أتمنى إفادتي بأسعار الببغاء

[الج ـارح]

السلام عليكم ورحمة الله وبركاته أخوتي الكرام

انا لي ما يقارب الإسبوعين أبحث عن بغبغاء كاسكو أفريقي أو كوكاتي وأسعارها الحالية لأن عجزت أبحث عنها بكل صراحه ...


أتمنى اللي عنده خبر أو معلومه يقولها لي انا أنتظركم على أحر من الجمر



تحياتي لكم ..


أبو عبد العزيز ^ـ^

[تركي111]

استاذي بوعبدالعزيز ... تختلف اسعارها الله يسلمك انت عطنا المواصفات اللي تبي ..

وهل تبي محجل (هولندي) والا مصيوود ؟

الهولندي دايمن يجي اغلى من ال2000 وفوق فررخ لسا ماتكلم بس مرووض ؟

المصيود يختلف من ال1400 الى ال1800 وفيها عنده ماعنده كلام ولاترووض .

الناطقات المصيوده من ال1900 وفووق .

[الج ـارح]

خووي تركي انا اللي ابيه فرخ يعني 6 شهور 7 شهور وانا ابيك تشووف وش الأفضل عشان اقدر أحدد انا بنفسي واتمنى إستشارتك لي يا الغالي ..


بالنسبة لي انا أتمنى يكون مو مرووض لأن ابي أتعلم وأعرف اشياء كثيره لأن ناوي استمر لفتره طويله مع هالطيير بالذات ابي اعرف عنه كل شي وابي يكون كل شي ووش الفرق بين الهولندي والأفريقي ؟



أتمنى ترسل لي ايميلك ع الخاص عشان ابي اعرف اشياء كثيره وإن شاءالله انك قدها يا الغلا ..

[تركي111]

سعر الفرخ المصيود يمكن تاخذه ب 1500 او 1600 طير نظيف ..

الفرق بينهم المصيود اقوى نوعا ما مناعه ويتحمل الاجوا المتقلبه .. ويجيك وكاااله مومرووض ولاشي بقراطيسه ع قولتهم ..
الهولندى مطعم ضد الامراض ع كلامهم مع اني مااقتنعت ويجيك حجمه اكبر وريشته نظيفه
وف الاخر الطيرين مناعتهم ضعيفه الا فحاال تكرس له غذا معين يقوي المناعه .

والله يكون بعونك ع ترويضه ,,يبيله طولت بااال انتبه تعصب عليه عااد يقلب صن

عذرا ع طريقة كلامي العامي لان من القلب يوصل للقلب ..ماافهم في لغة المننتديات .

[الج ـارح]

هههههههههههههههههههههه ضحكتني بطريقة كلامك أتمنى تكون كذا على طول لأن انا بعد ما افهم بلغة المنتديات والهرج الرسمي لاززم عامي عشان أفهم

طيب بالنسبة للأسعار هاذي احصلها فين بالضبط ؟؟

[تركي111]

والله المحلات ماانصححك تاخذ منها والله يرزقهم ا نشاء الله

بس لان طيورهم خم وطري الزين والشين .. حالااتها تاخذه من واحد كذا طير تربيه بيوت صحه تووب ونظاافه الطير ... وان حصل خذلك ف السنه وفيها الشتاااء جااي والفروووخ بتبهذللك ف الشتااء ماتتحمل كل ماكبر الببغاء كل مازاانت اموره وهكذاا .

[فيوزي]

دامك انت مبتدي انا انصحك بي الابتعاد من الهولندي الحين تغيرات فالهواء من صيف لي شتاء زي ما قال اخوي تركي
الافضل اشتري لك صيد يكون عمره 7 لي 8 شهور مناعته تكون حلوه
تحياتي
ابو سدران

[الج ـارح]

والله انتو تنصحووني وانتو أخبر مني بهالشي لكن إلى الآن ما حصلت الشخص اللي يقول عندي انا لي اسبوع ادوور ولا حصلت إذا تعرفو احد لا تنسووني ..

[فيوزي]

اخوي تبي تدور طير حدد لك طير ودور له يا كوكاتو يا افريقي
او تدور يا ذا او ذا وربي راح تتجرجر هههه يعني بتمص حمر وانت تدور منت عارف وش تشتري
اذا تبي طير حونشي وخدمي ومتكلم ولعوب ههه عندك الافريقي الصيد
الهولندي ما ينفع مع الاجواء الحين مناعته ضعيفه

واذا تبي طير دلوع ولد بابا وماما ولعوب عندك الكوكاتو بس قليل الكلام مو زي الافريقي

انت حدد وش تبي وان شاء الله راح نفيدك وننصحك دامك اخونا
تحياتي
ابو سدران

[الج ـارح]

لا الحين هوونت من الكوكاتو أبي أخذ الأفريقي حونشي هههههههههههههه أتمنى تفيدوني ..


انا كنت افكر أخذ الكوكاتو كشكل لكن الآن ابغى الأفريقي أحس انه افضل بالنسبة لي من الكوكاتو