بليز جاوبوني

[Big_Cats_Lover]

,
,
,


أختي " جيسيكا " ،،

أنا بكلمك عن تجربتي مع قطوتي جيسيكا ..

في أول مرة طلبت فيها التزاوج .. حبيت ادورلها على دكر يكون في البيت عندي او عند اي أحد ..

وعلى ما لقيت الذكر .. كانت وقفت ... وكلها 3 أسابيع ورجعت تطلب تاني ..

هيا طلبت ليلة الثلاثاء .. وانا كنت جدا مشغول .. يوم ما فضيت كان يوم الخميس .. وديتها محل لاني إستحرمت افوت هادي الدورة كمان ..

جلست رافضة الذكر لين يوم الجمعة .. وضرب وتشميخ وخوف وحالة .. طبعا انا فقدت الامل إنها تحمل ..

ولا الهندي يكلمني ويقول " أيواا في تلقيح في تلقيح .. ومررة فرحان الاخ " << هوا ما قال تلقيح .. بس حفاظاً على أداب المنتدى ..

طبعا انا على طول رحت المحل اشوفهم .. لقيتهم سمنة على عسل ..

تركتها ليوم الاحد بالليل .. ورحت أخدها ..

بعد 3 اسابيع وانا بلاعبها .. لقيت حلماتها منتفخة ..

وبعد 60 يوم من اول تلقيحة .. جابت أحلى 4 قطط في العالم ..

أسف على قصة حياتي إلي فوق دي .. بس إنتي قولتي " ومين صارت معاه هالحركه؟ "

وكمان هادا يعتمد على قطتك .. ونوعها .. يعني لو كانت مهجنة .. ممكن تجلس الـ 10 أيام حقت دورة الشبق شغالة وومكن تحمل ..

وهيا إن شاء الله محتاجة تتأقلم مع الذكر .. وإن شاء الله يصير حمل .. وتشوفي عيالها قريب يارب ..

أخوكي ،،

,
,
,

[آنـــــو]

^
^
وأنا بعد بتكلم عن تجربتي ماحد أحسن من أحد

مي توو قطوتي حملت على أخرر أيام طلبها يعني بعد اليوم الرابع بعد محاولات كثيره فاشله

وبعد مافقدت الأمل فيها .. تلقحت مره وحده وحملت ..

هم يقولون نسبة الحمل تكون أكبرر في أول ثالث أيام .. لكن يصير حمل بنسبه ضئيله على أخر الأيام

وهو بالنهايه لو مكتوب لها تحمل ،، بتحمل من أول يوم أو أخر يوم

أو حتى من تلقيحه وحده مثل قطوتي ..

وبالتووفيق ..