[Luis]

لوووووووووووول
لويس حرام عليك المرة ملت مو كافي بعلها حاكرها بالكوخ لا طلعة ولا روحة ولا يية بس طباخ وتنظيف وعيال وبلعة .. لوووووول ما صدقت المسكينة يتلها عطلة من السماااء :

ههههههههههه...هي أصلاً شافت العالم العالم الكبير قدامها ماتخيلت انها بيوم بتكون فقفص بهالقد...(يقصد الغرفه)

وبعدين بالعكس رجلها مدلعها كل يوم يكد ويشتغل ويقضم في هالأكل ويجيبه لبيتها...

وشتبي أكثر المقرودة...

والله اني مت خوف يوم عرفت انها دخلت البلكونه...قلت شكلها بتعفن وبتستوي عظامه

وانا مالقيتها...بعد اكثر من شهر أقصد بدون أكل ولا ماي..

" آآآآآآآآآآه فرجت فرجت وأخيرا باتمتع بمملكتي عاد آنه سائلة فيهم .. هالعملاق خل يعفس الدنيا ويدورني وخل القزم يفرش كرشة ويكبر الوساد محد حاس بحكرتي وعليا علي آآآه "

أووووووووووووف صايرة تدخل من الكوخ وتطلع وتدخل مرة ثانيه وتطلع وتلف عالكوخ وتدخل...

ومادعاها قلبها الا لمن لفت الغرفه كلها..عاد جات جنب رجلي وصارت تشم...قلت الله يستر لاتعض بس....

لأن توها مش مروضه...بعدها كنت مطمن انا الأبواوب مسدودة الفتحات بفوط...بس هالبريعصيه

مدري شلون زرقت واندعست مابين الباب والفوطه..(ماشاء الله)

خلها تستكشف فلتها المسكينة .... وبعلها قاعد ويسب ويلعن:

" وين راحت هالهايتة بعد ؟؟ يعني الواحد ما يقدر يرتاح ببيته .. هذا بعد كلساعة مشيلنا أغراضنا على بو شنو ؟ الأخ بيغير الديكور .. يبا ما مدانا نحفظ حمامنا على الأقل .. تعاااااااااالاااااااااااي يالهبلة وينج لا تضيعييييييييييين ..أووووف .. وين أروح أدورها الحيييييييييين لابو شكلها هذي بعد ؟!!! "
لوووووووووووووووول
إي والله..... هم عايشة بفلا ومحكورة بكوخ وين يرضاها الدين والشرع... الله ورسوله ما يرضونها..
لوووووووووووووووووووووووووول

هههههههههههه وين حقوق الهامسترية...

بالعكس انا البعل اللي عندي هاااااااااااااااادي ومرووووووووووق عالآخر...يعني اللي عافس الفلة حقتهم إهي...

وصج حسيت ان البعل مسكين يحاتي اروح واجي واطل عليه بالكوخ واشوفه منخش وخايف...

ماغير الجنيه تهبع على طول الغرفه مدري وش شايفه...

غرفه فاضيه مافيها الا زولية وقفص فيه ببغاء (طبعاً الغرفه مخليها جذي عشان ادرب الخبل اللي عندي)

والله وناسة ودي أسمع شيقولون الهامسترات والقطاوة .. ترى عادي وايد أتخيل كلامهم وأفطس ضحك على روحي.. خبلة

قصة النحشة هذي تموتني خوف وبعدين أفطس ضحك عليه ( دومينيك) لا لقيته يا ألقاه بالكبت بين الهدوم ما يبين .. ياورى كراتين .. يا يصير عندنا صيدة ماصيدة .. عاد أهو بروحه ظلمة ...

والله انا بعد كل ابي القطاوة اللي كانو عندي يكلموني او عالأقل لويييييس....

بس اختي مثلج احيان تطلع كلام عالهمسترات...ومرة جبت لها قطوة من بيت عمتي...

طبعاً كانت تعض بالقوة مش مجرد لعب...تعض لأنها خايفه وتبي امها..عاد اختي ماقصرت فيها

خلتها تجلس بحضن اي واحد تشوفه جالس...عاد كل ماشفتها جالسه يمها وتأكلها

تجلس تطلع كلام بصوت غريب..

واشوي تتلفظ بالألفاظ القليلة أدب بس ماتنطق الكلمه كامله يعني...يعني اخر حرف تغيره مثلاً

وبعدين ترد على روحها وتضرب القطوه على فمها بخفيف وتقول عيب وش هالكلام...!!

خبلة...وانا وراها اضحك بس اني ثقيل مسوي وابتسم بعدها اضحك...هههههههه

بس بخصوص دومينيك ياربي فديته...

انا احب القطط اذا صارو يلعبون معج ويخلونج تطاردين وراهم جنج خبلة...وبالأخص القطط الكبار

اللي أعمارهم على سنه...لأن لويس المسكين كنت دايم احطه فوق واشغل له مروحه...

لأن الوالد ناهي انه يشوفه تحت..(الدور الأرضي) فإذا جيته الظهر يقولي ارحم الحال....

والليل يطلع السطح يتهوى الى الساعه 7 او 8 الصبح بعدها تشرق الشمس ويزعل لويس...

بس اذا نزلته تحت ووقت الصبحيه يكون فيه نشاط اشوي...يخليني الاحقه ويصعد فوق وينزل

واحيان يتخبى...واحلى مقطع شفته فيه اول ماجبته للبيت كنت مخليه يتعرف عالبيت..

بعدها خليته يدخل غرفه فيها بس كبتات حق اخواني وملابس...(محد ينام فيها)

بعدها جيت ماشفته بالظلمه دخل داااخل الغرفه...

وشغلنا الليت انا وامي ووشو شفنا...!!

المفاجأة شفناه واقف ومنزل راسه تحت طاولة الكوي وعاض السلك مال الكوااااية...

ومسوي روحه صنم مايتحرك...

ياربي فديته تمنيت اصوره هذاك اليوم..بس...ماكان فيه وقت لأن جينا له وبعدها قالت امي

مش حيه هذي...

وبعدها حاولت اشيل السلك وبعدها طلع من الغرفه..

بس سالفة دومينيك مع الهدووووووم...

الله يرجج...تقولين بروحه مايبين...ههههههههههههه

ياقلبي يادومينيك لو لويس موجود لعرفته عليه..

مشكورة اختي على مرورج وعلى ردج الأروع...استانست وانا اقراه...

تحياتي لج وبوسي لي دومينيك أمانه...