تجربتي الجديده مع ( التراب الخاص بالقطط ) ^_^

[آنـــــو]

مراحب مومو قلبو

ولله مآكذب عليك لو آقولك عندي كيس للكرستال من 4 سنين والكيس من كثر ماهو قديم

وآثري بأي لمسه يتشقق ومتيبته من كل صوب

تووي قبل يومين آخر الليل خلصته ,, لأن توماس كان مخلص من عندي والوقت متأخر وحطيت لهم الكرستال الباقي منه

الى حين آشتري لهم التوماس ومثل ماتقولين ماآستخدمه الا للضروره ودعت الحاجه

آستخدمت شويه منه زماان لكن كان كم ساعه لأن برضو كان وقتها ماعندي رمل ..

لكن هاليومين كانت تجربتي له حقيقه ,, البول مثل ماقلتي يتحول الى لون آصفر والفضلات الصلبه نشيلها يومياً

الشي اللي لاحظته وآنبهرت فيه ,, هو نتائجه مع بول قطوي !!

لأنه من الذكور اللي مايرشون ويطلع ريحته الشنيعه في الليتر وكنت آعااااني وآنصرع كل مره آنظف الرمل من قريب

مهما كانت نوعيته توماس/لينغ يان/فريشن آيزي ..

بس آمس لما كنت آشيل الفضلات الصلبه وآحرك الكرستال ماطلعت لي ذرررة ريحه من ريحته !!!

ولما رحت للبوكس الثاني اللي حطيت فيه توماس لما شريت كيس جديد طلعت لي روايح حدث ولاحرج

فـ فرق شاااسع بينهم مررره عجبني وفكرت آستعمله على طول لقطاوتي ممتاز بالأمتصاص وعزل الروايح

ولونه منعش للنظر مثل ماقلتي ^^ ,, حتى ماياخذ وقت بالتنظيف

ومن قبل شوي قلت بجرب قوة آمتصاصه لأن خفت يوسخ قطاوتي لبست قفاز وخذيت كرستاله متشبعه

وفركتها بأصابعي ماطلع شي آبداً والقفاز ظل ناااشف ,, فمره ممتاز وآمتصاصه لايُعلى عليه


آسفين عـ الآطاله ,, ومشكوره على طرح تجربتك
.
.