(كاسكو) هل ممكن أستعمل القفازات؟ يدي تقطعت >_<

[Arashi]

السلام عليكم ورحمة الله وبركاته

اشتريت كاسكو جامبو عمره 4 شهور...في المحل كان أليييييف جدا جدا ويلحس الاصابع ومايجعر وقدرت امسح على راسه عادي...يركب عاليد بدون ما يعضض الملابس...ظليت معاه في المحل ربع ساعه أسوي اختبار لين جفته اوكي
لما جبته البيت ومن ثاني يوم ركبته على يدي بدا بعضض ملابسي بوحشيه لين نتفها...حتى يطلع منه صوت حنّه وجعره خفيفه...ولما أحاول أمسح على راسه يعض زياده
وبعدها بيوم أيضاً بدا بعض يدي...وهكذا الحال كم يوم معاه لين اليوم نزف صبعي مع زيادة العض وقوّته
وفوق كل هذا صار يركض وراي لما انزله عالارض...يقوم يركض وراي ويركب علي ويعضني...يعني هجوم مب بس دفاع عن النفس...لما أنزله وابتعد عنه يرجع وراي مره ثانيه ويركب ويغربلني
وانا ما أذيته في شي ولا ضربته ولا عصبت عليه....حتى عقوية الحبس في القفص اللي كنت أتبعها مع اللي قبله ما سويتها معاه...جربتها امس مره وصار يعصب اكثر
جربت العسل وجفت الوضع أسوأ...جربت ألفه بفوطه يصير عصبي أكثر...وصار يكرهني وحتى صار يخاف من كل اهل البيت اللي مايقربونه...ويطالنعي بنظره شريره وينفش ريشه
لما أجوعه واعطيه اكل بدل ما ياكل وهو ميت جوع يحاول يعضني ويترك الاكل
أنا روضت 3 قبله وجربت العضاض واللي يصارخ والعنيد والحمدلله نجحت معاهم في اقل من شهر...لكن هذا طلع أخس منهم كلهم...عدواني ونحيس وحقود...شوي وأكفخه @_@
مع انه كان الافضل من بينهم في البدايه

فكرت أستخدم معاه القفازات عشان أحمي يدي لأن النزيف مب طبيعي...لكن بعض المدربين يقولون ممكن يخوفه زياده!!
والله احترت معاه...ألم ممكن أتحمل لكن نزيف مستحيل

الحين احس كل اللي طبقته عالببغاوات اللي قبله ماينفع...فبسأل من جديد وكأنها اول تجربه لي:

1-شلون أتخلص من العض؟
2-شلون أخليه يحب المسح عالراس؟
3-ايش أعلمه قبل ايش؟ هل لازم أدربه على مراحل؟ مثلا أعلمه ياكل من يدي بدون ما ألمسه وعقب أعلمه المسح عالراس وهكذا؟ ولا أعلمه كل شي مرّه وحده؟
4-ممكن ألبس قفازات عشان أحمي يدي؟

[kh2kh]

الله يعينك هههههههه

[Arashi]

مايحب القفص....يقعد ينطح وينتف الجرايد وينادي
بعض المدربين قالوا لو حبسته بصير متوحش
اللي دربتهم قبل ما حبستهم

احترت والله

[مفرخ الزيبرا]

حط عسل بصباعك وديلو راح يختفى العض في تاني يوم باتماام

[Arashi]

جربت العسل...بس بخصوص العسل...ما يسبب له اسهال؟
اخاف اكثر منه ولو ان البعض نصخ اكرر وضع العسل 5 مرات في اليوم

[خالد98]

انا انصحك يخوي تبتعد عن القفاز
لاني روضت كاسكو انثى عمرها سنة و نص
و تتقبل المسح ع الراس و تصعد ع اليد بالقفاز بس
بدون القفاز تعض و ماتصعد

[الملك الامزوني]

شوف حبيبي

اول شي الطير لازم يتعود عالمكان وعالجو لانه تغير عليه هذا اول شي

ثاني شي لازم تقعد معه وتاكله حب اول سيسبان(فول سوداني)

وتحط بيدك عسل او مربى يعني شي حالي وتلحسه ولو حطيت على يدك قفازات وهو صغير عمره 4شهور راح يخاف

وراح يستاحش اكثر فحاول تطبق الطريقة الي قلتلك عليها وانشاء الله يزبط الوضع

[Arashi]

تسلمون اخواني خالد والملك الامزوني
بديت باستخدام العسل وعلى طول حسيت فيه بدا يذل نفسه (يعمل صوت مثل الفرخ الصغير الجوعان)
نوعا ما اقدر امسح كم مسحه على راسه خفيف...العض موجود ما عدا وقت الاكل والعسل
وصار لما يجوفني يطلع صون يناديني انا بس
هل هذا تقدم؟

بالنسبه للمسح عالراس...هو بنزل راسه لي بعد ما يثق فيني بدون اي تدريب معيّن؟ (لأني جربت كل شي معاه وفشلت)
يعني العسل وحده يكفي عشان يتقبل أمسك راسه؟

[مفترس تو زوو]

هههههههههه<<<<<<<<<طيررك عجبني لانو يهااجم موبس يدافع هههه


حبيبي طيررك جديد يعني عادي الي يسير اصبر وكويس انو ينزلك راسو وكويس نو يطلع على يدك

خلي يعضك لاتخاف ..... نصيحتي لاتفكر في القفاز مررة


والله يعينك طيررك جريئ هههههه

[Arashi]

ههه لالا ما ينزل لي راسه بس احيانا يعطيني فرصه بدون مايعض XD
من كلامك حسيت ان طيري مأساه...ما بستعمل القفاز خلاص عشان لا يتعقد P:
لكن ما بحاول أمسكه لين عضته تخف ...المشكله اصابعي من النوع اللي تنزف بسهوله