مناقشات حول الفلور هورن

[الإمـبـراطـور]

مشكور يا انجل على شرحك المفصل

طريقتك جربوها اغلب الاخوان والنتائج مش ولابد على تقدير المربين

اما الدور عليك الان يا مشعل

خل هالمرة الابوين مع الصغار وعلمنا وش راح يصير .. ونشوف عدد الناجيين لكني ضد فكرة تغطي الحوض بورق جدار لازم يكون الحوض مكشوف لنظرك باكمله و تحت مراقبتك خطوة بخطوة ..

على فكرة وش نوع الفلاورهورن اللي عندك ... العادي او المهجن ابو جبـهة..؟

انا مع كلام اخوي حامي

يجب ان نعطي الابويين فرصة على اقل تقدير كم شهر لو حبينا نزاوجهم من جديد ولكن كان قصد انجل مان ان بامكان الزوج التزاوج بعد مرور 25 يوم ولكن هذا فيه اجهاد وتعب للابوين

[انجل مان]

والله مشكله وضع الابوين !!

ترى ذكر لنا ابو عبدالكريم نقطه !!

الا وهي انك تثق بالابوين !! ثقه . بحيث انهم مايخافون منك ومن خوفهم ياكلوب البيض او الصغار كما حدث معي !!

يعني ابو عبد الكريم وضع لنا صورة لزورج الايس كريم فلاور !! وكان عادي يصور ويشاهد لحظه التفريخ كامله !!

وبدون ما الابوين .. يخافون منه ..

فالسؤال لك يا مشعل !!

هل تثق بالابوين !؟؟؟؟؟؟؟؟؟؟؟؟؟؟؟؟؟؟؟؟

او راح تغامر .. لتكتشف .!!!!!!!!!!!!!!!!!

[بو عبد الكريم]

على العموم كل واحد له طريقته وخطه في طريقة التفريخ وعن نفسي لي خطي وطريقتي ولله الحمد ماشي تمام التمام وعلى فكرة عندي عدة أزواج أفرخهم مو زوج واحد ولكن كنت أتمنى اسوي تناقش للإستفادة ولكن أتظح العكس لآن جميع الخبراء في هذه السمكة يختلفون بالآراء ووأنا أعترف أن لكم خبرة أكثر مني في هذا المجال وأستفدت كثير من خبراتكم أشكر كل القائمين على هذا المنتدى 2zoo بلا إستثناء وتقبلوا كل الإحترام والتقدير مني لكم وأخليكم على خير إنشاء الله

[*حامي الحيوان*]

الاختلاف بالرأي لايفسد للود قضيه

وأنا عن نفسي أحب النقااشات بس ما أحب

تضااارب الاراء ولكن هذا شيء مووجود

ولولا تضارب الاراء لما حدثت أشيااء كثيرة في وقتنا هذا

عموووما أبوو عبد الكريم وين تخلينا يعني خلااص بتترك المنتدى

والله تعودنا عليك ومكااانك وااضح فا اتمني أذا لنا معزة عندك

أنك تستمر بالتواصل معانا

.
.
.

[انجل مان]

لالا ابو عبد الكريم ما يطلع !!


لا ما بعد شبعنا منه ..

[الإمـبـراطـور]

بو عبدالكريم

ويــــــــن رايـــح ........؟

بهالسـهـولة هـانت العشرة عليـك ....؟

يا استاذي انت هنا الدليل والمرشد للفلاورهورن ماكـو فـكة عنـك

وثانيا يا حامي

هو مش اختلاف الآراء ولكـن اختلاف الطرق وكل مربي له طريقته بالعمل

مثلا امكانياتي مش مثل امكانياتك حيث ان باستطاعتك توفر كل المتطلبات من الاف للياء وانا على قد حالي وكذلك على حد استفادتي من تجاربي السابقة وتجارب الاخرين ...

