انا مسافر للهند وابي اجيب طير

[كاسكـــو]

لكن انتبه لايصيدون خويك

اهل الجمارك وخصوصا المعرفه مايقصرون لكن تجري الرياح بما لاتشتهي السفن

والله عندي واحد اعرفه شغال بسفارة السعوديه بأندونيسيا وعندي برضوه واحد شغال بالمطار بالجمارك

لكن للأسف عزيزي ماقدرو يدخلون لي حتى ريشه اعتذرو مني رغم محاولاتهم وبصراحه ماقصرو لكن القانون فوق كل شي

[سكر]

أبو حمود اذا ما قدرت تجيب ببغاء جيب بيض حق ببغاء

ويقول المثل اذا بتسرق اسرق جمل.

لا تاخذ درة خذ لك طير ثاني مثل المكاو أو امازوني يلو ناب.


واذا عندك شنطة صغيره حط فيها كم بيضه ببغاء بس غلفها بشكل آمن.


أتمنى أروح الهند وأجيب كوبرى هندية أحطها في شنطة اللاب توب أو الملابس الصغيرة وأخليها معاي في الطيارة مو في الشحن.

عندنا في السعودية كوبرا بس مو مثل الهندية

شوف الكوبرى حقتي




ماتت بعد ما أكلت ضفدع, شكل الضفدع مدمن مخدرات



بالتوفيق

تحياتي

[محمد الليثي]

يا سكر صباحك سكر في عندكم مزارع كبيره للببغاوات واصحابها معروفين هو مش محتاج لا يسرق جمل ولا حتي قطه
وصدقني انا كنت مدير مشروع دواجن في السعوديه الحمد لله ربنا حماه من الانفلونزا بس انتوا مش مقدرين خطوره المرض اسئل اي مهندس او دكتور بيطري في الخرج او حتي من الشرطه التي طوقت كل الطرق حتي اعدمت جميع الطيور السليمه والمصابه لحصر المرض في الخرج

وجميع الطيور التي ذكرتها موطنها غير الهند وهي موجوده بالمملكه اما بخصوص الكوبرا فان كانت هوايتك استوردها بطريقه طبيعيه فالمشكله متعلقه فقط بكل انواع الطيور وتخيل لو انت حططها في شنطتتك وفلتت في الطياره النقل يا سكر له قواعد والكبرا حيوان مميت يجب نقله بطريقه سليمه
والي الخ كاسكو انا مثلك اعشق الحيوانات بس الموضوع مش ان الجمارك ما تقصر الموضوع ان احنا اللي لازم نتوقف عن التفكير في نقل الطيور بين البلدان الا البلدان التي ليس عليها حظر فيمكن التاكد هل البلد عليها حظر ام لا قبل اتخاذ اي خطوه واعتقد ان الدول الاوربيه ليس بها حظر فقد استوردت من فتره قريبه بيض من هولندا وهي من الدول الرائده في مجال طيور الزينه كذلك بلجيكا يمكن السئوال عن الاجراءات الرسميه واتباعها فهذا اسلم وامن لبلادنا الحبيه خاصه دوله عظيمه كالمملكه بها حركه بشر عاليه جدا واي مشكله كالانفلونزا لن تكون مشكله بل كارثه نصيحه للاخوان اتبعوا فقط الطرق الشرعيه فالمشكله انت تقدرها ان الطائر اذا مرض مات اما انا اقدرها ان الطائر او البيضه لو تحمل الاصابه فانت سبب في دخول الفيرس العنيف بلادك بحسن نيه وانت تعلم المقوله المشهوره ان الطريق الي .......... مفروش بالنوايا الحسنه
اللهم اني بلغت فاشهد

[كاجو]

أخواني كلام الاخ محمد اليثي صحيح وهو نابع من كلام شخص مسئول وصدقوني لوكان في واحد منكم مسئول

راح يقدر ان المسئوليه اصعب شيء ..

وبعدين انا جربت وسويت كشف طبي لطيور الي عندي وهي عايشه معاي من زمان وادري انها مو مريضه

ومع ذالك رفضوا انها تدخل مع انه لقيت من الدوله الي انا فيها ناس تسفرها معاي بس المشكله كانت هل

يسمحون في السعوديه ولا لأ ومع ذالك ماجازفت يعني حطيت في رأسي سالفة اني لوكنت مكانهم ماكنت ارضا انه يدخل شيء ..

