|
رد: قطي يعاني وخايفه يموت بسبب خروج المستقيم .. اهل جده واصحاب الخبره ساعدوني ( صور )
اقتباس:
المشاركة الأصلية كتبت بواسطة فاتـــو
اختي الله يشفيهم جميع ويسهل عليك هالفترة صعبه بس اصبري واجرك عند الله
كفاية عليهم ابر لاتخلين الدكتور يضرب اي واحد فيهم ابر
كيف حالهم الحين
ادري سؤال متأخر ويمكن غريب شوي
بسب حبيت اعرف هل انتي متأكده ان المستقيم اللي طلع مش الامعاء ؟
لأنك تقولين بعد الأسهال مستقيمه طلع والأسهال ماله دخل بمخرج البول ؟
لو كانت امعاء معناتها كانت بواسير وهذي يلزم لها رعاية خاصة بعد العملية وكمادات دافية يوميا واكل طري وفيه الياف حتى ماترجع المشكلة من ثاني
عموما الله يشفيهم استمري على موتيليوم اهم شي واي انخفاض بحرارتهم لازم تحطين لهم جلوكوز تحت الجلد
لازم نحافظ على حرارتهم اطول وقت ممكن لين يتعدون المحنة وارجوكي كفاية ابر
الدكتور ماقال لك سبب اللي صابهم فيروس او مرض معدي
|
اختي الله يخليك لا تخوفيني  انا اعصابي تعبانه والله من كثر التفكير والخوف عليهم
ماعاد صار يجيني النوم وفيني غصه من القهر فجاه كلهم يتعبو !
صار وقتي رايح كله متابعه وتنظيف او تفكير وقلق الله يشفيهم من عنده يارب
في البدايه زي مو واضح من ردودي السابقه انا حاولت اعالجهم في البيت .. لكني فشلت
الام كملت 3 اياام رافضه تماما تماما للاكل والادويه .. حاولنا بكل الطرق انا واخوي
وعند اي محاولة لإجبارها على الدوا او حتى شوية زبادي تدفعنا وتستفرغ ماده صفرا
عشان كذا كان لازم الجأ للبيطري طالما انا فشلت ومو معقول اشوفها تموت قدامي
طيب البيطري سالني مطعمين قلتله لا
قالي الاسهال والاستفراغ سببه فايروس .. واعطاهم اول يوم زي ما ذكرت في ردي السابق
ابرة مضاد انتيبايوتيك وابرة للاسهال وابرة مغذي او سيروم فيها املاح للتعويض حسب كلامه
ولما رجعنا من البيطري القطه الصغيره بدت تاكل شوي شوي .. اما الام وضعها غريب بس تتخبى تحت الكنب والسرير ورافضه الاكل حتى بعد الابر .. وفي الصباح استفرغت ماده خضرا لونها اخضر عشبي استغربت جدا منها
اليوم رحت زياره ثانيه لان البيطري طلب مني اجيبهم نكمل العلاج ..
ولما عرف ان الام مازالت رافضه الاكل وكملت 3 ايام بدون اي نقطة اكل .. قال لازم مغذي في الوريد
واثناء الكشف رجعت استفرغت عند البيطري نفس الماده الخضرا
استغرب جدا قال هاي شو اكله ؟! قلتله ولا شي والله رافضه تاكل
وتعبنا معاها تعب الين شبكنها المغذي في يدها واعطاها ابرة مضاد تانيه وابرة فاتح شهيه .. وقالي انا اعطيتها الي يكفيها الان لمدة 24 ساعه تقريبا .. لا تعطيها شي الين الصباح حاولي تاكليها دجاج مسلوق .. ونا الان منتظره يجي الصباح مع اني اشك انها تاكل حالتها تقطع القلب
بس ملمومه على نفسها وجالسه بالزاويه حتى عيالها اجيبهم عندها اناديها باسمها ما تلتف ابدا .. المغذي للان في يدها ما فكه .. حط عليه لصق وقالي تعالي بكره نشوف وضعها كيف
للان استفرغت مرتين بعد عودتي من البيطري
والقطه الصغيره اعطاها ابرتين تانيه اليوم قال تكملة للمضاد وابرة للاسهال كمان ..
والان احسها كويسه شهيتها نوعا ما انفتحت تاكل بس على خفيف وتتمشي بالبيت وتلعب معاي على خفيف وترجع تجلس ..
يعني انا ماشيه على نصايح البيطري والابر حسب كلامه علاج للفايروس الي فيهم والاسهال .. وايضا مغذيات للام الي رافضه الاكل
بس كلامك الان رجع خوفني عليهم ..
يعني مو معقول اقول للدكتور بلاش ابر وارجع للبيت بدون علاج ! ونا اساسا مابيدي شي اقدمه لهم
لان الادويه ومحاولاتي معاهم كلها بائت بالفشل !
شاكره لك ردك عزيزتي واهتمامك بالسؤال ..
|