السلام عليكم ورحمة الله وبركاته
كيفكم وش اخبارك .. كيف قططكم ..؟
طبعا دائما ونحن في حوار لمساعدة بعض الاعضاء في اقناع ابائهم وعائلاتهم .. بأقتناء قطه منزليه اي بغض النظر على القطط خلونا نتكلم على جميع الحيوانات .. !
طيب قبل ماكتب الطريقة الي بأذن الله راح تخلي عائلاتكم تقبل بالحيوانات الاليفه .. ؛
خلوني اقولكم قصتي وشلون جبت هالطريقة .. !
طبعا انا عندي أب و أم وأخوات وأخوان وكل اهل البيت مو مستوعبين الفكره ولاكن في شخص تمشي كلمته في البيت ..
ولايمكن اني اعيد اكرر الكلام معاه اذا رفض من اول مره وهو .. الوالد الله يطول بعمره
طبعا .. الوالد كان رافض شيء اسمه اقتناء اي حيوان اليف في المنزل غير الطيور والعصافير
وكنت كل ماجيب سيرت اقتناء حيوان اليف يعصب ويحذرني ..
ولكن جتني طريقة فجئة من دون اي سابق ترتيب لها .. ! وبالاخير نفعت ....!
اوك يالله خلوني اعلمكم كيف الطريقة وكيف اقنعت الوالد وباقي الاهل
الطريقة ..؟:
المستلزمات :
1- طبعا صديق وفي جدا ويكون والدك يعزه بشكل كبير ويقبل منه اي شئ .
2- يجب على الصديق الي راح تستعين فيه تكون عنده قطه , إذا ماعنده قطه ادفع من عندك وخليه يشتريلك قطه انت تبيها وعلى انها قطته .
الان نبدأ ونشرح وش راح تعملون بالمستلزمات الي فوق .. /
اوك خلي صاحبك يجيبلك القطه سواء كانت قطته او انت اعطيته مبلغ مالي وخليته يشتريلك قطه على انها لصاحبك وليست لك ..
وخليه يجيبها لك في المنزل فجئة دون سابق خبر وعلى انه مسافر
وتقول للوالد انه طلب منك الاعتناء بقطته الى ان يرجع واختار انت من نفسك مدة يومين بالكثير اربع ايام للبقاء على الخطه الي انت ماشي عليها ولبقاء القطه في منزلك ..
والحين خلاص انت معد تقدر تسوي بالقطه شي الا انك تعتني فيها الى ان يرجع صديقك .. ولاكن لاتنسى اذا كان لدى صاحبك مستلزمات القطه زي الليتر بوكس .. الخ .. فخليه يعطيك مستلزماتها واذا ماعنده قطه من الاساس ... زي ماقلت اعطيه مبلغ مالي وخلي يسوي كل شي ويشتري المستلزمات ويجيبها ..
فاجئ الوالد وقله ماقدرت ارد طلبه واستحيت وقله : كلها يومين اربع ايام بالكثير
نصيحه : يفضل ان تكون القطه لعوبه جدا.
يالله بدينا بأقتنا القطه لمدة معينة وأبدا لعبها قدام اهلك وخليهم يعرفون انها نظيفه وبعدين خليهم
يعرفون انها تروح الحمام لوحدها وعلمهم بأنها مطعمه ومن هذا الكلام
_____________________________________________
اوك وراح تجد ان الوالد تغيير بالكامل وراح يغير رأية بالتأكيد
90%
اشياء مهمه يجب ان لا تنساها :
1- يجب يجب يجب ان يكون الصديق الذي سوف يعطيك القطه معروفا لدى والدك ويجب ان يكون لدى والدك العلم بأن هذا الصديق هو شخص مهذب محترم ولد ناس وليس بولد .
2- يفترض بأن تكون القطه لعوبه جدا لتدخل قلوب اهل البيت وتكون بحسن المظهر ____________________________
وفي الختام
اتمنى اكون افدت جميع الاعضاء المحتاجين مثل ما (كنت) انا ..
تحياتي للجميع..