[صمت الأمل]

وعليكم السلام ورحمة اللهـ وبركاتهـ .



أول شيء أحب أقول لكـ اللـهـ يعوضكـ عن البيض اللي راح وان شاء اللهـ الدفعة الثانيهـ تفقس .



وأعجبني إصراركـ ومحاولتكـ مرة أخرى بدون ماتستسلم أو تيأس , لأن تفقيس البيض يتطلب خبرة وضبط الجو المناسب .



وبإذن اللهـ مع الوقت راح تكسب هالخبرة والثقهـ بالنفس وإن شاء اللهـ تنسى تعبكـ اذا شفت الصيصان .



ممكن تقول لي كيف كانت طريقتكـ في التفقيس ؟؟



يعني حطيت المروحة واللمبهـ وماحطيت ماء ؟؟



اذا ماحطيت الماء فهذا هو سبب فساد البيض , لأن لازم يكون في مرحلة التفقيس رطوبهـ .



فلازم تحط لكـ في المرة القادمة صحن (( يفضل معدن مثل علبة قشطة كبيرة أو تونهـ كبيرة )) وتعبيهـ ماء ,



وكل يوم تراقب الوضع .. اذا الماء اللي في الصحن يتبخر في آخر اليوم معناهـ ان الرطوبهـ ممتازة وان شاء اللهـ تمشي أموركـ .



بس اذا الماء مانقص أبدا أو ماينقص الا ربعهـ أو شيء بسيط فهنا المشكلهـ ولازم تصلح الوضع .



ودرجة الحرارة المناسبهـ من 37 الى 38 , لاأكثر ولا أقل .



والبيض طبعا لازم تكون متأكد 100% انهـ مخصب وعمر البيضة أقل من أسبوع ..



لأن أكثر من أسبوع يكون احتمال كبير ان البيضة راح تفسد أو الصوص داخلها راح يكون ميت .



اذا فيهـ أي أسألهـ أخرى أتفضل بطرح سؤالكـ وبإذن اللهـ نجاوبهـا لكـ .



وأرجوا من اللهـ أن يوفقكـ في مشروعكـ ومجهوداتكـ ,



تحياتي لكـ .