[abo abdulaziz]

السلام عليكم ورحمة الله وبركاته

صـــباااح الخير اخواني

عندي اسألة عن الحمام الجديد اللي شريته وايضا شوية اسألة عن الحمام القديم واتمنى تفيدوني ومعليش على اسألتي الكثيره..

وهم جوز بلدي وجوزين زاجل مع فروخهم وجوز قطيفي وجوز هندي وان شاء الله تجاوبوني على اسألتهم وبعرض الاسأله مع الصور

اولا الاكل: هل هو كويس ؟ وطبعا خذته على طريقي للسوق 3 كيلو مشكل وتقريبا 5 ايام ويخلص لانه نصه يروح بالارض مدري كيف اوفر وهل حبوب الارز الصغيره والعدس والجريش تكفيهم؟ ولا ما تصلح للحمام ؟ واي شخص يعرف طريقة توفير ياليت يعلمني لانه خلال اسبع من اطعام 4 اجواز هذي النتيجه


ثانيا القطيفي: وهذولي فروخهم ياليت تعطوني رايكم فيهم لاني ماعرف الزين والسيء فيهم وزي ماتشوفون الصوره ماخذها من اول ربع ساعه جبتهم كل الارضيه حبوب مدري ليش ينثرونها بالارض والفروخ وانا حاطهم بالكترون فيه حمام دعسهم اتوقع شفت راس فرخ فيه دم قليل جدا مجروح عادي اخليه ولا لازم اطهره وكيف؟


رابعا الهندي: رايكم فيه ؟ ولاحظت انه يحطون مناقيرهم ببعض كل شوي وهذي الصوره يعني بالبدايه توقعته فرخ ولكن حجمه كبير مو بحجم فرخ ابد مدري وش القصه وحالي ماعندي صندوق لهم فمدري وش احطلهم عشان البيض؟

خامسا الزاجل:
لاحظت الذكر يصدر اصوات كل شوي ويدخل الصندوق والانثى تدخل معاه وبعدين يرفع الريش اللي بظهره وينفخ صدره ويدور له يوم كامل على هالحاله مع انه قبل 5 ايام جايب بيض وفسد ورميته تتوقعون بيبيض؟ وهذي صوره وفيه فرخ داخل معهم مدري وش يبي والثاني يطالع هههههه

سادسا فروخ جدد: لاحظت الاب هو اللي 24 ساعه راجن من الصباح كامل والليل كامل وهو اللي يطعم الفروخ ويدافع عنهم حتى معاي شغال تنقير ههههههه وهذا هو مدري انا لدرجت بديت اشك انه انثى؟ او ان اللي معاه الانثى فيها شيء؟ يعني احس مالها اي علاقه بالموضوع كل الجهد على الذكر يرقد عليهم ويطعمهم ويدافع عنهم ؟ شيء غريب والله وحاليا صارلهم يوم وفيه واحد فقس وبعده بساعتين فقس الثاني وطلع من البيضه فساعدت الاول يطلع من البيضه وعلى كلام اللي باعهم قالي تساعده بيموت ولكن الحمدلله عايش ولكن انا متعقد من مشكله! ان الاب يكون بيروح يرقد عليهم يدعس طرف منهم فهل يضرهم؟ يعني ممكن يموت؟ وليش يرقد عليهم وهم فقسو اصلا؟ وصارلهم يوم ونص


وشكرا.