طريقة توقف الطير عن الصياح !

[without heart]

السلام عليكم
تحيه طيب للجميع

اليوم بصراحه فيني اقولكم طريقة الغرفه المقفله للعقاب هي الحل الامثل ومدتها من 3-4 ايام
طبعا طائري من الطيور المصنفه بالازعاج من الطراز الاول وهو كوكا , الكوكاتو .

لاحد يفهم الموضوع ويتسرع اول اعرفو المشكله
هناك نوعين من الازعاج :
1-محمود : انو اذا طلعت يناديك وهذا شي لابد منه لانه يشتاق لصاحب على طول وماتقدر تمنعه .
2-مذموم : انو يكون قدامك ويصرخ ويزعج << وهذا المشكله الي حليتها .

طبعا اول مابديت بتجربة الغرفه المقفله انك تضع الطير كل ماصرخ وجدتها مرهقه نوعا ما
كل ماصرخ شلة القفص وحطيته بالغرفه و5 دقايق يهدا رجعته لصاله طبعا اول الوقت الطائر مايدري وش السالفه وبيتعبك .

حطيت كوكا بغرفه مفتوحه ع الصاله وانا قدامه وجلس يصرخ وقلت له لاتصرخ بنبره وصوت حازم وهذا يسمى تحذير اول طبعا بيسكت 3-4 ثواني ويكرر الصرخه قمت ورحت له بالغرفه بشكل حازم وقلت لاتصرخ وصكيت الباب , بعد 5 دقايق فتحت الباب ولقيته هادي بنبرة صوت ناعمه مسحت عليه وهو بالقفص وقلت له قود بوي ورحت جلست بصاله وهو قدامي طبعا كررت هالشي يومين وثلاثه وحسيت بستجابه بس خفيفه ومع تزايد .

اليوم طبعا جلست بصاله وهو بالغرفه قدامي وصرخ قلت له لاتصرخ هدأ دقيقه ورجع صرخ وقمت سكرة الباب وتركته 5 دقايق وكررتها معه , بعدها فتحت الباب وقلت له لاتصرخ وجلست
اتابع فلم واول ماصرخ والتفت عليه بسرعه وماكملها قطم ام الصرخه وسكت بديت اتعامل معه بالالتفاته والنظره وصار في تجاوب بعدها صرخ وقمت له بسرعه حتى خاف ورجع وقلت له لاتصرخ وسكرت الباب وطقيته 10 دقايق بعدها فتحت له وقلت له لاتصرخ وهذي فعلا كانت اخر صرخه له
جلست اتابع التلفزيون وجلس يزغلل خفيف ولاصرخ ومع اني رحت بالمطبخ وهو ساكت

جيت بطلع الماركت وقلت الحين يبلشنا ويصحي الشباب يوم جيت بسكر عليه بالباب قام يطالعني
بنظرة كأنو يقول ماصرخت ولا سويت شي بصراحه موقف عجيب رحمته ماقدرت اسكر الباب عشان يعرف ان التسكير عقاب لا اكثر ورحت جلست بالمطبخ انتظر يصرخ ويفتقدني عشان اعتبره مبرر لتسكيرة الباب
ومع ذلك ماقال شي ابد ساكت ورحت للماركت ورجعت ولا ازعج .

والحمدلله المشكله وانحلت وارجو اني ماكون طولت عليكم وبنتظار ردودكم الحلوه

[ٌابوعمر]

ما شاء الله حلك حلو ولاكن ماهو ممتاز اضن بيجي يوم من الايام الطير ماسوا ولا شي وبتسكر الباب لاي سببب من الاسباب وبيعتبره عقاب على شي هو ماسواه تقدر تغطي القفص بقطعة قماش خفيفه احس حل احسن من تسكير الباب وبتوفيق لك ان شاء الله جزاك الله خير احب الي يحاول يبتكر طريقه من عنده وهاذا الي بيخليك تفهم الطير صح

[without heart]

المشاركة الأصلية كتبت بواسطة ٌابوعمر

ما شاء الله حلك حلو ولاكن ماهو ممتاز اضن بيجي يوم من الايام الطير ماسوا ولا شي وبتسكر الباب لاي سببب من الاسباب وبيعتبره عقاب على شي هو ماسواه تقدر تغطي القفص بقطعة قماش خفيفه احس حل احسن من تسكير الباب وبتوفيق لك ان شاء الله جزاك الله خير احب الي يحاول يبتكر طريقه من عنده وهاذا الي بيخليك تفهم الطير صح

