

اذا ماانفطم عليك بالسيريلاك الغر فيه نوع خاص يغرون فيه الطيور يعني زي الاطفال يوم يعطونهم مضاد وشلون بالفم

المطبخ اسوأ مكان للطير لان فيه طبخ ونفخ وريحة وحر حطوه في مكان ماهور بارد مره ولايتعرض للتيارات الهوائية

القفص كل ثلاث ايام لازم يتنظف يعني ارضيته تكون نظيفه

المويه انا كل يوم اغيرها له وافتح له القفص ماعمري قفلت عليه على شان ياخذ راحته

وفيه بودره وقايه يبيعونها الاخوان هنا تنفع للي في عمره


ومن الاخير اذا رد عليك اخوي بلاك بيري فاانتي محظوظه جداً

هذا والله اعلم ارجو من الاخوه اذا اخطيت في شي يصححون خطأي

أخوي وليد اول شي مساكـ الله بالخير ..

[ معليش تحملني شوي أختــــــــك في الله ماتعرف شي عليميه ]

شنو يعني مفطومه (مصطلح كبير بالنسبه لي كمبتدئه]


ابوي اشتراها وأخذ أكلها وجابها ولا يعرف الالف من الباء في تربيتها اللي قاله بس صاحبها انها هولنديه وعمرها 3 شهور وهذا أكلها وخذوها وابوي الله يهديه يفكر الشي خذوه فغلوه
لا تكلم لا عن جو ولا عن أمراض ولاعن فطام ولاشي أبد ولاحتى سال صاحبها ..
كل شي عرفته أنا من خلال قراءتي في النت خلال السويعات القليله اللي راحت ..


- ياليت توضح قصة الفطام اذا ماعليك أمر ؟؟؟(وهل لها أكل معين خلال هالعمر )
اليوم هي اكلت من الحب الشمسي وفيه ذره وفول سوداني
وقطعة لها تفاحه صغيره مارضت تاخذ شي منها فتت لها خبز ما خذت ابوي سوا لها بطاط مسلوق ما أكلت


طيب [ السريلاك الغر ] شنو شكله ياليت تحط لي صورة للعلبه تبعه ووين يبيعونه ؟؟؟

للعلم انا مكاني السعوديه المنطقه الشرقيه لو تعرف محلات واماكن تدلني عليها

-وشي ثاني بعد كيف تاكله احطه لها بالقفص او انا ااكلها اياه ( تحملني تراني مافهم كوعي من بوعي) لانك قلت مثل المضاد يحطونه بالفم


بالنسبه للمطبخ

لنا فتره مو قفين طبخ ما نطبخ لظروف في البيت حاليا

والمشكله الثانيه أمي (ماتوسع بال لشي أبد) المهم انها مو حابه وجودها عكسنا طبعا
وماتبينا نحطها في مكان قفلت الغرف بالمفتاح
وموعارفه وين اوديها هالببغاء اخرتها بحطها في مجلس لرجال بما انه ابوي حاب وجودها


بالنسبه للماي انا غيرت لها مرتين اليوم وحذرت الكل تراها مثل الانسان ما تحطون لها ماي ولف لازم نوفا مثلنا


القفص نظفناه مرتين


[ بودرة الوقايه هذي وين تنباع بعد ؟وشنو اسمها وكيفية استخدامها ؟

واوقات استخدامهااااا
؟؟؟]


مشكور وليد الله يسهل لك دربـــــــــــــــــــــــــك وين ماتروح




لي عوده للرد على الاخوان

كونوا بالقرب






ببغاء هولنديه غير متصل  
قديم 22-09-2012, 07:06 PM   #8
ببغاء هولنديه
هاوي جديد







رد: ابوي فاجئنا ببغاء هولنديه وتورطنـــــــا *_*

عندي ملاحظه ( على ببغائنـــــــــــــــــــــــا اليوم )
احسه كسوول احط راسه من ورا جنحانه وينام أكثر من اللازم ..
وقبل شوي لقيناه ما يوقف على العصا واقف على أرضية القفص ..
ولاحظت اليوم ايضـــــــــــــــــــــــــــــــــا الظهر ( الاكل يطلعه يعني اللي أكله طلعه وكانه يرجع )
أيضا أمس كان يوقف على رجل وحده (وهذا الطبيعي )
اليوم على الرجلين >_< ما كمل يوم معنــــــــــــــــــــــــــا

هذي من أولها ..!! الله يستر

عطوني حل لاني قريت انه هالأعراض دليل على المرض
ببغاء هولنديه غير متصل  
قديم 22-09-2012, 07:12 PM   #9
الجوهرة هنادي
عضو برونزي
 
الصورة الرمزية الجوهرة هنادي







رد: ابوي فاجئنا ببغاء هولنديه وتورطنـــــــا *_*

والله يا اختي لاادري الاجابة على اسالتك بس افيدك بمعنى مفطومة يعني ياكل اكل عادي وليس بحاجة الى والديه يعني اوقف الرضاعة هذا عند الحيوانات الولودة بس عند البيوضة نقولو مفطوم
__________________

خبيــرة تـربـيـة طـيـور البـــآدجي ♥ ♥
الجوهرة هنادي غير متصل  
قديم 22-09-2012, 07:20 PM   #10
الكاسكو الأفريقي
هاوي
 
الصورة الرمزية الكاسكو الأفريقي







رد: ابوي فاجئنا ببغاء هولنديه وتورطنـــــــا *_*

السلام عليكم ورحمتو الله وبركتو انا عندي كاسكو قعد معي شهرين ولكن ماشاء الله كويس اذا على اتنضيف مضفيه لم تشوفيه وسخ الله يكرمك واتنضيف الكم قصدي تغسلي القفص ابعد كل سبعة ايام يعني كل جمعية واختر الوقت الي يعجبك وبنسبه للاكل لا تعطيك فستك عشنه صغيرا وراح يجيه اسهل ولى تعطيه فلافل عشان ما يجيه بوسير اذا على الجوء حطه بمكان معتدل لهو حار ولى بارد
الكاسكو الأفريقي غير متصل  
موضوع مغلق

Bookmarks

Tags
ابوي, ببغاء, فاجئنا, هولنديه, وتورطنـــــــا


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى

 

جميع الأوقات بتوقيت GMT +3. الساعة الآن 12:49 AM.

الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 
 
 

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو