للاسف :: بين الحياة والموت !!

[wwvip]

المشاركة الأصلية كتبت بواسطة بسطويسي

اوف

والله شكلو معدوم

طمنا عليه ايش قال الدكتور

مشكور عزيزي على الدعم المعنوي وبارك الله فيك

المشاركة الأصلية كتبت بواسطة مدرب نمور

يب يب

طمنا ايش قال الدكتور وايش اعطاه

وياليت تصور البسه وهيا عند البيطرى

تحياتى لكـ

مشكور عزيزي على الدعم المعنوي وبارك الله فيك

المشاركة الأصلية كتبت بواسطة sisi_moon

استغفر الله العظيــــم

يعني شنــو .. ماخذينه عشان يكشخون فيه . !.

حــرام والله عليـهم .. وبسـم الله عليه بــاين جمميــل ..

حسبي الله عليهم

اخــوي مابعرف لو وديـته البيـطري ولا لا للحــين

بس عيـنه وخشمه نظفهـم .. ماعليش هو يمكن يتضــايق بس خلي أحد يساعدك .. يمسكه من جلدته الزايده برقبته .. وانت نظف وجهه

عيـونه بمنديل مبلل بشاي دافي بدون سكر .. وأنفه بمنديل مبـلل مــــاي ..

بس لاتقســي عليـه وانت تنظفه .. أقصد لاتضغط كثيررر عند عيونه وأنفه .. لان الوســخ بـاين له مـــــــده فـ مراح يقوم بسهوله معـك

اجلس امسح امسح امسح لين مايلين معك ويقــووم ..

وكويس ماروشته .. لانه مسكين مافيه حيـل ياخذ بررد .. اذا مره متووسخ .. بلل فووطه وامسسحه ..

وضــروري ضـرووري توديـه البيطري عشان الأعــراض الثــانيه ..

وصحيح البخـار ترا كثير كثير بينفعه .. بس راح يتعبك شوي لانه مو متعود عليك بس مـاعليش .. حتى لو استدعى الأمـر تلفه بفــوطه وتخلي وجهه مكشـوف عشان تتحـكم بحركته ..

والله يجــــازيك يــارب على رحمتك بهالمسسسكـين

طمـنـا عنه ..

اهلا اختي .. صدقتي بعض الناس ياخذ الحيوان واذا مرض رماه بالشارع
وين بيروحون من رب العالمين ..

اخر الاخبار بكتبها برد منفصل وتم عمل كل اللي قلتي عليه وبارك الله فيك

[wwvip]

المشاركة الأصلية كتبت بواسطة josy

ياااااااااالله على هيك بشر



شو هيدا بس
ليش هيك

الله لايسامح هيك بشر

خيو انت بس اهتم فيه منيح ووديه البيطري بس ياريت يكون منيح

وتسال كتيييييير وهيك انه تعرف كيف تعتني فيه

وان شاء الله ان شاء الله مافيه الا العافية

وجد شكراا الك وانه بعدو بها الدنيا ناس متلك

الله يوفقك ويشفيه هالبس

شكرااا جد الك

العفو اختي ومشكوره على الدعم المعنوي وبارك الله فيك

المشاركة الأصلية كتبت بواسطة الرازم

السلام عليكم اخي الكريم

جدا يصعبنا هذا الحال وصدقني قلوبنا معاك

حتى لو اننا لانعرفك فنحن أخوه في الأسلام

وندعيلك بالخير من كل قلوبنا ياخوي

الأخوات الفاضلات المشرفات ماقصروا بالرد

جزاهم الله ألف خير

وأن شاء الله تطمنى على صحته أول بأول

وبعد لو تروح البيطري وتقول لنا وش قال

والصبر مفتاح الفرج وكل هذا في ميزان حسناتك

لأنك قاعد اتساعد حيوان وتسعى الى شفائه

بأذن الله

قلوبنا معك اخي الكريم

بارك الله فيك والحمد لله على نعمه الرحمه التي لولا الله ثم هي كان اكل البشر بعضهم

المشاركة الأصلية كتبت بواسطة آنـــــو

آيوه آخوي ماخبرتنا آيش عليه ؟!

ومثل ماقالت سيسي لاتروشه آبداً حتى يتشافى بأذن الله ،، ولا تعرضه للهوا البارد

وحاجه بالنسبه للبخار مو شرط تقربه من المويه آذا هو مايخلي لك مجال تتعامل معاه

فـ فيه طريقه حلوه وسهله وهي بعد ماتسخن المويه الحاره وتضيف لها الفيكس

تاخذ منشفه وتبللها بالمويه وتقربها منه وتخليه يستنشقها وتستمر بهالطريقه الى مدة عشر دقايق ..

مرتين الى 3 مرات باليوم كحد آقصى بيعزز عملية التنفس معاه ..

طبعاً مع عمل المضادات الحيويه ..

والوسخ اللي بعينه وآنفه بما آنه ماترك لك مجال تنظفه آكيد تألم ،، لآن الوسخ قاسي وماسك بالجلد

آنا آذا بنظف مثل كذا وسخ ثقيل وماسك بقوه آولاً ،، آبلل الوسخ بمويه دافيه وآخليه دقيقه آو دقيقتين علشان

يلين وبعدين آرجع آمسح له مره ثانيه بمنديل مبلول آو قطن وبينشال معاك آسهل ..

الشكر لك على النصايح وصراحه استفدت كثر منها وطبقتها

المشاركة الأصلية كتبت بواسطة الكلاسيكي

مرحبا اخي الله يعطيك العافية وجزاك الله خير ..

اولاً احب ان اشكر خواتي

اَنــــو , sis_moon , josy

ماقصرو في الأجابة ..



و احب اضيف على كلامهم من الي انا سمعته منك والي شفته في الصورة ..

ان القط يعاني من التهاب الأذنين ..

و قد تعرض لوجود براغث الأذن صغيره و وصخ ..

وهذي زحفت من شد الأهمال الى الرئة مما سبب له التهاب و نتج عنه الزكام ..

وكثرة العطس مع خروج وسق من الأنف وتحريك الرأس بشكل نصف دائرة عند العطس ..

يمين و يسـار وكأنه سوف يموت ..

وطبعاً تأثرت العينان منه ..

وعلاجة يتطلب وقت اخي و احتمال علاجة يستمر اسبوع ليستعيد صحته ..

و تستمر في علاجة الى مدة شهر ..

وهو كـ التالي ..

مضاد عن طريق الفم مرتان يومياً لمدة 7 ايام ..

بدعمها بـ ابره من البطري ..

تنضيف الأذن

مره في اليوم كـ حد ادنى بمساعدة قطرة الأذن للفـائدة ..

تنظيف العينان

مرتان في اليوم ..

بماء غسول الخاص للعينين لكسب نتيجة افضل و اسرع ..

والباقي مثل ما قالو لك الأخوان ..

واتمنى من الله ان يوفقك ويشفي القط وجعله في ميزان اعمالك ..

ولي عوده ..

وفي انتـظار اخبـارك بإذن الله ..

اهلا اخي ..

كل الاعضاء ما قصروا منهم من ابداء الدعم المعنوي ومنهم من قدم النصائح ..
وكلها اجرها محسوب عند الله ...

وانت كذلك نورتي اكثر بس ياليت تذكر لي اسم مضاد عن طريق الفم
لان الصيدليات البيطريه عندنا الحقيقه تفتقد للشموليه للاسف !!

اخبار القط بالاسفل برد منفصل

[wwvip]

السلام عليكم

الحقيقه اشكر كل من ساهم ورفع من معنوياتي ..

ويشهد الله اني كنت انتظر ادخل على القط احصله ميت !!!!

رحلة البحث عن طبيب بيطري


بعد صلاة المغرب .. اخذت ابحث بالنت عن العيادات البيطريه بالرياض !!

ويا اسفاه ..

كلها في محلات تجاريه .. يعني محل بيع وداخله طبيب

المهم ..

اخذته الى احد الاطباء ..

قال الفحص مجاني ..

فحصه وقال عنده التهاب !!


وراح اعطيه ابره مضاد ... سعرها 75 ريال ..
انا هنا توقفت .. مو عشان الفلوس ..
لا عشان الاستغلال ثمن الابره ما يتعدى ريالين ويبي يعطيني اياها ب 75 ..
قلت طيب وبعدين ..
قال بعطيه كذا وكذا ..
اجمالي السعر فوق 300 !!


انا لي تجربه مع تربيه الارانب ..
كنت اعطيها ابره مضاد العشر ارانب ب 5 ريال !!

رجت لاكثر من طبيب .. واهم شئ كنت اخذ من كل طبيب تشخيص مخالف للتشيخص الاول ..!!

صرت احس ان معاي سياره عطلانه وادور على الصناعيه كل واحد وتقييم ؟؟


باخر الامر ..
قررت اني اروح لصديق لي من الجنسيه الاردنيه .. يعمل طبيب بيطري جانب سوق الغنم بالرياض

لما شاف القط .. انفجع من حالته جدا ..

وبعد الفحص والمعاينه ..
قال



يعاني من تحجر بالبطن بسبب انه ما يخرج الفضلات اعزكم الله ..

التهاب قوي بالصدريه والبلعوم يسبب ثقل بالتنفس وعدم القدره على اكل اي شئ او شرب اي شئ

العين فيها التهابات بسبب الامراض السابق ذكرها ..


لاحظوا فحصه كان دقيق جدا ولا اعطاني التقييم الا بعد دقايق عكس غيره !
الحل ...!

اعطاءه ابرتين اظن احدهما لامراض الصدر في الحيوانات .. والثاني مضاد حيوي قوي جدا
مده العلاج ستكون من 3 الى 5 ايام باذن الله ...

بالنسبه للعين قام مشكورا بتنظيف العين بنسبه اكثر من 30 % بالماء واستخدام قطنه

ناتي الان للتكلفه ..!!

طبعا التكلفه كان معي قط اخر مصاب بزكام فقط يعني التكلفه لقطين وليس لواحد

كانت التكلفه ولله الحمد 30 ريال سعودي ..! اي اقل من 9 دولار امريكي !!
والسعر السابق كان 300 ريال !! يعني عشر اضعاف القيمه وحسبي الله على الاستغلاليين

المهم سبب ارتفاع السعر ان مرهم العين سعره 10 ريال !!

ولا خليته يخفض ريال واحد مو لانه زميل لا .. لاني ابيه يكسب لانه امين جدا ولا هو باستغلالي

عموما بالاسفل صورة الدواء ومرهم العين .. الدواء صورته بالمحل .. والمرهم بالبيت


اما صورة المرهم بالاسفل باذن الله

اليوم في البيت


كنت متوقع اني ما اشوف تغير بحالته .. لكن سبحان الله لما فتحت عليه الباب جاء يمشي بجهتي بتخاذل وتعب شديد

لو حطيت على ظهره ريشه طاح من التعب ..!!

اول ما دخلت عليه ... حطيت له شوي ماء وقام يشرب بشكل خفيف .. ممكن قطره او اثنين

المهم انه شرب حتى ابتعد عن الاناء .. ثم تحرك جهتي بتثاقل .. وكان معاي شويه تونه وكانت ريحتها قويه ..

وقام ياكل من القطع الصغير ويشرب شوي من الزيت ..

بعدها اخذته الى الحمام .. على اساس اقوم بتنظيف الوجه من البكتيرياء اللي عليه ..

وبعدها جبت له شوي حليب في غطاء علبه ماء واخذته بالقطن وقعدت انقط بفمه حتى انتهت الكميه ولله الحمد ..

