ابي اعرف وش معنى الي صار معاي انا وكلبتي

[Nona999]

وعليكم السلام ورحمه الله وبركاته ..

اخوي شي طبيعي اللي سوته فيك لان الكلبه ..

اولا ~> كبيره ,,, ثانيا ~> ما امداها تتعود عليك ..

وهذي ضريبة اللي يشتري كلب كبير ,, لذلك دائما ننصح ونفضل ان اي شخص يشتري جرو ويدربه ويربيه على اللي يبيه..

واخوي دائم حاول انك تعرف شخصيه كلبك وتعرف نباحها هل هي تنبح قصدها تبي تلعب ~> لان بعض الكلاب اذا شافت صاحبها تقعد تنبح وتركض تكون مبسوطه بشوفته ..

او هل هي تنبح بشراسه مثل نباحها على اي شخص غريب ..

واخوي اكبر اكبر غلط انك تضربها كذا تكسر شخصيتها وتكون مااستفدت شي وانتبه تضربها لان ممكن تعضك او تهجم عليك وبذي الساعه مين بيساعدك ..؟!

والكلبه من تصرفها مبين انها حارسه ممتازه ~> لانها على طول قامت تنابح وتنبه اهل البيت ان فيه شخص دخل منطقتها الجديده ,, وانها متدربه طاعه كويس ~> لانك يوم ضربتها ماهجمت عليك ولا عضتك ولا لو غيرها مو متدرب كان الله العالم ايش عمل فيك ..

شخصيه الكلبه حلوه حرام تكسر شخصيتها وتدريبها ..

ومثل ماقال اخوي سعود الكلبه خايفه منك وتحاول انها تتقرب وتتودد بس انت تعاملها العكس..

يفضل انك تقضي وقت اطول معها عشان تتعرف عليك وتحبك ..

وفـ حال ان الموقف تكرر فـ يوم من الايام رجعت للبيت وعملت هذا الشي مرا ثانيه ..

حاول انك تثبت بمكان ولا تتكلم ولا حرف وطالعها بـ ابتسامه خفيفه عشان تدري ان الوضع عادي عندك بشرط ماتخاف عشان ماتدري انك خايف وتسيطر على الوضع وهي من تلقاء نفسها راح تهدى وتطالع فيك اذا هدت شوي نادها بـ اسمها بصوت هادي وعادي واذا حسيت انها هدت مرا مد يدك لها و هي راح تقرب منك مسح عليها وخلها تشمك عشان تعرفك.. لانك لو مشيت او ركضت ممكن تلحقك و تهجم عليك او انك تقوم وتضربها مره ثانيه وهذا اكبر خطأ لانك تكسر شخصيتها او ممكن تحقد عليك..

والمشكله اللي حصلت لك حصلت للناس اللي تقول الكلاب تغدر و مو وفيه لانهم ماعرفو يتعاملو معها ..

وموفق اخوي