التربه الزراعيه

[كويتية]

هاوي زرازير

عدل كلامك حتى امي قالت لي نجيب واحد يقلب التربه وتصير خوش تربه مشكور عالمشاركه


___________


الطاير شكرا لك أخوي بسأل عنه السماد العضوي

_____________

أهلين كات

شكرا لج عالمرور

[هاوي زرازير]

العفــــــوِ اختي.....

تقدرين تسوين سماد عضوي بس مو مثل اللي قاله اخوي الطاير شوي مثله

هذا السماد عباره عن قشره الفواكه او الخضروات او حتى الرز اللي تطبخونه بالبيت

يعني كل ما تطبخون يزيد من العيش بس بدون شوائب , وكذلك الفواكه والخضروات تجمعون قشرتها وتحطونها بدرام تخصصونه لهذا السماد العضوي جدا ومغذي جدا

وتحطونه على النبات ...

مافيه تعب ولا شي بالعكس جذي تقومين بإعادة تدوير للاكل.

(((((مُجَرّبْ))))))

اتمنى اني افدتج,,,,

[كويتية]

هاوي زرازير خوش معلومات انزين جم المده اللي أجمع فيها قشور الفواكه

أقصد جم يوم أخليهم

قصدك لين يصيرون يابسين

عجبتني الفكره <<<< الشي اللي ابلاش حلو

[كويتية]

نسيت أسألك عن العيش شلون أحطه على التربه وأهو لين والا أجففه بالشمس

ياليت توضح أكثر

وشاكره لك معلوماتك عجيبه

[هاوي زرازير]

اختي اتني بس مايمتلي الدرام (يعني تشوفين الكمية كافيه) حطيه ع الزرع

اهو مو بس بلاش اهو خالي من المواد الصناعيه(الكيماويه) ويخليج تصيرين صديقه للبيئه لانج

جذي تقومين باعاده تدوير .

بالنسبه يابس او لين يفضل يكون لين او اذا كان يابس لازم تحطينه قبل ماتسقين الزرع بعدين

ترشينه بالماي. (العيش مع قشرة الخضرة والفواكه)

***هذي الطريقه تسوينها من 1-3 مرات بالاسبوع (الشي لي زاد عن حده قلب ضده)

هذا الرابط راح يفيدج http://www.zira3a.net/leaflets/march/making-manure.htm

والعفـــو اختي ,,

مثل ماتعرفين ان الزرع ينقي الهوا واحنا بالكويت ما كو واحد الا عنده سياره ...

(فالشجرة الواحده العاريه او الصغيره تنقي حوالي 25 كيلوغراماً من الملوثات من الجو سنوياً)

بالتوفيـــق اختي...

اتنمى اني افدتج,,,

[كويتية]

هاوي زرازير

مشكوووووووووووووووووور الله يعطيك العافيه فعلا ماقصرت كفيت ووفيت جاوبت على كل أسألتي بالتفصيل الممل

وشكرا على الرابط فيه معلومات مفيده


أكرر شكري لك

[هاوي زرازير]

العـــــــــــفو اختى

لا شكر على واجـــــــــــــب