[بسبس مياو]

الله يجزاك خير على رحمتك لهالقط ....
ممتاز خليه بالملحق لان القط اذا ارتاح نفسيا بيتعود عليك وخصوصا انك توكله وتعتني فيه
والقطط الصغيرة ماتكون شرسة ومتوحشة تلاقي احد اذاه او ضربه بالشارع عشان كذا هو خايف منك

مادامه صغير راح يتعود عليك بسرعة...بس انت حسسه بالامان وعطيه مجال يلعب ويجري بالملحق
وجيبله كوره صغيرة

واهم شي جيب صندوق للرمل علشان يتعود يقضي حاجته فيه....القطظ حيوانات نظيفة جدا حتى اللي بالشارع ماتحب تجلس في مكان مش نظيف لان جسمها بسرعة يتعب وتحيها فطريات وحشرات

لازم تنظف الرمل مت الفضلات يوميا وحظ لها صحن ماي بارد ولا تخليها بمكان بارد مره
وجيب بطانيه تلس عليها وتنام ...حط ؤها الاكل بنفسك وقرب منها بحذر مش على طول
لحد ماتتعود على ريحتك..بتلاحظ بعد كم يوم انها بدت تتعلق فيك وتفرح لما تدخل عليها
اهم شي تحسسها انك تحبها
انتبه تعطيها حليب..الحليب يسبب مغص واسهال للقطط ،،اكتفي بالدجاج والماء ...وكل يومين ممكن تعطيها قطعة جبن مثلث...

الله يجعله في ميزان حسناتك ..ماتدري يمك ربي حظ هالقطة في طريقك علشان يدفع عنك بلاء كبير
واي سؤال لاتتردد بنساعدك