هلا ابو عمر اولا نورت الموضوع
اذا الطير استمر على الهدوء ماله داعي اسكر الباب ابدا
وحياك الله

[روهلات المعالي]

الحقيقة المرة ..
إن الكوكاتو لن يتوقف عن الصراخ إن بات وحده وستأتي بعد فترة وتصدق ماذكرت

عني أنا له تقريبًا معي 3 سنوات ..

كنت إن أردت النوم إحدى الحلين إما أن اغطي القفص واغلق الباب واطفي الأنوار

[without heart]

المشاركة الأصلية كتبت بواسطة ريتشارد

الحقيقة المرة ..
إن الكوكاتو لن يتوقف عن الصراخ إن بات وحده وستأتي بعد فترة وتصدق ماذكرت

عني أنا له تقريبًا معي 3 سنوات ..

كنت إن أردت النوم إحدى الحلين إما أن اغطي القفص واغلق الباب واطفي الأنوار

لو قريتي اول الموضوع فهمتي قصدي
قلت الصياح نوعين محمود اذا كان وحده يفتقد راعيه وماتقدر تمنعه
ومذموم اذا يصيح وانا بجانبه وهذي المشكله الي تحدثت عنها وحليتها

دمتي بود

[بلاك بيري]

تم الافاده على الرساله الي تفضلتم فيها
بالتوفيق

[بلاك بيري]

طير الكوكاتو من الطيور الذكيه جدا جدا جدا وعمرها قد يصل الى 120 سنه مع التربيه السليمه والاهتمام وذكائها يقارن بطفل عمره خمسه سنوات
الطير بدون اي مجامله متعلق فيك لكن مستوحش منك يعني يحب وجودك معاه لكن بنفس الوقت مايبيك تتمادى معاه باللعب لانه ما اخذ ثقتك بشكل كامل
النصيحه اخي الفاضل اولا الصبر ثانيا تقديم المكافئه للطير فور عمله ما تريد منه انا كان عندي طير كوكاتو من نوع ترايتون وكان معي 4 سنوات ما كان يعضني لكن احيانا ان مارس شيء يحب يسويه وانا منعته يعضني كتنبيه انه يحب يلعب بهالشيء فلا تمنعني

نصيحتي الصبر وطيرك ماشاءالله واضح عليه ذكائه

تحياتي

[ذكريات بادجي]

نايس فكـره...

[آنآستــآزيآ]

.. ماشــاءاللهـ تبــااركـ اللهـ !! ..

.. طريقــهـ راائعــهـ بقـــــووهـ !!

.. وتــراا ممكــن الكوكاتــوو متعتــهـ فــي الصــرااخ .. ..

.. فـ الأفضــل مــاا نحرمــهـ مــن هـ المتعــهـ المتعبــهـ .. ..

.. آنآستــآزيآ ..

[without heart]

المشاركة الأصلية كتبت بواسطة بلاك بيري

طير الكوكاتو من الطيور الذكيه جدا جدا جدا وعمرها قد يصل الى 120 سنه مع التربيه السليمه والاهتمام وذكائها يقارن بطفل عمره خمسه سنوات
الطير بدون اي مجامله متعلق فيك لكن مستوحش منك يعني يحب وجودك معاه لكن بنفس الوقت مايبيك تتمادى معاه باللعب لانه ما اخذ ثقتك بشكل كامل
النصيحه اخي الفاضل اولا الصبر ثانيا تقديم المكافئه للطير فور عمله ما تريد منه انا كان عندي طير كوكاتو من نوع ترايتون وكان معي 4 سنوات ما كان يعضني لكن احيانا ان مارس شيء يحب يسويه وانا منعته يعضني كتنبيه انه يحب يلعب بهالشيء فلا تمنعني

نصيحتي الصبر وطيرك ماشاءالله واضح عليه ذكائه

تحياتي

حلو يعطيك الف عافيه
السؤال كيف اعرف اذا اخذ ثقته بشكل كامل الدلالات الي اقدر اعرف منها انه ارتاحلي ؟