هنا فيه عدة أسأله لافضل محل حيوانات ولافضل اكل للقطط ...الخ

[مدمنة قطط]

باسم الله ابد:

- أفضل محل حيوانات بالرياض او اي مكان موجود فيه من ناحية الاسعار ومعامله وكل شي؟؟
انا جتني( نانسي ) هديه الله يحفظها لي واحلى هديه جتني لهالحين ولله الحمد بس يقول ابونا انه شراها من محل يبيعونهم فيه وراعيها كان محتاج عشان كذا اضطر يبيعها المسكينه والحمدلله انها كتبت لنا احنا بالنسبه لشكلها ونوعها يعني ثمنها جدا مغري مااقول ثمنها رخيص لانها غاليه عندي

- أفضل دكتور بيطري بالرياض وغيره وتقولون لنا ليش ؟
افضل دكتور شفته لحد الان هو سوري الجنسيه لانه مثلا كنا مسافرين ندق عليه جوال ونوصف له حالتها اذا كانت تعبانه وهو يعلمنا شنو الادويه اللي نشتري لها يعني مهتم جدا بمرضاه وعاد اذا وديناها له يكشف عليها كلها من والى


-افضل تراب للحمام القطط ولو حصل تكتبون اسمه بالانجليزي وتحطون صورته يكون افضل للجميع؟
احنا نشتري لها تراب لونه ابيض ماادري من وين يتريه الهندي حقنا بس نغيره كل يومين او مرات نغيره يوميا على حسب حمامهاعشان تتعرد عليه لاننا نسافر كثير وهي معنا وبعض المناطق مافيها اتربه خاصه لهم

4-افضل اكلات للقطط الصغير والبالغه وتحسين قطك يحبها ؟ من معلبات وبسكوت وغيرها؟؟
اللا كل اللي تموت فيه قطيوتي هو كتيكات بس هي تبغاه يكون اكلها الرئيسي ودكتورها يقول لازم يكون بس مثل التحليه يعني تحلي به بس اكلها الرئيسي هو:whiskas الدجاج الشهي ماتحب اللحم ولا الاسماك بس تبع الدجاج.

5- أفضل احتياجات للقطط من :

فرشاة الشعر:فيه فرشاة غير اللي فالصوره خاصه بالقطط

عطر:مااحط لها عطر لان تبع الانسان يقولون انه يخنقهم ويموتون الله يحفظهم بس الخاص بالحيوانات ما اعرف وين يبيعونه اتمنى استفيد من باقي الاعضاء بالنسبه للعطر

بودرة:بعد مااعرف وين اشتريها منه بشرط تكون خاصه بالقطط اتمنى يفيدونابهالخصوص

العاب:في كور صغير ه وخفيفه جدا يموتون فيها القطاوه انا شاريه لها درزن لانها على طول تضييعهن اظنها تلعب بهم وتوزيهم لاني كل فتره احصل وحده


فرشاة اسنان:بعد مااعرف وين احصلها فيه وهل يجي معها معجون اسنان خاص بهم؟وكيف افرش لها سنونها؟ يعني طريقة تفريش سنونهم كيف تكون؟نبغى التوضيح خطوه خطوه

شامبو:احسن شئ هو شامبو نيوزيرال بس نانسي اظنه نعم شعرها واااجد وغيرته بشامبو اسمه:flea&tick _for cats لما اسبحها به ريحها يصير كانني حاطه لها بودره اطفال تجننننننن الريحه وتجلس فيها يومين انصح به الجميع هو لونه اخضر.

سلسال حول العنق :للاسف ماحصلت الا شكل واحد احمر وفيه اسود بس وشيته لها بس ودي ااخذلها انواع واشكال اصير اغير لها كل مره .
عندي سؤال اخر بالسبه لملابسهم وين يبيعونهم في الرياض؟