رد: كيف اروض كروواني وطريقه العنايه به
بالرغم من معرفتي القليلة في تدريب الطيور واني اول مرة ادرب طائر في حياتي
الا اني اشتريت كوكاتيل ممتاز وذكي جداااااااا
خلال اربع ايام في البيت بقى يوقف على ايدي ويطلع من القفص ويوم ورا يوم بيتدرب اكتر وبقى يطير ويوقف على ايدي
بالنسبة للعناية .. اكل متنوع ومكان مناسب ومياة نظيفة
وبالنسبة للتدريب .. الكوكاتيل مش بيحب انه يتمسك كتير علشان كدا يفضل انك ماتمسكهوش .. حاول توقفه على ايدك داخل القفص ومع الوقت حاول لما تحس انه بقى كويس معاك تطلعه خارج القفص وتطيره في الغرفة وتلاعبه وتحطله الاكل في ايدك وياكل من ايدك
وياريت لو تقدر تطلعه كل يوم خارج القفص وتلعب معاه لانه بيحب اللعب جدا
ومع الوقت هتلاقيه بيحب يلعب معاك
وبالنسبة للعب بمجرد انك تحطه في اي مكان هيبدأ يلعب في الورق الموجود ويقطعه واي سلك مثل اسلاك الكمبيوتر يحب يلعب بيها وبيحب يشيل الاقلام بمنقاره ويرميها يعني بيلعب بأي حاجة
وبالنسبة للترويش (( الاستحمام )) .. ممكن تحطله طبق كبير وفيه مياة (( غير عميقة )) وهو يحمي نفسه بنفسه .. وممكن يكون ببخاخة مياة فيها ماء دافئ (( يكون الاستحمام خارج القفص علشان الصدأ )) وبعد الاستحمام حطه في الشمس علشان ينشف .. وماترشش عليه مياة كثيرة
بالتوفيق
|