انا جديدة واعترف اني مجرمة في حقة

[babysoul]

هلا وغلا بكل عضو في هذا المنتدى الشيق المفيد
اول شي بطرح موضوعي او اسمها مشكلتي او ينطلق عليها جريمتي وانشالله في احد يعلمني شلون اصلح غلطتي او جريمتي >>>>>>>
انا صراحه كأني كنت نايمة وصحيت
جاني هدية قبل 6 الى ثماني اشهر ماني ذاكرة بالضبط طائر كوكاتو روز او غالا وردي حلو حبيته
انا عايشة في شقه مع زوجي واطفالي 2 >>>>اللي ابي اوصله انه ضيق بس تقبلت الطير
وحاولت اهتم فيه لدرجة اني ماحطيته في قفص .............. ال شو ال مسكين مايستاهل احطه في قفص
اتاري الاخ >>>>(الطير) اكل سلك المكناسة الكهربا واكل سلك 3 او 4 مكاين وماني منتبهة ايش السالفة(مش مستوعبه ان هالشيء الرقيق يسوي هالحركات
بس انتبهت للسالفه وقت شريت لابتوب جديد ابل ماكنتوش مبسوووووطة اخر بسطة عليه وأصحا يوم من الايام على سلك الماكنتوش حق الشحن مقطع تقطيع ................
>>>طول الليل ينقنق ويقرمش فيه
بعد هالكارثة طبعا حقدت علية ورميته في قفص ولا طلعته..... لا وازيدكم من الشعر بيت
وقت الي اشغل تلفزيون يبدا يصارخ انا اطول على صوت التلفزيون وهو يطول على صوته
لا واذا كنت اكلم احد بالتيلفون يبدى يصارخ وانا اصوت وهو يصوت لدرجة اني اروح الغرفة واسكر الباب من ازعاجه وعنادته............
اخر شي لحته بالبلكونه عشان مايزعجني
تخيلو ضل في البلكونه الى ان وعيت وفضيت له ورق قلبي عليه
واستوعبت ان هذي غلطتي ماهي غلطته
المهم سويت شي اقبح يوم اللي بعدل غلطتي....
فتحت القفص الا هو صاروخ طاير يحوس في الشقه ..........
جيت بكل قسوة قصقصت ريشة >>ريش اجنحته وريش ذيله >>>>>ادري قاسية بس عليمية
وبتربي.....
المهم صرت اطلعه كل يوم والعبه شوي وارجعه القفص(من يومين يعني)
ولا ادري ليش قصقصت ريشه مسكين بس همجية >>>>
الحين ابي افتح صفحة جديدة معه علموني دلوني شلون
قريت في موضوع اني اقدر اعرف عمرة من الحلقة اللي في رجلة
ماعرفت
الحلقة مكتوب عليها 3ro7 j3

[شاهيـن]

قص الجناح بطريقة معقوله مافيها شي بس الذيل ليش؟؟
بس مادام يلعب معك و عادي انشالله انه مافيه شي جيبيله قفص كبير و حطيله ألعاب و خشب و أسلاك يعض فيها ولما يكون خارج القفص خلي عينك عليه

[vipaltear]

اذا مليتي منه وماتمبينه طرشيه لي على البحرين خهخهخ
طبعا الطير مايخلونه دائما على كيف كيفه يعني بالليل يفضل انه يكون في القفص وبالنهار تطلعينه
بااضافة الى قص الاجنحة تقدرين تقصين اجنحته بطريقة سليمه بحيث تحافظين على اناقة الطير
وماله داعي تقصي ذيله وبلا تطلعينه على البلكونه ممكن يصير لطير شي بسبب لفحة الهواء ان كان الجو بارد
او شديد الحرارة اما اذا كان الجو معتدل مو مشكله تخلينه بالخارج

هذا الرد على عجالة والمعذرة
بالنسبة للعمر اتمنى الاخوه افيدونج

[سيمووو]

يؤيؤيؤيؤيؤيؤيؤيؤيؤيؤيؤ
ماكووو رحمه
خلاص حقد عليك لانك قصيتي ريشه وذيله ماراح يرضى عليييك ابببببببببد اببببببببببد
الله يعينك او الله يعينه علييييك والشي هاذا غلطك تحطين عنده كل شي وتقولين ليييش يقطع الطير من انووع هاذا يحب المررررح اكيد قاعد يلعب بالسلك
نصيحه جيبي له العاااااب وانشالله راح يحبك من اول وجديد

[babysoul]

يسلمو على الرد السريع اخ شاهين
بس مافهمت
شالعابه اللي احطها؟؟؟؟؟؟

[دفا الخاطر]

هههههههه
ماشاء الله عليك ماقصرتي بحقه
صحيح الاجنحه عادي قصها اذا اتبعتي طريقه القص الصحيحه
وهي انك تتركي من 4 الى 5 ريشات >>> القريبه لجسم الطائر
وبنسبه للعمر مااعرف بصراحه
بس في سلاسل خاصه للببغاء اطلقيه طول اليوم
ووقت النوم حطيها له عشان تضمني مايقوم يتسلى وانتو نيام
طبعا هذي بحاله اذا كان على استاند مو قفص
واذا زعل منك بعد القص لازم ترجعي معاه من الاول وتهتمي فيه

وان شاء الله باقي الاخوه تفيدك

[babysoul]

سيمو رجيتني الله يهديك مالك حق
يعني مافي امل ...........؟؟؟؟؟
والله حطيت له كومة اسلاك في القفص بس مادري شالاعاب اللي تصلح له؟؟

[babysoul]

يسلمو دفا الخاطر على الرد
بس احس ان السلسة تعور قلبي>>>>>>>>>>يعني حنونه ماتقوى
مايتوجع من السلسة .؟؟؟

[دفا الخاطر]

الله يسلمك ومنورتنا
ههههههه لاتقولي حنونه بعد اللي سويتيه
الله يسعدك وترا امزح وياك
والسلسله عاديه وتتحرك على رجله
يعني مو ماسكه ولاتعور
انا مسويتها للكاسكو وعاتي

[شاهيـن]

هذا رابط لموضوع في القسم عن طرق صنع ألعاب:

http://www.2zoo.com/vb/showthread.ph...ED%E6%D1%E4%C7

في ألعاب جاهزة تنباع في محلات الطيور على سبيل المثال: