|
رد: ~][ ساعدوني في مشروعي الصغير ][~
،،
هلا بالغالين ..
بالنسبة للعشة .. اخاف احطها خشب وأحط فيها طيور كبيره .. ثم تبدأ تقضم بالخشب لين تهتري العشة .. هذا اذا ما قضموا فيها لين تكسرت وطاروا ولا انتبهت لهم .. 
و طرى ببالي بعض الأفكار البسيطة .. فـ مثلا ً ودي أضع قواطع متحركة بين الأقسام الثلاثة .. بحيث اقدر ادمج وافصل بينهم بكل بساطه .. يعني لو حبيت ازيد عدد الطيور اشيل الفواصل و يصير بدل مايكون عندي 3 اقسام صغيره .. يكون عندي قسم واحد كبير .. واقدر استفيد منها بعزل الفروخ عن الطيور البالغه .. او عزل الاناث عن الذكور بغير موسم الانتاج .. ومتى مابغيت ادمجهم دمجتهم ^.^
وقاعد ارسم بعض الأفكار البسيطة لوضع دروج بأرضية القفص لتسهيل عملية تنظيف أرضية العشة .. وبحيث اكون اقدر امشي عليها بدون ما تتكسر .. وكذلك عدم تخريب سيراميك الحوش .. ^.^
تم تجهيز المكان بالكامل .. مواصير الماء تم تجهيزها لـ (غسيل العشة - تعبئة المشربيات - التبريد على الطيور - دعم النوافير بالماء) .. وتم تجهيز المخططات بالكامل .. بقى مرحلة البحث عن منفذ ممتاز .. ثم التنفيذ ان شاء الله ..
اللي مخليني مبرد شوي هالأيام ومو مستعجل بالشغل .. ودي يخف البرد شوي ويزين الجو .. لأنها عشة خارجية وماودي اتبهذل من بدايتها ^.^
الله يعين ويسهل .. دعواتكم ^.^
،،
|