[H.B.H]

اول سؤال:: انا خليت البيطري يقص جنحانهم لاني اخاف يطلعون الحوش واخسرهم هل هذا بيضرهم؟؟

إذا البيطري ما قص أول 3 ريشات بالجناح ماراح يصير لهم شيء
ثاني سؤال:: هل هذا المكان مناسب لهم؟؟
إذا على القفص فحجمه حلو ونظيف وإن شاء الله تستمرين على نظافه القفص وإذا على الغرفة اللي هم فيها أحس أنها واسعه وحلوة وفيها تلفزيون بعد إذا أنشغلتي عنهم شغلي لهم MBC3
ثالث سؤال:: كيف اقدر اخليهم يجوني طيران ما اتعب وانا انادي عليهم بدون فايده؟؟
صبري عليهم شوي يشبعون من الطيران بعدين راح يتعلقون فيك ويجونك طيران زي ما تبين (أنا طيري الأولي كنت ما أعرف أطلع من الغرفة اللي هو فيها كنت بس أفتح الباب بطلع ما أشوف اللي وراي جايني طيران وينزل علي بأي مكان على راسي ولا كتفي أهم شيء يتعلق فيني)وعقبال طيورك
رابع سؤال:: هل في خطر لو خليتهم طوال اليوم برع بس فليل وقت النوم ادخلهم القفص؟؟
ما أتوقع في خطر بس لا زم تراقبينهم لأنهم توهم على الطيران أنتبهي عليهم من الأثاث والطيحات بالأرض

خامس سؤال:: ما يشربون ماي هالشي عادي ولا اغصبهم عليه؟؟
لا أكيد يشربون بس ما تشوفينهم تدرين ابهم ألحين مستعجيلن على الطيران يشربون بسرعه يمكن ويطلعون

سادس سؤال:: لو حبيت اعطيهم شوية عسل عشانه مفيد بيضرهم؟؟
عادي إذا عطيتيهم بأيديك على شان يحبونك بس كمية قليله وتقدرين تحطين لهم شوية عسل بالماي تعطيهم مناعه وتغيرينه كل 6 ساعات

سابع سؤال:: هل في هالعمر اقدر القنهم واذا اقدر كيف الطريقه الصحيحه لذلك؟؟
ما ربيت دره بس أنه من الطيور الناطقة أتوقع بأي عمر راح يحفظون

وبس ....