الصور بالاسفل

اول صوره ..
اول مادخل عليه كان بيدي مرهم العين واناء عشان احط فيه بعض المويه لتنظيف العين والاناء هذا في شوي ملح حسب توصيات الطبيب .. اول ما نزلته بالارض راح يمشي جهته .. يدور على شئ يشربه ..



الصوره هذي ..
حطيت لو ماء وقربته جهته لعل وعسى يشرب شئ والحمد لله شرب شويات



الصوره هذي بعد ما دخلته الحمام على اساس انظف له العين طبعا امس منضفها الدكتور بشكل كبير .. وجاء دوري



هذي صورة وجهه بعد التنظيف وباين على فاتح عيونه الحمد لله بس مو فاتحها كلها



هذي القطن المستخدم بالتنظيف


طبعا هو قطن تنظيف المكياج شاريه من بقاله ب 2 ريال وبالصيدليه ب 5 ريال
يقهرون ليش الاستغلال

بعد ما طلعته حبيت اكافئه بشوي حليب مع شوي اكل
هذي كميه الحليب اللي اعطيته اياها


طبعا ما قدر يشربها وهو منزل الراس فحطيتها بقطنه وقمت انقط بفمه

بعد ما خلصت من الحليب جبت له بواقي تونه .. مع الزيت
وقام بشغله الولد بس قعد يمكن سااااعه
هذي صوره التونه


الصحن على شكل قلب واهدي القلب ذا لكل الاعضاء

بعد كذا دخلته غرفته

على اساس احط له الكريم على العين

صورة الكريم



صورته بعد الكريم .. ويقول امووووه للاعضا كلهم



حالته تحسنت بشكل مرضي الحمد لله ..
صوت التنفس صار شوي هادي .. ويقدر يمزمز اكل وشرب

بالنسبه لغسيل جسمه انا حبيت اخر الموضوع شوي على الاقل بعد يومين من الان ..

اليوم له موعد مع الطبيب عشان الابره .. لان مدتها ثلاث ايام ..
الابره مضاد اتوقع مع حق مرض الصدر

وبسئل الطبيب اذا اقدر اعطيه مضاد حيوي عن طريق الفم للاطفال مع اني افضل امشي على خطه الطبيب مدام ان الامر فيه تحسن شوي ...

ولكم مني اقوى تحيه .. وتقرير غدا باذن الله

[بسطويسي]

الله يجزاك خير اخوي عاللي سويته مع البس

في حديث للرسول يقلك دخلت امرأة الجنه في كلب

عشنها شربته موية بس

فانت ان شالله انك ماخذ اجره في علاجك له وعطفك عليه

وياليت لمن تخلص العلاج تورينا صور نهائية له والنتايج كيف سارت وكيف نشاطه وصحته

[sisi_moon]

ياقلبــــــــــــــي عليــه .. وقسسسم يذووب القلب ..

ربي يرررحم حـاله ان شاءالله ويلطف فيه

بس الحمدلله عيونه بدت تنظف .. والكريم مال عينه عرررفته .. مستخدمته من قبـل هو لفطريات العين أظن او شي زي كذا .. بس انا استخدمته للجلد لان البيطري كان غبي شويااات قالي احطه للجلد وبعدين تركته لانه للعين أصلا

بس خيـو الكريم لما تحطه بالعين لاتحط كثير كثير .. واذا حطيت خلي القطو يسكر عينه .. واجلس دلك عيــنه لمده دقيقه .. بس اذا البيطري قالك خليه يجي حوالين العين .. سو زي مـاقالك

ربي يجــــزاااك الجنه يـارب

اخوي أفضل لو تقصر له شعــره .. خليه قصيــــــرر .. لان شعره متوسخ وانت مافيك تحممه حاليا ولا هو فيه ينظف نفسه حـاليا ..

