سوالف الرعب التي حدثت مع الاعضاء::موضوع حماســيــ::

[ناصـر]

عندكم هالقصــة .!!

حصلت لنا في عيد الضحيــة
كان عددنا حدود 8 شباب فقط

وخططنا أنا طلع نخيم ونذبح الذبايح
ونعزم العوائـل لـ هالمُخيم

إستأجرنا الخيام وعددها ثلاثـة إخيام
واثنتيـن كبار ووحـده مُتوسطـة الحجم .!!

قومنا الخيام وشدينا الاوتاد
وضبطنا كل أمورنا ..

الآن وقت المغرب وجايبيـن معانا
أنواع الالعاب لتسليـة والترفيـه

من بلايستيشن ومنابولي
والورق وكرة قدم

وللعلم صباح اليوم الجايّ
هو أول ايام العيـد الضحيـة

ولعنا الحطب وجلسنا حولها
وسوالف وضحك وثم بدينا نحكيّ عن الجن .!!

وكلن يروي له قصـة صارت معاه
أو سمعها ..

بدأت النار يقلّ مدى حرارتها
وللأسف وقعنا بـ خطأ أننا مالمينا حطب كثير

ولا باكر وصينا سيارة مليئـة بالحطب
تسمى ( حملـة ) ..

لكن الآن لازم اثنين أو العدد اللي يكفيّ
يجمع حطب ..

الحين قمنا أنا والشباب عددنا
اربعـة ندور على حطب ومعنا كشافات .!!

كلن راح جهه وأنا قمت أجمع
وأبعد ولا بخاطريّ شيء عادي جداً

الآن الخيمـة اللي هم حولها
الشباب اللي قعدوا عند النار

بعدها حدود 200 متر تقريباً
سمعت صوت عاليّ واحد من العيال

يناديني ناصر تعال
طبعاً رجعت ولاقيتهم

والحطب اللي معايّ
استغربوا رجوعي بسرعـة

قلت من ناداني وشفيه .!!
كلهم ضحكوا ياخوواف ياخواف

ليش رجعت ، يظنون أني أكذب
وأبي ارجع وأنا صادق بكلامي

قلت ياعيال والله مانيب خواف
فيه واحد منكم ناداني

وقمت اقسم لهم
وهم كذلك يقسمون ليّ ..

قلت لهم يجوز أنا صادق
وأنتم صادقين

اقتنعنا بصدق بعضنا
والشباب الباقيـن الثلاثـة

توهم عودوا بالحطب
وحكينا لهم السالفـة

وكذبونا يحسبون أننا نبيّ نخوفهم
وكذلك قمنا وحلفنا واقسمنا

زدنا النار بالحطب وبدأ في نظراتنا
للظلام المُحيط لنا بنوع من الجزع والرعب

لأن تأكدنا أن الوضع مهوب طبيعي
بعد ما بدينا نسولف وبدأ وضعنا

يرجع لطبيعي وبدينا نحس بالطمأنينـة
أخذ منا التعب والارهاق مأخذه

لأن من الساعـة 6 الصباح
وحنا نشتغل بهالخيام ونضبط الجلسة

دخلنا الخيمـة الكبيـرة مستعدين للاسترخاء
والنوم ، اخذوا الشباب صفيـن رجول بعضهم متقابله

أنا وثامر ولد عمتي طلعنا من الخيمة
وجلسنا عند النار لأنه يبي يدخن ولا يبي يزعج الشباب

في الخيمـة وبادر عليه أنه خايف
يجلس لحاله وخذاني معاه

قاعد يحرق في ذا الزقارة
وأنا من التعب مستلقي على ظهري

وناظر النجوم وأتأمل فيها
والنوم ياخذني لـ غطه وارجع أصحى

لين ثامر تركني حسبي الله عليه
وراح ينام وأعتقد ان النوم خذ وقت مني

واقوم بسرعـة ودخل على الشباب
لين هم نايميـن بسابع نومه

وشخيرهم يسمعه البعيد : )
اخذت لي بطانيـة وانسدحت

وأحاول النوم ماقدرت مع أني تعبان
وهلكان بس سبحان الله ماجاني

والهواجيس تلعب برأسي والوسوسـة
تأخذ مجراها لترهيب الواحد

كدت أني خلاص اغمض عيوني
لـ النوم اسمع صوت ماء ينصب على النار

ششششش :/

خذيت الكشاف وقمت اتفقد الشباب
لين كلهم كامليــن

الآن تأكد أن الوضع ماهوب لعب صغار
فيه لعب اعصاب ..

قمت اتعوذ من الشيطان
وأقوم ثامر وكالعادة ثامر مُستحيل

أحد يصحيـه من نومــه
خاصـة ً اذا كان مُرهق وتعبان

وكذلك الشباب
حطيت رأسي لنوم مره ثانيـة

مر وقت يقارب الربع ساعة
الا أني دخلت في النوم والحمدلله

الآن الجميع نايميـن
الا طح طح وووف وطيح الخيمـة

والعامود يطيح على رجولي
وكلن يقوم من هالحركة

وأنا انواع الاصوات المُصدرة عن الم للـ آآهـــ
والشباب يحاولون يرفعون غطاء الخيمة

اللي على روسنا



وطبعاً الشباب السؤال الكلّ طارحه
ماعاد أنا اللي أصارع الالم

وش فيه وش فيـه

قاموا كلهم ورفعوا هالغطاء
وأنا ابعدت هالعامود ..

وطلعنا من الخيمة الطايحـة
ووجيهنا مليئـة بتعابير الرعب وماصاحبـه

الغريب وقت خروجنا بعد سقوط الخيمة
ان مافيـه رياح بتاتاً تسبب سقوط الخيمة


اشعلنا النار المطفيـــة
وعلمتهم بالموقف اللي حصل لي أثناء نومهم

وتأكدنا بل جزمنا أنه فعل الجنانوه
والحمدلله معنا مُصحف وقمنا نقرأ القُـرآن

ونتعوذ والاجواء بدت هادئــة
الى الفجر وصلينا الفجر

ويوم أصبح الصباح شلنا الخيام كله

ونقلنا لمكان ثانيّ بعيد عن هالمكان
وبعدها عيدنا على بعضنا

ورجعنا مثل حالنا وأحسن


قد تكون ماهيب إحداث قويـة
لكن مُعايشتها حين ذاك

قوي جداً : )

..