فرخي غير نظيف .......!

[بشورة]

انا كانت عندي هاي المشكلة وكان الأكل ملزق على منقاره وعلى الريش اللي حوله بشكل مش طبيعي ... بقدر اقول كان متحجر

رح احكيلك الطريقة اللي عملتها بس بتحتاج نمك شويه جهد وصبر ... وما فش فيها ولا حتة وجع للفرخ وما في نتف ريش..

اول اشي بتجيب صحن فيه ماء دافي .. مو ساخن !! ولا بارد .. تكون مدفيه شوي عالغاز بشكل ازا حطيت اصبعك فيه ما يحرقك وما يكون ساخن عليه ... وثاني اشي بتجيب قماشة نظيفة .. يعني تقريبا بشكير صغير بينفع
بلل القماشة بالما الدافء وما تعصرها .. وبعدها بتحط القماشة على الأماكن اللي عليها اكل ملزق.. امسك الفرخ منيح لإنو رح يحاول يهرب

وكل شوي بترجع تبللها وتحطها على المكان اللي عليه الأكل الناشف .. احرص انو ما تحطها على انفه او عيونة بالمرة

وبعد فترة يمكن ربع ساعة رح تلاقي انو الاكل الناشف "بالنسبة الي كان متحجر" صار طري وفي منه لحاله بيطلع بمسحة خفيفة .. والباقي بتضل تبلله لحد ما كله يصير طري وبسهولة بتقدر تشيله .. وبيرجع الفرخ نظيف وكأن شيئا لم يكن ^__^

بس احرص انو ما يتعرض لتيار هواء او برودة بالمرة بلاش يمرض .. وبنصح انو بعد ما تخلص ترجعه على العلبة اللي هو فيها او القفص اللي هو فيه لحد ما ينشف الماء عنه تماما