تجربتي الاولى في تربية الكروان + بعض الاسئلة عن الجناح

[واي واي]

يعطيك العافيه وشاكرين أستشاتك ودخولك معنا هنا في قبيلة توزو وفي أسرة الكروان المتواضعه حياك وبياك معنا
طبعآ أخوي الطائر الغامض ماقصر والطريقه الأولى هي الأحسن كما ذكر لك
وقد حصلت لي نفس طريقتك أشتريت طير وايت قيس بأعتقادي أنه أنثى لانه شكله كله سلفر حتى الوجه والي شريته منه قالي أنثى يبغى يمشي الطير علي عاد أنا كنت أدور أنثى ويت فيس وكان ذاك الوقت شحيح في السوق المهم خذت الطير وكنت حاط الطيور كلها بقفص واحد مع بعض الى أني تفاجئت بأن الطير مايطير جناحه مقصوص وملعوب بحياته وصاير وجهه رصاصي من النفسيه عزلت الطير عن الطيور وقمت أخليه بقفص لحاله وقمت أغذيه وأفتمن فيه الى مدة ستة أشهر وكن أعطيه الذره وصفار البيض وخبز صامولي وهاذي قالي عنها أبويا
الى انه الطير صار أكبر طير من الطيور الي عندي ورجع وجهه نفي الوايت فيس ابيض ورصاصي وصار من أقوى الطيور عندي حجمه جامبو ومع كذا كان أذا ركب الأنثى ماتقعد يومين الى ميته حتى أنه تعبني وقمت وبعته بسعر طبعآ خيالي والسبب أنه الي أشتراه شافوه كيف كان يلقح والأنثى الضعيفه كانت تموت بعديومين لأن تلقيحو صعب عليها ماعليك الى الصبر بس والله الله بالتغذيه العدله