اشترك في نشرتنا البريدية ليصلك كل جديد

a7medeno · 22-03-2009, 10:36 PM

السلام عليكم ورحمة الله

منتداي الغالي
خبراء الكاسكو

انا مادري ليش جذي

احب الكاسكو حب جنوني
كللش مو متوفق ولا في كاسكو خذيته

الكاسكو الاولي وريتكم صوره وضل عندي وبعدين انسرق
وجبت واحد ثاني
يتكلم ويصافر بس بدون ريش
رشيته بدوا مال خيول عشان لايحك جسمه
ومات في نفس يوم الللي رشيته

والحين عندي كاسكو

مادري جوفوه
احسه كلله دايخ
مادري لاتقولو لي بيموت
لان صار له سبع شهور الحين عندنا تقريبا
سبع شهور وهو شكله جذي
كلله جنه نايم وبيغمض عينه
جوفوه وقولو لي جم عمره بعد
ويعطيكم العافية
وعطوني حل عشان اخليه يصير نشيط
////

وتحياتي

~~~. بائع الافريقي .~~~ · 22-03-2009, 10:53 PM

والله طيورك تجاريه ميب اصليه اخوي

اذ1 تبي طيور حلوه وباسعار تناسبك راسلني عالخاص

سماوي الجبه · 22-03-2009, 11:00 PM

الله يخليه لك، بس لو سمحت تغير له الماء بشكل يومي ، واحس انا سبب خموله وذبول عينه هو قذاره الماء والعلم عند الله، حط له فيتامينات عاديه جدا ويفضل تنوع له في الفواكه وبس، وبعدين قول لي اش بيصير معاك ، بتوفيق،

سكر · 23-03-2009, 04:33 AM

اذا له 7 شهور وهو بهذا الشكل أجل وحدة من الثنتين

يا انه مصاب بإلتهاب أو فايرس في عينه ويحتاج علاج

أو انه صيني وتعرف الصينين عيونهم كذا مغمضه

أمزح معاك, بس بسألك كم جلس عندك بعد ما شريته وبعدين ظهرت هذي المشكلة فيه؟

ع العموم روح لأي صيدليه واطلب منه فيتامينات وأملاح مخصصه للببغاء.
خصوصاً الكالسيوم, وعرضه لأشعة الشمس كل يوم.

تحياتي

الخبراء · 23-03-2009, 01:07 PM

طلعه لا الشمس الين يتفل العافيه
انا اذا طلعت اي طير عند تعبان با الشمس يتنشط