اشتريت اصله ملكي ولا اكلت

[كوبرا]

والله هذي مشكلة
للاسف 80 الى 90 % من الاصلات الملكية الي تكون مصيودة من البرية ماتاكل
والله يعينك
لكن ماعندك الى طريقة وحدة وهي التغذية الاجبارية واعتقد اني تكلمت عنها قبل كذا

[Ghoroub]

حاول ترجع للي أخذتها منه وتحاول تخليه يوريك كيف يأكلها (مدري الصراحة عن خبرتك في الثعابين)
ممكن تجرب تعطيها حمام بماي دافي (مو حار) وتتركها شوي تتسبح وجففها ورجعها حوضها وجرب بعد ساعتين ثلاث
ممكن تكون خايفة منك انت مو من الفريسة حاول تخفف الإضاءة وتترك الغرفة لفترة وترجع تشوف وش صار

طمننا عليه أكل ولا لأ
(من وين أخذته إذا ممكن أسأل)

[ماجد الغامدي]

اخذته من الامارات وانا من اهل الدمام والصراحه ماعندي خبره في الثعابين وانا خايف تموت لها ثلاث اسابيع من شريتها والى اخذتها من عنده يقول انها اكلت فار قبل لا اشتريها بيوم ولا ادري مدى مصداقيته وفي ناس قال لي انه في الشتا مايأكل يكون في سبات ولكن لا ادري هل فعلا في الشتاء مأيكل وانا والله ما ادري كيف الحل بجرب طريقتك وبشوف .

[عاشق الحيوانات]

تفضل بزيارة هذا الرابط

http://www.2zoo.com/vb/showthread.php?t=14966

[Naja]

المشاركة الأصلية كتبت بواسطة Ghoroub

ممكن تكون خايفة منك انت مو من الفريسة حاول تخفف الإضاءة وتترك الغرفة لفترة

لابد تحاول قدر الامكان توفر لها العناصر الموجودة في بيئتها عشان تاكل ، وانا أقصد مستقبلا ، و حاليا جرب طريقة غروب المذكورة بالاعلى أو بالتغذية الاجبارية في اسوأ الحالات و اللي تكون مجدية غالبا...

راجع الرسائل الخاصة، ولا تنسى تتابع معنا وتقرأ مواضيع قسم الزواحف