عندك مشكله في الكمبيوتر .. ادخل واطرحها

[timber]

الله يعطيك الف الف الف عافية اخوي q8 sailer ما قصرت مع اخوانا وان شاء الله في ميزان حسناتك ..تحياتي

[timber]

المشاركة الأصلية كتبت بواسطة sakura-san

الاب تووب احيانا يسير حار مره لدرج محد يقدر يمسك اظرافه وينقفل لوحده بعد سخونه ومن اجي اشغله ما يشتغل لاذم استنه ساعه واشغله ايش سبب

اخوي جهازك فيه مشكله في المروحة حق البروسيسر

لازم تغير المروحه حق الجهاز وهي رخيصه موب غاليه

بس لو واصلت في استعمال الجهاز بها الطريقه راح يخرب عليك المعالج وحقه غالي

فاحسن لك تلحق نفسك وتودي الجهاز للمحل وتغير المروحه حق المعالج...تحياتي

[Q8 Sailer]

المشاركة الأصلية كتبت بواسطة timber

الله يعطيك الف الف الف عافية اخوي q8 sailer ما قصرت مع اخوانا وان شاء الله في ميزان حسناتك ..تحياتي

الله يعافيك ياخوي الكريم حبيبي وانت ما قصرت بعد ساعدتني والله يجزاك خير وجعله ان شاءالله ربنا في ميزان حسناتنا

[Q8 Sailer]

المشاركة الأصلية كتبت بواسطة timber

اخوي جهازك فيه مشكله في المروحة حق البروسيسر

لازم تغير المروحه حق الجهاز وهي رخيصه موب غاليه

بس لو واصلت في استعمال الجهاز بها الطريقه راح يخرب عليك المعالج وحقه غالي

فاحسن لك تلحق نفسك وتودي الجهاز للمحل وتغير المروحه حق المعالج...تحياتي

نعم اخوي انا معاك ...

انصحك تودي اللابتوب لأقرب محل ويبدل لك مروحة البروسيسر وما انصحك تستخدم اللابتوب حتى لا يحترق البورد أو تحترق أي قطعه داخل البورد مال اللابتوب ...

اخوي الكريم ان كنت تحط اللابتوب على ارضيه أو مكان يكون تحته خام ناعمه أو يكون مجسم ناعم .. مثلا تحطه على مخده أو سرير ... فانتبه اهني تكمل المشكله .. لما تحط اللابتوب على هذه الاماكن المروحه ما تقدر تسحب هواء وتدخل على البورد وفي هذي الحاله راح تخترب المروحه والبورد راح يصير حار وتصير مثل المشكله اللي انت فيها .. فأضل شيء انك تحط اللابتوب على ارضيه أو مكان يكون سطحي وصلب...

واسف على الاطاله

واشكرك ياخوي الكريم تايمبر على المساعده

[اختها]

عدنا هيهيهي

واللهي لا اعلمُ ما العلهُ .. مره اختي والحين انا

نظام التشغيل : فيستا
طالع عندي مثلث اصفر على ايقونه الواير لس
المشكله : لا يتشغلُ كااع

[Q8 Sailer]

هههههههه نخلص من لابتوب اختج يجي لابتوبج

المهم جربي هذي الطريقه وان ما صارت ان شاءالله اعطيج حل ثاني ..

روحي حق ايقونة الوايرلس وضغطي عليها كليك يمين واختاري Repair

وانتظري حتى يخلص شغله ..

وان ما صار ان شاءالله في طرق ثانيه وكثيره لحلها

[اختها]

اي والله .. جفت شلون سخريه القدر

اسوي "Repair" ساعات يصير وساعاتٌ كـلا

واليوم الصبح مللـني كل شوي ويقطع "ولا علامه ظاهره على الايقونه" O_o

[Q8 Sailer]

تم ارسال الحل مره اخرى )

[$$modi$$]

سلام

انا عندي مشكله في اللابتوب بسبب اخوي

اخوي محه الوندوز الأصلي

و الحين خله وندوز مو اصلي فكل ربع ساعه او نص ساعه يتبند اللابتوب فالحين شنو اسوي

لازم اروح الوكاله و اخليهم يسوونه او في احد عنده الوندوز الأصلي و يعطيني؟؟

او في حل احسن؟؟

لأنه اذا بوديه الوكاله غالي

[Q8 Sailer]

اخوي .. حلك بسيط جدا باذن الرحمن سبحانه

اخوي شوف تحت اللابتوب (يعني اقلب اللابتوب) راح تشوف في مثل صوره مكتوب عليها Product key ويمها في سيريال .. أو مثل ارقام متسلسله بتكون واضحه .. واهي عباره عن سيريال نسخة الويندوز الاصلي الخاص حق لابتوبك ..

وعن طريقه تقدر تسوي فورمات للويندوز ولما يطلب منك ادخال السيريال .. ادخل السيريال اللي موجود اسفل اللابتوب ..

وان كان ماعندك سي دي الويندوز الخاص لإعادة التثبيت .. راسلني وان شاءالله بعلمك طريقه علشان تخلي الويندوز اصلي

لكن بالاول قولي انت شنو عندك نظام الويندوز ؟ اكس بي ام فيستا ؟؟