اخوي مشعل

لا تحاول الهـــــروب

دام انك فتـحت هالموضوع فأنت مـطلوب للعـدالة حتى تثبـت بـراءة طريقـة تفريـخك للفلاورهورن وشهودك الصور وبعدين ننـظر في القضيـة حتى نـحـكم فيـها ....

مــحـكمـة

رفـعـت الجـلسـة

[*حامي الحيوان*]

لااا لاا

أنا قلت أختلااف الاراء وليس الطرق !!
.
.
.

[انجل مان]

انا المحامي ..

كوني خبير بالتجربه .. واقدر ادافع عن موكلي .. مشعل بالقضيه المطروحه له .. << متى وكلك بس

يا سيدي القاضي ..

إنا موكلي مشعل .. سيقوم بالمهمه المطلوبه .. على اكمل وجهه .. وانا اجزم بقدراته الفعاله اتجاه هذه القضيه ..

يا سيدي القاضي .. فأني اطالب بالادله اللتي تم توجهها لموكلي مشعل وبأي تهمه اتصف !! والا سوف نطلب التعويض اتجااه ما اتهم به !!

<<<<<<<<<<< مشكله للي دارسين قانوووون !!

[*حامي الحيوان*]

بناءا على الاستدلاء الذي قدمة أنجل مان

دفاعا عن موكلة مشعل

يأجل الحكم الذي ورد بنصة

(( سحب جميع أسمااك مشعل ))

حتى نجااح عملية التفريخ بالفلور هورن

وأذا لم يتبع الارشادات والنصائح من بااقي الاعضاء

وثبتت علية فشل التجربة

فسوف ينفذ الحكم بحقه


<<< رفعت الجلسة >>>

[IMG][/IMG]

.
.
.

[oO مشــعل Oo]

هههههههههههههههههههه لا لا حرام والله ظلم


اولا بو عبد الكريم انت عزيز وغالي والموضوع مجرد نقاش لم يكن احراج

فوالله ان الهدف انني اجهز الزوج للتفريخ وكنت اطلب نصائحك وتوجيهاتك ولكن اسلوبك بالرد كان مختصر جدا وانا مثل ماقلتلك طماع بالمعلومات خصوصن من الناس الخبره مثلك وشرواك فلم اقصد ان احرجك ابدا فانت لك خبرتك وانا اعلم هذا وارجع لأول مشاركه لك في موضوع الفلاور فانا رحبت بك وقلت انك من اهم مربين الفلاور بالكويت وملك الفلاور وهذا ماعرفته عنك وذكرت اسم احدى اسماكك وهو ابو صماخ لانني متابع لك دون علمك


ثانيا اشكر المحامي فديت قلبه لايق عليه الروب الزهري هههههه ماكل من اكل الفلاور وتغير لون الروب


واشكر الغالي الامبراطور والهروب مو لي ياغالي بس نمت على الكيبورد من التعب

وحاظر ادافع عن نفسي بالصور بس اي حوض تبي اصور عندي ثلاث احواض تجهيز للتفريخ فلاور +ريد باروت وفلاور +ريد تكساس وفلاور+فلاور

وسبق اني طرحت الاثنين الاولين خلني اطرحلك الفلاور بالفلاور خصوصن انه عزيز على قلبي ومهتم جدا في تفريخه وبعت اخوه من شهرين وتحسفت الله يررزق الي شراه

هذا الجوز الي نتكلم عنه






واشكر حامي على سحب اسماكي خلهم عندك ودي اسافر كم يوم وماني قادر عشانهم هههههه

الله الله بالتغذيه وتغيير المويه وتقليب الجرش لا اوصيك ياحامي


اخيرا ابو عبد الكريم والله مالك حق بمداخلتك الاخيره

لازم تعرف انك عزيز وغالي علينا

وهذا مجرد نقاش ولم يحدث مايغضبك

والنقاش كان بحدود الادب والاحترام

واذا حدث مني ما اغضبك انا اتقدملك بالاعتذار لاننا لا نريد ان نخسرك

واوعدك انني ما ادخل في اي نقاش اخر معك المهم ترضى وتبقى مع الاخوان