[روح لبنان]

السلام عليكم ورحمة الله وبركاته

أولا أهنئكم على المنتدى الرائع والمواضيع المفيدة وتقبولي بينكم عضوة جديدة ومحبة للحيوانات الأليفة الرائعة

المشكلة اننا ما نقدر ننتقي الحيوان المفضل دائما لسبب المكان أو لأسباب عائلية أحيانا ( متل حالتي )

بس آخر شي قفلت على السنجاب لحبي إله ولشكله ولأنه حيوان نشيط ويتحرك وممكن يتفاعل معك ..

وشفت سنجاب آسيوي مخطط وحاولت امسكه ومسح على راسه لقيته كتير مسالم وقللي البائع إنه ما بيعض فتشجعت على الموضوع أكتر

بس قبل ما جيبه في عندي أسئلة ما لقيتلها جواب بكل المواضيع اللي قرأتها عن السناجب .. ولازم حد يكون مربي منهم عشان يجاوبني عليها صح ...

وهي عن أهم شي بالنسبة إلي وهي نظافته ... بعرف إن فضلاته متل باقي القوارض ... لو يتنظف القفص ما تطلع ريحه ولا شي بس السؤال لو طلعته لبرا القفص وتعود عليي وصار دايما يطلع ما ممكن يوسخ برا القفص واللى ممكن تعويده إنه يوسخ داخل القفص فقط .. يعني السؤال هل يمكن تعليمه وترويضه متل القطة ؟

وسؤال آخر على نظافته .. هل يمكن تحميمه .. وإذا مش ممكن كيف بينظف نفسه ؟

وبعدين هل ممكن يخرب الأثاث لو صار يطلع ؟؟

بعرف إنه صعب أول فتره بس لو تعود عليك خلص ...

وشو رأيكم اللي مربيين سناجب هل بتنصحوني جيبه واللى ارجع لفكرتي القديمه بشراء هامستر روسي ؟؟؟