|
رد: ساعدوني جديد في عالم القطط .. تكفون ساعدوني اقرأ المزيد هنا: سؤال و جواب - منتدي
حياك الله اخي
غلط وضع القطه في قفص وغلط وضعها في خارج المنزل لانه الحر راح يذبحها خلوها معاكم في البيت بدون اقفاص لانه الحبس مو زين اقل شي خليها في غرفه تتحرك براحتها ..
خصص لها صندوق فضلات وخليه في مكان ثابت وهي راح تقضي حاجتها فيه .. وبالنسبه للرائحه شي طبيعي انت حاطها في قفص وتقضي حاجتها في نفس مكان جلوسها ..
كذا غلط كبير وخطر على القطه انه تنام في مكان قضاء حاجتها راح يسبب لها امراض ..
الاكل اعطيها دجاج مسلوق او دجاج من اكل البيت بس يكون مافيه صلصه او بهارات كثير واعطيها جبن مثلثات بس لا تكثر يعني كل يومين مره اعطيها بيض مسلوق وتقدر تعطيها كوسه او بطاطس مسلوقه ووفر لها ماء نظيف طول الوقت اعطيها ٤ وجبات باليوم واذا تاكل دراي فود خليه جنب الماء متوفر ..
انت الحين تطلع القطه وتنظفها وتغسل جسمها بماء دافي وشامبو اطفال وولفها بفوطه وابعدها عن التكييف وجففها بالاستشوار تحت درجه حراره منخفضه ..
والله يرضى عليك ابغاك تنسى سالفه القفص هذي ولا عاد تحطها بالحوش وخليها معاكم بالبيت حرام هذي نفس ومحاسبين عليها 
واذا صعب عليك شي بامكانك تكتب في نفس الموضوع او ارسلي على الخاص وبساعدك باللي اقدر عليه
|