[ابو شما]

المشاركة الأصلية كتبت بواسطة بنت الرس

السلام عليكم

الاحسن يكون داخل البيت حتى وقت النوم
على شان الحر والشمس
وبعدين أخوي أنت ماتخاف انه القطط تؤذيه أو تسوي له شيء..
وأنت تعتبر مسؤول عن الطير..
لازم تخليه داخل البيت .. وزي ماقالوا لك الاخوان اشتري له قفص مع قاعدة .. ومع التنظيف اليومي باذن الله ماراح يكون فيه حشرات..
أنا كنت موسوسة أكثر من زوجتك اذا لمست الببغاء على طول أغسل ايدي بالديتول..
لكن لما تعودت عليه وحبيته صار شيء عادي..وينام بغرفة أختي و نغطيه على شان تيارات المكيف القوية..

وأنت لازم تفهم زوجتك انه هذا الحيوان يحس زي ماحنا نحس .. ويتضايق من الحر الشديد والبرد.
و الببغاوات ماتعامل كأنهاحيوان عادي هي تعامل كأنها طفل أخر في العائلة لأنهامميزة و ذكية جدا..
وعلى فكرة بالصيف يكون فيه نمل أو حشرات بالحوش
خاصة اذا كان عندكم نباتات <<وهذي الأشياء قريت انها تؤذي الطير وتدخل على القفص....


أتمنى تخبرنا وش صار عليه..وأنا أكتب قاعدة أتخيل شكله لحاله بالحوش وماقدر ينام من الحر ومواء القطط من كل حدب وصوب<<مسكين عورني قلبي عليه..

مرحبا اختي بنت الرس
اسمعي آخر التطورات اللي حصلت معي:

- تم شراء قفص آخر ووضعه بداخل البيت والطير بالنهار يكون بداخل البيت والمبيت في قفصه الخارجي لأنه يكون وسخ القفص لغاية المساء وانا بدوري انظف القفص وأخليه نظيف لليوم اللي بعده لتجنب تجمع الحشرات كالنمل < المشكلة الكبرى
- القفص الخارجي لا تصله الشمس ولا يمكن يتقرب منه اي قط لأنه في مكان صعب توصل له مثل هذي الحيوانات