حركه الكاسكو داخل القفص

[7moOodi]

السلام عليكم ورحمة الله وبركاته

كيف حال الشباب

حاب استفسر اليوم عن حركة الكاسكو داخل القفص

يمسك القفص يمتره تمتير يتسلق من الزاويه ويلف القفص لف وسايبله باب القفص مفتوح قلت أمكن يطلع بس مايطلع يطلع فوق الباب ويدخل رجله مع الباب كأنه يتأكد مفتوح أو لا ويكمل طواف في القفص

والمعذره لاني ماحصلت معلومات في النت وانا مبتدئ في الببغاوات كنت قبل عندي حمام بس تعرفو فرق بينهم

وشكرا لكم

[رآبت]

هل الببغاء جديد؟

لو جديد احتمال يبي يطلع وخايف ..

لو له فترة معاك يمكن ملان ويبي يتحرك بس ..

[7moOodi]

يعطيك العافيه رآبت

صرله عندي شهر و3 أيام بضبط ومروضه على يدي بس ماني فاهم ايش قصده بهذي الحركه وانا أنزله من القفص الساعه 6 الفجر وتمشى فيه داخل البيت المغرب وقت النوم احطه بالقفص يسوي الحركه خايف يكون يبغى شي وانا ما فهمت عليه

[AVOCADO]

سلوك الطيور عادة لا يفهمه الا المربي نفسه , لأن كل طير يختلف عن طير اخر

لكن تخميني الشخصي
اعتقد ان كانت الحركه قبل النوم فقط , فهذا شي طبيعي

اغلب الطيور قبل مغيب الشمس تتحرك بشكل غريزي وكثير لغايه معينه , باعتقادي هذه الحركات او التنقل داخل القفص يوفر لها نوع من الامان أو بحث عن افضل مكان للنوم والأمان لها , او نوع من الاجهاد قبل النوم لكي تستقر في النهايه متعبه وتنام , أو سبب اخر لا اعلمه حقيقه


اما ان كان في جميع الاوقات فهي بحاجه الى الطيران , فبعض الطيور تحب الحركه والتنقل من مكان لأخر بجناحيها , ولديها حب استطلاع بأكتشاف أي شي


وكما اخبرتك كل طير لديه اطباع ووسائل للتعبير لا يفهمها الا المربي نفسه

[7moOodi]

شرفني مرورك أخ افوكادو

بنسبه القفص الي عندي 33×43 هل يكون السبب برغم اني شايف انه صغير عليه وين أفضل مكان في جده يبيع اقفاص حلوه وكبيره وبسعر مناسب