الموضوع
:
جميع طيوري ~
عرض مشاركة واحدة
13-12-2013, 12:46 AM
#
1
r.laith27
هاوي
جميع طيوري ~
السلام عليكم
قبل سنة تقريباً
رحت زرت إبن عمتي و شفت عنده جوز طيور بادجي
لما روحت ظلوا ببالي
رحت قرئت عنهم و عن طريقة معيشتهم
و شريت جوز بجنن منهم
و سميتهم إيلاي و فيولا
و قعدت ادربهم حتى صاروا أليفات
بس للأسف فيولا كانت ما بتقدر تطير
لأسباب مجهولة
و بعد فترة جبت كمان جوز
بس هالمرة جبتهم كانوا صغار
و سميتهم ليو و لوسي
و صاروا أحلى صحاب ♥
و هاد ليو و هو بلعب
و هاي صورة لليو و بستي
و بعد شهرين تقريباً
و بعد ما ترجيت أهلي مليون مرة
سمحولي أجيب كوكتيل
قعدت أدور شهر تقريباً على حبة صغيرة
حتى لقيت حبة وايت فيس
شريتها مع إنو كان فيه أصبح من كل رجل مقطوع
بس الحب من اول نظرة شو نسوي
و هاي صورة جماعية
و هاي كمان صورة للثلاثي المرح
و هاي صورة أقفاصهم
بعد فترة رحت اشتريت جوز روزبس بعتهم بعد فترة عشان صوتهم المزعج
و بعدها شريت كمان حبة روز بس بعتها لإنو ريشها كان مقصوص
و اشتريت مكانها حبة براكيت
و كان من أروع و أهدأ الطيور اللي ربيتها بحياتي ♥
و هدول لما صاروا صحاب
و بعدها بفترة شريت اكم حبة كوكتيل و حبة بادجي
بس حسيت إنو صار عندي كثير
رحت بعت أكم حبة كوكتيل
و رحت شريت حبة سنغالي
بس بعد فترة صغيرة
مرض الوايت فيس ( بوبو )
حاولت اعالجه
بس للأسف مات
و هاي صورة للغرفة
هو اللي قفصه مغطى
رحت بعدها قررت أبيع كل الطيور اللي عندي
رحت بعتهم بس لقيت حبة درة و وقعت بالحب مرة ثانية ♥
سميته كوكو ♥
و صدقاً هاد أروع طائر ربيته بحياتي من حيث الذكاء و الجمال ♥ ♥
جد حبيته كإنو واحد من العيلة
بس بعد شهر تقريباً
قررت أجيب كمان طائر
و بعد بحث لقيت حبة تيمنة
رحت شريتها و سميتها بيسو
بس بعد ما اشتريت التيمنة بيومين
كنت قاعد بلعب مع كوكو و بيسو
بدون أي مقدمات لقيت كوكو عم براجع ( بخرج الاكل اللي بمعدته )
و بعد نص ساعة مات
صدقاً وقتها كرهت حالي
يعني مات بدون أي سبب او مقدمات :'( :'(
بعدها قررت أبيع التيمنة و أمتنع عن تربية الطيور
بس عزت علي و بطلت ابيعها
و بعد شهرين
شريت كمان حبة بادجي صغيرة
و سميتها سمسم
و هيهم أحلى سمسم و بيسو
دعواتكم بدوام الصحة و العافية لي و لطيوري
و طبعاً كل الطيور اللي ربيتها كانت شرسة و دربتها بعد جهد و صبر
و الله يبارك لكل شخص بطيوره
الحيوانات عالم جميل
بعلم الصبر و الحنان و الهدوء
و لا تنسوا تديروا بالكم على طيوركم من البرد
و السلام عليكم
r.laith27
مشاهدة ملفه الشخصي
البحث عن المزيد من المشاركات المكتوبة بواسطة r.laith27