اخوي سكر بالنسبه للكوبرا يقولون تدخل عادي لان القطط دخلت عادي المشكله فقط بالطيور..

[Qatar535]

هلا ياشباب ,,,

أنا سمعت ان حق الصقووور مش البغبغاوات انك تحجز لها كرسي وتخليه جنبك في الطياره لين توصل بلادك,,

[abo hmod]

للتذكير فقط لاغير

انا اريد ان اعرف فقط ما هي انواع الطيور التي استطيع شرائها من الهند وبالتحديد من كيرلا اذا امكن
واتركو الجمارك وكل الكلام الباقي انا الحمد لله في كل اموري استخير واعتمد على الله فيها ومتوكل عليه سبحانه

[كاسكـــو]

خذ لك كوكاتو هي متوفره هناك

وجب لي معك واحد باخذه منك بالتقسيط مامعاي كاش

او خذ لك لفه بالأسواق هناك

يمكن تحصل شي يصلح لك

لكن الكوكاتو موطنه هناك

اما باقي الانواع ممكن هم يستوردونها

[سكر]

أخ أبو حمود انا في فريقك وما احب كثر الهذره هههههههه

المهم نرجع للخط الرئيسي.

حبيبي السعودية فيها ببغاوات كثير, موجودة بالسوق, بس طبعاً موطنها في مكان ثاني مالنا شغل فيه.

الهند نفس الشي, فيها ببغاوات كثير, وأكثر بعد, ومالنا شغل بموطنها, يعني طلعو من مخي حكاية موطنها.

المهم,,,
خذلك مكاو طال عمرك اذا كان سعره رخيص, أو يلو ناب, لأنك لو تاخذ شي ثاني مثل الافريقي أو الدرة, بتلاقيها في السعودية وما فيه فرق كبير في السعر, ولا حق المرمطة.

لكن تخيل لو لقيت يلو ناب فرخ صغير وأخذت لك 2 أو 3 فروخ عمرها من شهر الى 3 شهور.

تجي السعودية بيع واحد ب7 آلاف. وربي واحد.


وأعطيني واحد خخخخخ


لا بجد ربي يوفقك ومالك إلا تجرب لما تروح هناك, واسأل عن أغلى شي في السعودية وخذه من الهند اذا رخيص.

ويا شباب خلو التحليل الرياضي وانتقاد المنتخب لا يجيكم اتصال الحين على الهوى مباشرة هههههههههه.

تحياتي لك

[abo hmod]

سكـــــــــــــــــــــــــــــــــر والله واحلا من السكـــــــــــــــــــر كلامك
وكاسكــــــــــــــــــــــــــــــو جميل ورد مفيد وتأييد لرأي ابو ريان

لاكن زي ماقال سكر اذا حصلت يلونوب فرخ او فروخ على طلول ما راح اصدق خبر
وبنسبة للي يبي طير اذا جيت وجبت معي طيور كثير يعني اكثر من 4 اول ناس اعرض عليهم انتو وما عليكم براس المال --

[مجنون عويشق]

السلام عليكم

ابو حمووود

يالله حيهم

افهم من الكلام الذ ي تمت كتابته بأنه عندك واسطه ...معناها تقدر تظبطنا >>>يالييل اللييل مع الي ماينعطون وجه خخخخخخخخخخخخ


شوف ياعزيزي

الله يوفقك ان شاء الله في جيبة طيورك ...مع اني مره سألت وقلت بجيب الاوراق الرسميه ووووو ..قالوا مافي لو تجيب الي تجيب مافيه

بس من ناحيتك ان شاء الله اخوياك يساعدونك ويحلون المشكله


بالنسبه للطيور الي في الهند ...ماراح تحصل الا الدره والكوكاتو والسبب لان الامزونيات موطنها بعيد جدا عن الهند فطبيعي انها راح تكون اسيعارها غاليه

طبعا هذا في السعوديه يعني عندنا ..لكن في الهند ..قد يكون كل شيء مختلف ...فهي ارض سندباد وعلاء الدين ((( شف التحشيش بس )) ..الله يوفقك ان شاء الله

تحيه طيبه