اريد معرفة اذا كانت جراء الجيرمن شيبرد هذة اصلية

[dahy]

بص يا ريس
الكلاب دي بنقول عليها في مصر عرق بلدي او عصب بلدي
لان الكلاب دي مش بيور
اما بالنسبه للجراوي فانا شايف ان جسمهم مش هايزيد عن جسم الاب والام كتير وانت شوفت الاب والام
اما بالنسبه للالوان البيضه اللي فيهم
فده حصل قبل كدا مع واحد صاحبي كان عنده خلفه بلجيم شيبرد الاب والام سود تماما
وجاله في وسط الكلاب كلاب فيها ابيض كتير جدا وواحد منهم ابيض خالص
ولما سالنا الناس اللي كنا اخدنا منهم الاب والام قاله ان في اصلهم في عرق قديم لسيبرين هاسكي
فانا ما انصحكش انك تشتري الكلاب دي نهائي لانهم هايفضلو هجين مهما كبرو ومهما زادو الا لو كان واحد منهم عجبك لان الكلب مش بسعره ولا باصله الكلب باللي انت تحبه
انا كان عندي كلبين نتايه جيرمن شيبرد وذكر بلجيم شيبرد
انا بعت النتايه بالرغم من انها كانت مواصفات شامبين بمعني الكلمه لكن ما كنتش بحبها رغم انها مواصفاتها احسن من البلجيم اللي عندي بس عجبني وحبيته اكتر منها
اما بالنسبه للجراوي دي لو انت كنت في مصر كنت جبتهملك كلهم علي 5 دولار$$$وكمان باين ان الجراوي مش كويسه هما مايبنش عليهم في السن ده بس ابسط حاجه ديل الكلاب اللي في الصوره وحش قوي زي الاب والام
ما انصحكش بيهم وبالنسبه للبوكسر لازم تورينا صورته علشان نحكم عليه
لكن انا قبل ما اشوفه ما انصحكش لان الراجل صاحب الكلاب دي غشاش وعايز يبعلك كلاب هجين وواضح انهم هجين جدا وبياكدلك انهم بيور
فمن الممكن لو البوكسر ده كويس جدا يكون في عيب مايقلكش عليه فانا بنصحك انك تفكك من الكلاب دي وتشوف حد تاني تشتري منه