والي عند خشمه .. هذا وسخ ولا لون بالجلد ..؟ اذا وسخ حاول تنظفه عشان يتنفس برراحه أكثــر

والحمدلله رب العـالمين ان حالته بدت تتحسسن

ننتظـــــــــــر أخبـــاره اخوي .. ياليت توافينا بأخباره أول بأول.. قلبي معه هالمسسكين

[josy]

الحمدلله شكله كتيييييييير احسن

الله يعطيك العافية خيوو ويوفقك

اممممممممم

لو كنت بالاول مشيت على حكي مشرفنا الكلاسيكي الله يحفظه

كان بيكفيك والله

..........

والبيطري الي رحته بعد كتيييييييير منيح

اشكره عنا كلنا

الله يعطيكم العافية

وطمنا دايمااااااا

[3body]

جزاك الله خير على هذا الفعل ،، وعسى الله ان يثيبك في دنياك واخرتك ،،

ويغفرلك ويغفر للجميع ان شاء الله ،،

وان شاء الله يتشافى ويرجع زي حالته الطبيعيه ،، بس داوم على علاجه وما يصير الا كل خير ،،

الله يبارك فيك وفي امثالك ،،

[آنـــــو]

ياعمري الحمدلله آنه تحسن ،، مااشاءالله عليك سويت معروف كبير ومايسويه الا اللي قلبه كبير

البيطري الأول الله آكبر عليه ،، آجل 300 وآكيد بيقول الفحص مجاني
دامه بيطلع السعر هذا ،، ولله لو آنها عمليه !!!

آستغلال مابعده آستغلال بهالبشر ..

آنا الآبر آعطيها قطاوتي قيمة الوحده 20 ومفعولها آقوي وآسرع من المضاد عن طريق الفم بساعه آو ساعتين يصير القطو زي الفل ..

عموماً زين آنك حصلت بيطري آرخص وآشطر منهم ..

والمضاد الحيوي اللي عن طريق الفم ذكرته بردي السابق آسمه بيتاموكس لكن نقول العتب على النظر
وهو بيطري مو بشري ممكن يساعدك بالعلاج بالأضافه الى الأبر اللي خذاها مرتين باليوم .. وفيه آنواع ثانيه من المضادات ..

اول مادخل عليه كان بيدي مرهم العين واناء عشان احط فيه بعض المويه لتنظيف العين والاناء هذا في شوي ملح حسب توصيات الطبيب

حسب توصيات البيطري !! وآنا وش قلت



بالنسبه للأكل آخوي راقب آخراجه زين ،، لآن التونه والحليب كل واحد منهم يسبب آسهال ونعطيهم للقطط في حالة الأمساك
وعاد آنت تعطيه كلهم مع بعض آتوقع بيصير آنفجار

مابقول آقطعهم عنه لآنه يعاني من آمساك ،، لكن خففهم وراقب الآخراج (آعزك الله ) لو صار سايل وقفهم وآعطيه شي ثاني ..

آما آنه مايقدر ينزل راسه ياكل لآنه خشمه مسدود وهالشي يضايقه لما ينزل راسه .. عندي قطط كذا مزكمين ويتضايقون لما ينزلون راسهم للأكل

فـ مثل ماقلت لك سابقاً آستخدم قطره آنف للمواليد من الصيدليه البشريه وتقطر له مره وحده باليوم وقطره وحده بفتحه وحده من الآنف ..
الى مدة 6 / 7 آيام بتفتح خشمه ويعقمه من البكتيريا ..

والله يجزاك خير ،، وناطرين آخر الأخبار والتطورات منك

[Ava]

و الله ونعم الاخلاق فيك ما شاء الله عليك

الله يجعل عملك في موازين حسناتك

[kit_kat]

مرحبا اخوي
الصراحه اتمنى له الشفاء العاجل
ومثل ما ذكروا الاخوان والاخوات
روح وده لطبيب مختص ولك الاجر ان شاء الله
لك كل الود