يوميات هامسترات وارانب الاعضاء!!

[الفراشـــــة]

عن جد جناااااااااااااااان ..

انا شاركت مشاركة وحدة و تعبت ..

كلمتكم عن عزيزتي همتورة الغندورة ..

أحس نفسي قلت كل شيء ..

بس بتكلم الحين عن ..

همسترين صغار ذكر و نثية شريتهم ..

سميت الذكر سنوبي و النثية سالي

و بتكلم عن سنووبي ..

هاي

انا سنووووووووووبي

اول ما شرتني صاحبتي كانت تطالعني بطريقة و ساعات تمسك ذيلي عشان بس تتاكد

إني مو فأر مقطوعة ذيلي و كانت تشك لدرجة .. ما عجبتهااااااا انا بصراحة .. حبت سالي ..

بس سالي كانت معاها واجد شيطانة و كل تنط من ايدها ( حتى احنا قمنا نشك ان سالي عمية )

لأنها ساعات تنط من ارتفاعات بدون أي تأني !

انااااااا بصراحة من اول ما خذتني كنت موت هادئ و طيب لا أعض و لا أهرب و لا حتى أتحرك لما

تشيلني .. و في نفس الوقت كانت تقول عني اني خفيييييييييف و نحيف و كانت تبي تسمني

بأي طريقة .. كانت في الأكل تبدأ فيني دايما رغبة في زيادة وزني .. بصراحة ما كانت تدلعني

كانت دايما تدلع همتورة همسترتها القديمة و همتارو زوجها .. و سااااااااالي .. بس آنا ما تحب

تدلعني بس عشان شكلي ( تقول عيوني صغار و ما يعجبها شكلي ) .. عن جد آنا أتألم ..

ذنبي على جنبي .. إيش ذنبي لو كان شكلي مو مرغوب ؟ أنا و الله أحس روحي مهمول و احسها

صج ما تحبني و ما تبيني اهئ اهئ اهئ و كأنها تتثقل مني و ودها تستبدلني بهمستر غيري

لو أتيحت ليها الفرصة ..

أتمنى اكون امتعتكم ..

تحياتي لكم