باركولي
السلام عليكم
رجعتلكم دي المرا وعندي أخبار حلوة
الحمدلله وأخيراً الزوج اللي عندي وضع بيض وأنا كتيرر مبسوطه
بس صارت معايا كم مشكله وبإذن الله اللقى حلول عندكم زي ماتعودت
1- أنا سويت زي ماقريت في المنتدى وفرت الجو المناسب للزوج
من نظافة وهدوء وعش مناسب وركبتو جوا القفص بس لقيت مشكلة في متابعة البيض
2- البيض صارلو حوالي 23 يوم ومافقس مع أني أسمع صوت حركة من العش
مع وجود الزوج برا العش !
هدا بالنسبة للزوج
عندي أنثى فصلتها لوحدها عساس باقي صغيرة كانت مع زوج قبل بس تنضرب
وكنت خايفه عليها وهدا السبب اللي خلاني أعزلها
بس تفاجأت من يومين بيضه في أرضية القفص وحطيتلها عش ودخلت البيضه فيه
واليوم تفاجأت ببيضه تانيه !
1- المشكلة العش مومناسب ماركبتو
وكمان الأرضية حق العش مافيه حفرة للبيض ولا عندي نشارة
والبيض يدحرج في العش ياليت لوعندكم حل بدون نشارة أنا اللقى صعوبة في توفير المواد
أهلي موحابين وجود حيوان في البيت وطلبات على الطالع والنازل
قريت مرا إنو قشر الحبوب ينفع يكون بديل بس ماعرف صحيح
|