[WORLD OF ANIMAL]

الصراحة هذا الموضوع قد حدث معى من قبل وما لقيت له اجابة فى المنتدى العزيز وهو كسر جناح الحمام وقد يحدث هذا عند اى مربى وليس انا فقط ومن الواجب علينا اننا نكون جاهزين وعارفين هالمعلومة طبعا اسباب كسر جناح الحمام كثير جدا عشان كدة خلينا ندخل بالموضوع علطول
طبعا بعد قراءة سورة الفاتحة وقول بسم الله نبدء
امسك الحمامه برفق واعزلها
وابدا عمليه التجبير _مع اعلان حاله الطوارئ فى البيت
الصورة دى فيها حمامة مصابة بكسر الجناح انظروا لها


طيب اذا حدث كدة معانا ايش نعمل ؟؟؟؟؟؟؟؟؟؟؟؟ لا قدر الله طبعا

هنجيب اى قماش نظيفة ونبلها بماء دافئ نسبيا عشان البرد اعزكم الله ونطهر الجرح بالمسح على الجناح بالقماش مثل ما فى الصورة


طيب طهرنا الجرح الحمد لله هنروح للخطوة اللى بعدها وهنضم الجناح المكسور للحمامة ونخليها فى الوضع السليم لها مثل ما فى الصورة


طيب اذا لاحظتوا فى الصورة اللى فاتت فى شريط من القماش طبعا بنحتاجة هو ده يعتبر الاساس فى الموضوع ده
الشريط من القماش ده هنضعة على الجناح المكسور ونلفة من تحت الجناح السليم وبعدين نعطيلة لفة حوالين جسم الحمامة عشان تربط الجناح المصاب بالجسم مثل ما فى الصورة القادمة



طيب الحمامة بعد ما عملنا كل ده راح نتركها كدة؟؟؟ احب اقلك لا طبعا
دلوقتى بق دور الغذاء فى ترميم العظام

راح تنزل عند اى صيدلية بيطرية وتشترى فيتامين او فاتح للشهية وممكن نستخدم دواء بشرى يكون للاطفال وراح نعطيله للحمامة ونغر هذة الحمامة بكل المواد الى فيها بروتينات عشان تساعد على تجبير العظام ولمها واعادة الجناح مرة اخرى

طبعا بنضع الحمامة بعد العملية فى قفص مثل كدة

عشان لازم احنا ناكلها كل يوم لحد ما تتم عملية الشفاء على اكمل وجه

ملاحظة : الحذر من لف الشريط بقوّة حول جسم الطير المصاب ، حتى لا يؤثر على عملية التنفس.

وان شاء الله ما تضطرون لتنفيذ كل هذة المتاعب وما يحصل معكم مثل هذة الاصابة بس كان لازم يبق فى موضوع عشان لا قدر الله اذا حدث فى يوم من الايام مثل كدة

الموضوع من صنعى بس الصور من الانترنت
واتمنى العفو والسماح اذا فى اخطا فى الكلام

والسلام عليكم ورحمة الله وبركاته